ಟೆಲಿಕಾಂ ಮಾರುಕಟ್ಟೆಯನ್ನು ದಿಗ್ಭ್ರಮೆಗೊಳಿಸಿದ ಜಿಯೋ ಪ್ಲಾನ್: ರೂ. 101ಕ್ಕೆ ನಿತ್ಯ 2GB 4G ಡೇಟಾ..!

ಕ್ರಿಕೆಟ್ ಟೀಸರ್ ಪ್ಯಾಕ್:

IPL ಫೈನಲ್ ಪಂದ್ಯಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ಈ ಪಂದ್ಯವನ್ನು ಬಳಕೆದಾರರು ನೋಡಲಿ ಎನ್ನುವ ಒಂದೇ ಕಾರಣಕ್ಕೆ ಜಿಯೋ ಈ ಪ್ಲಾನ್ ಅನ್ನು ಲಾಂಚ್ ಮಾಡಿದ್ದು, 8 GB ಹೆಚ್ಚುವರಿ ಡೇಟಾವನ್ನು ನೀಡಲಿದ್ದು, ಬಳಕೆದಾರರಿಗೆ ಹೆಚ್ಚಿನ ಡೇಟಾ ಲಾಭವನ್ನು ಮಾಡಿಕೊಡಲಿದೆ ಎನ್ನಲಾಗಿದೆ.

2GB ಡೇಟಾ ನಿತ್ಯ:

ರೂ.101 ಪ್ಲಾನ್ ಘೋಷಣೆ ಮಾಡಿರುವ ಜಿಯೋ, ಇದರಲ್ಲಿ ಬಳಕೆದಾರರಿಗೆ ನಿತ್ಯ 2GB ಡೇಟಾವನ್ನು ಬಳಕೆಗೆ ನೀಡಲಿದೆ ಎನ್ನಲಾಗಿದೆ. ಈ ಪ್ಲಾನ್ ಕೇವಲ 4 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದ್ದು, 8 GB ಡೇಟಾವನ್ನು ನೀಡಲಿದೆ. ಆದರೆ ಇದರಲ್ಲಿ ಯಾವುದೇ ಕಂಬೋ ಪ್ಯಾಕ್‌ಗಳು ಲಭ್ಯವಿಲ್ಲ.

ಅನ್‌ಲಿಮಿಟೆಡ್ ಡೇಟಾ:

ಈ ಪ್ಲಾನ್‌ನಲ್ಲಿ ಬಳಕೆದಾರರಿಗೆ ಅನ್‌ಲಿಮಿಟೆಡ್ ದೊರೆಯಲಿದೆ ಎನ್ನಲಾಗಿದೆ. ನಿತ್ಯ 2GB ಡೇಟಾವನ್ನು ಖಾಲಿ ಮಾಡಿದ ನಂತರದಲ್ಲಿ ಬಳಕೆದಾರರಿಗೆ 64Kbps ವೇಗದಲ್ಲಿ ಕಾರ್ಯನಿರ್ವಹಿಸುವ ಡೇಟಾವನ್ನು ಜಿಯೋ ನೀಡಲಿದೆ ಎನ್ನಲಾಗಿದೆ. ಇದರಿಂದಾಗಿ ಬಳಕೆದಾರರಿಗೆ ಅನಿಯಮಿತ ಡೇಟಾ ಬಳಕೆಗೆ ದೊರೆಯಲಿದೆ.

ಡೇಟಾ ಆಡ್ ಅನ್:

ಜಿಯೋ ಘೋಷಣೆ ಮಾಡಿರುವ ಪ್ಲಾನ್ ಡೇಟಾ ಆಡ್ ಆನ್‌ ಪ್ಲಾನ್ ಆಗಿದ್ದು, ಈಗಾಗಲೇ ನೀವು ರೀಚಾರ್ಜ್ ಮಾಡಿಸಿಕೊಂಡಿರುವ ಪ್ಲಾನ್‌ನೊಂದಿಗೆ ಬಳಕೆ ಮಾಡಿಕೊಳ್ಳಬಹುದಾಗಿದೆ.ಇದರಲ್ಲಿ ಕರೆ ಮಾಡುವ ಮತ್ತು SMS ಕಳುಹಿಸುವ ಅವಕಾಶವನ್ನು ಮಾಡಿಕೊಟ್ಟಿಲ್ಲ.

ಮೈ ಜಿಯೋ ಆಪ್‌ನಲ್ಲಿ:

ಜಿಯೋ ಘೋಷಣೆ ಮಾಡಿರುವ ರೂ.101 ಡೇಟಾ ಆಡ್ ಆನ್‌ ಪ್ಲಾನ್ ಮೈ ಜಿಯೋ ಆಪ್‌ನಲ್ಲಿ ಲಭ್ಯವಿದ್ದು, ಅಲ್ಲಿಯೇ ನೀವು ರೀಚಾರ್ಜ್ ಮಾಡಿಕೊಳ್ಳಬಹುದಾಗಿದೆ. ಈ ಮೂಲಕ ನೀವು ಹೆಚ್ಚಿನ ಲಾಭವನ್ನು ಪಡೆದುಕೊಳ್ಳಬಹುದಾಗಿದೆ.