ಜಬ್ರಾ ಕಂಪೆನಿಯ ಟ್ರೂಲಿ ವೈಯಾರ್‌ಲೆಸ್‌ ಎಲೈಟ್‌75T ಲಾಂಚ್‌!

ಹೌದು, ಜಬ್ರಾ ಕಂಪೆನಿ ತನ್ನ ಹೊಸ ಮಾದರಿಯ ಟ್ರೂಲಿ ವೈಯಾರ್‌ ಲೆಸ್‌ ಎಲೈಟ್‌75T ಇಯರ್‌ ಬಡ್ಸ್‌ ಅನ್ನ ಬಿಡುಗಡೆ ಮಾಡಿದೆ. ಇದು ಕಂಪೆನಿ ಬಿಡುಗಡೆ ಮಾಡಿರುವ ನಾಲ್ಕನೇ ತಲೆಮಾರಿನ ಇಯರ್‌ಬಡ್ಸ್‌್ಆಗಿದ್ದು ಅತ್ಯುತ್ತಮವಾದ ವಿನ್ಯಾಸದ ಜೊತೆಗೆ ಬಳಕೆದಾರನ ಕಿವಿಗೆ ತಕ್ಕಂತೆ ವಿನ್ಯಾಸ ಪಡಿಸಲಾಗಿದೆ. ಯುವಜನತೆಯನ್ನೇ ಆಧಾರವಾಗಿಟ್ಟುಕೊಂಡು ಈ ಇಯರ್‌ಬಡ್‌ಗಳನ್ನ ವಿನ್ಯಾಸಗೊಳಿಸಲಾಗಿದ್ದು, ಎಂತಹದ್ದೆ ಸಂದರ್ಭದಲ್ಲೂ ಇದನ್ನ ಬಳಸಬಹುದಾಗಿದೆ ಎಂದು ಕಂಪೆನಿ ಹೇಳಿಕೊಂಡಿದೆ.

ಇನ್ನು ಜಬ್ರಾ ಎಲೈಟ್ 75T 28ಗಂಟೆಗಳ ಬ್ಯಾಟರಿ ಅವಧಿಯನ್ನ ಹೊಂದಿದ್ದು, ಯುಎಸ್‌ಬಿ-ಸಿ ಚಾರ್ಜಿಂಗ್ ಆಯ್ಕೆಯನ್ನ ಒಳಗೊಂಡಿದೆ. ಅಲ್ಲದೆ ಬ್ಯಾಟರಿ ಇಲ್ಲದೆ 7ಗಂಟೆಗಳ ಅವಧಿಯವರೆಗೂ ಪ್ಲೇಬ್ಯಾಕ್‌ ಸಂಗೀತವನ್ನ ಆಲಿಸಬಹುದಾಗಿದೆ. ಅಲ್ಲದೆ ಕರೆಯನ್ನ ಸ್ವೀಕರಿಸುವುದಕ್ಕೆ ಮತ್ತು ಕರೆಮಾಡುವುದಕ್ಕಾಗಿ ಜಬ್ರಾ ನಾಲ್ಕು ಮೈಕ್ರೊಫೋನ್‌ಗಳನ್ನ ಹೊಂದಿದ್ದು ಎಲ್ಲಾ ಬ್ಲೂಟೂತ್-ಒಳಗೊಂಡ ಸ್ಮಾರ್ಟ್‌ಫೋನ್‌ಗಳು ಮತ್ತು ಟ್ಯಾಬ್ಲೆಟ್‌ಗಳ ಜೊತೆಗೆ ಸಂಪರ್ಕವನ್ನ ಸಾಧಿಸಬಲ್ಲದು.

ಜೊತೆಗೆ ಜಬ್ರಾ ಎಲೈಟ್ 75T ಇಯರ್‌ಬಡ್ಸ್‌ಗಳು ಅಮೆಜಾನ್ ಅಲೆಕ್ಸಾ, ಸಿರಿ ಮತ್ತು ಗೂಗಲ್ ಅಸಿಸ್ಟೆಂಟ್‌ ಜೊತೆಗೆ ಸಂಪರ್ಕ ಸಾಧಿಸುವ ಆಯ್ಕೆಯನ್ನು ಸಹ ಹೊಂದಿದ್ದು, ಒಮ್ಮೆಗೆ ಯಾವುದಾದರೂ ಒಂದು ಆಯ್ಕೆಯನ್ನ ಮಾಡಿಕೊಳ್ಳಬಹುದಾಗಿದೆ. ಅಷ್ಟೆ ಅಲ್ಲ ಧ್ವನಿ ಆಜ್ಞೆಗಳ ಮೂಲಕ ನಿಯಂತ್ರಿಸಬಹುದಾದ ಅವಕಾಶವೂ ಸಹ ನೀಡಲಾಗಿದೆ. ಅಲ್ಲದೆ ಈ ಇಯರ್‌ಬಡ್‌ಗಳು ಐಪಿ 55-ರೇಟೆಡ್ ಪ್ರಮಾಣೀಕರಣದೊಂದಿಗೆ ಡಸ್ಟ್‌ಪ್ರೂಪ್‌, ವಾಟರ್‌ ಪ್ರೂಪ್‌ಮತ್ತು ಬಾಳಿಕೆಯಲ್ಲಿ 2 ವರ್ಷಗಳ ವಾರೆಂಟಿಯನ್ನು ಸಹ ಹೊಂದಿದೆ.

ಸದ್ಯ ನಾವು ನಿರಂತರ ಆವಿಷ್ಕಾರಗಳನ್ನು ಮಾಡುವ ಮೂಲಕ ಈ ಇಯರ್‌ಬಡ್‌ಗಳನ್ನ ಲಾಂಚ್‌ ಮಾಡುತ್ತಿದ್ದು ಗ್ರಾಹಕರಿಗೆ ನಿಜವಾದ ವೈರ್‌ಲೆಸ್ ಇಯರ್‌ಬಡ್ ನ ಅನುಭವವನ್ನ ಅನುಭವಿಸಲು ಅನುವು ಮಾಡಿಕೊಡುತ್ತಿದ್ದೇವೆ. ಇದು ಹೊಸ ತಲೆಮಾರಿನ ಗ್ರಾಹಕರಿಗೆ ಉತ್ತಮ ಆಯ್ಕೆಯಾಗಿದ್ದು ಉತ್ತಮ ಅನುಭವ ನೀಡಲಿದೆ. ಸುಧಿರ್ಘ ಬಾಳಿಕೆ ಹಾಗೂ ಸುಧಾರಿತ ಮಾದರಿಯ ಇಯರ್‌ಬಡ್‌ ಇದಾಗಿದೆ ಅಂತಾ ಜಬ್ರಾ ಕಂಪೆನಿಯ ಕಂಟ್ರಿ ಮಾರ್ಕೆಟಿಂಗ್ ಮ್ಯಾನೇಜರ್ "ಅಮಿಟೇಶ್ ಪುನ್ಹಾನಿ, ಹೇಳಿದ್ದಾರೆ.

ಇನ್ನು ಜಬ್ರಾ ಎಲೈಟ್‌75T ವೈಯಾರ್‌ಲೆಸ್ ಇಯರ್‌ಬಡ್‌ಗಳು ಡಿಸೆಂಬರ್ 27 ರಿಂದ ಕ್ರೋಮಾ, ಅಮೆಜಾನ್, ಫ್ಲಿಪ್‌ಕಾರ್ಟ್ ಮಳಿಗೆ, ಹಾಗೂ ಜಬ್ರಾ ಕಂಪೆನಿಯ ಮಾರಾಟ ಮಳಿಗೆಗಳಲ್ಲಿ ಮಾರಾಟವಾಗಲಿದ್ದು. ಎಲೈಟ್ 75T ಟೈಟಾನಿಯಂ ಬ್ಲ್ಯಾಕ್ ಮತ್ತು ಗೋಲ್ಡ್ ಬೀಜ್ ಬಣ್ಣಗಳಲ್ಲಿ ಲಭ್ಯವಿರುತ್ತದೆ.ಈ ಇಯರ್‌ ಬಡ್ಸ್‌ಗಳ ಬೆಲೆ 15,999 ರೂ. ಆಗಿದೆ.