ಜಿಯೋದಿಂದ 195 ರೂ. ಬೆಲೆಯ ಹೊಸ ರೀಚಾರ್ಜ್ ಪ್ಲಾನ್ ಬಿಡುಗಡೆ!..ಗ್ರಾಹಕರು ಫುಲ್ ಖುಷ್!

ದೈತ್ಯ ಇಂಟರ್‌ನೆಟ್ ಕಂಪೆನಿಗಳಾದ ರಿಲಯನ್ಸ್ ಜಿಯೋ ಮತ್ತು ಡಿಸ್ನಿ ಹಾಟ್‌ಸ್ಟಾರ್ ಜೊತೆಗೂಡಿ "ಜಿಯೋಹಾಟ್‌ಸ್ಟಾರ್" ಸೇವೆ ಆರಂಭಿಸಿರುವುದು ಬಹುತೇಕ ನಿಮಗೆಲ್ಲಾ ತಿಳಿದಿದೆ. ಇದೀಗ ಈ ಒಪ್ಪಂದದ ಭಾಗವಾಗಿ ಜಿಯೋದಿಂದ 195 ರೂ. ಬೆಲೆಯ ಹೊಸ ರೀಚಾರ್ಜ್ ಪ್ಲಾನ್‌ ಒಂದು ಬಿಡುಗಡೆಯಾಗಿದೆ. ಹೌದು, ರಿಲಯನ್ಸ್ ಜಿಯೋ ತನ್ನ ಪ್ರಿಪೇಯ್ಡ್ ಮೊಬೈಲ್ ಬಳಕೆದಾರರಿಗಾಗಿ ಹೊಸದಾಗಿ ಈ ರೀಚಾರ್ಜ್ ಪ್ಲಾನ್‌ ಪರಿಚಯಿಸಿದ್ದು, ಈ ಪ್ಲಾನ್‌ನಲ್ಲಿ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ವೀಕ್ಷಕರನ್ನು ಗುರಿಯಾಗಿಟ್ಟುಕೊಂಡು ಜಿಯೋಹಾಟ್‌ಸ್ಟಾರ್‌ಗೆ ಉಚಿತ ಚಂದಾದಾರಿಕೆ ಮತ್ತು ಕ್ರಿಕೆಟ್ ಡೇಟಾ ಪ್ಯಾಕ್‌ನಂತಹ ವಿಶೇಷ ಪ್ರಯೋಜನಗಳನ್ನು ಒದಗಿಸಲಾಗಿದೆ. ಹಾಗಾದರೆ, ಈ ಹೊಸ ಪ್ಲಾನ್ ಹೇಗಿದೆ ನೋಡೋಣ ಬನ್ನಿ.

ಜಿಯೋದ ಹೊಸ 195 ರೂ. ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್‌ನ ಪ್ರಯೋಜನಗಳು ಹೀಗಿವೆ

ಜಿಯೋಹಾಟ್‌ಸ್ಟಾರ್ ಅಪ್ಲಿಕೇಶನ್‌ನಲ್ಲಿ ಮಾಸಿಕ ಮತ್ತು ವಾರ್ಷಿಕ ಪ್ಲಾನ್‌ಗಳನ್ನು ನೀಡಲಾಗುತ್ತಿದೆ. ಆದರೆ, ಇದೀಗ ಜಿಯೋ ಪರಿಚಯಿಸಿರುವ 195 ರೂಪಾಯಿಗಳ ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್ 90 ದಿನಗಳ ಅವಧಿಗೆ ಜಿಯೋಹಾಟ್‌ಸ್ಟಾರ್‌ಗೆ ಉಚಿತ ಜಾಹೀರಾತು-ಬೆಂಬಲಿತ ಚಂದಾದಾರಿಕೆ ಮತ್ತು ಒಟ್ಟು 15GB ಹೈ-ಸ್ಪೀಡ್ ಇಂಟರ್ನೆಟ್ ಅನ್ನು ಒದಗಿಸುತ್ತದೆ.

ನಮಗೆ ತಿಳಿದಿರುವಂತೆ, ಜಿಯೋಹಾಟ್‌ಸ್ಟಾರ್‌ನ ಜಾಹೀರಾತು-ಬೆಂಬಲಿತ ಯೋಜನೆಯು ತಿಂಗಳಿಗೆ ರೂ. 149 ರಿಂದ ಪ್ರಾರಂಭವಾಗುತ್ತದೆ. ಇದು 720p ರೆಸಲ್ಯೂಶನ್‌ನಲ್ಲಿ ಒಂದು ಮೊಬೈಲ್ ಸಾಧನದಲ್ಲಿ ವಿಷಯ ಸ್ಟ್ರೀಮಿಂಗ್ ಅನ್ನು ನೀಡುತ್ತದೆ. ಅಂದರೆ, ಈ ಈ ಹೊಸ ಯೋಜನೆಯಲ್ಲಿ ಹೆಚ್ಚು 36 ರೂ.ಗಳಿಗೆ ೧೫ ಜಿಬಿ ಹೆಚ್ಚುವರಿ ಡೇಟಾ ಲಾಭ ಗ್ರಾಹಕರಿಗೆ ದೊರೆಯಲಿದೆ.

ಇದು ಒಂದು ಆಡ್-ಆನ್ ಪ್ಯಾಕ್ ಆಗಿದ್ದು, ಕಾರ್ಯನಿರ್ವಹಿಸಲು ಸಕ್ರಿಯ ಮಾನ್ಯತೆಯೊಂದಿಗೆ ಅಸ್ತಿತ್ವದಲ್ಲಿರುವ ರಿಲಯನ್ಸ್ ಜಿಯೋ ಪ್ರಿಪೇಯ್ಡ್ ಬೇಸ್ ಪ್ಲಾನ್ ಅಗತ್ಯವಿದೆ. ಅಂದರೆ, ಈ ರೀಚಾರ್ಜ್ ಪ್ಲಾನ್ 90 ದಿನಗಳ ಮಾನ್ಯತೆಯಯಲ್ಲಿ ಕೇವಲ ಡೇಟಾ ಪ್ರಯೋಜನಗಳನ್ನು ಮಾತ್ರ ನೀಡುತ್ತದೆ. ಹಾಗೂ, ಹೈ ಸ್ಪೀಡ್ ಡೇಟಾ ಕೋಟ ಮುಗಿದ ನಂತರ, ಡೌನ್‌ಲೋಡ್ ವೇಗವನ್ನು 64kbps ಗೆ ಇಳಿಸಲಾಗುತ್ತದೆ.

ಜಿಯೋದಿಂದ ಮತ್ತೊಂದು ರೂ. 949 ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್

ಹೆಚ್ಚಿನ ಡೇಟಾ ಅಗತ್ಯವಿರುವ ಗ್ರಾಹಕರಿಗೆ, ಜಿಯೋಹಾಟ್‌ಸ್ಟಾರ್‌ನ ಅದೇ ಜಾಹೀರಾತು-ಬೆಂಬಲಿತ ಚಂದಾದಾರಿಕೆಯೊಂದಿಗೆ ರೂ. 949 ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯನ್ನು ಸಹ ಜಿಯೋ ಪರಿಚಯಿಸಿದೆ. ಈ ಯೋಜನೆಯು ದಿನಕ್ಕೆ 2GB ಹೈ ಸ್ಪೀಡ್ 5G ಡೇಟಾವನ್ನು ನೀಡುತ್ತದೆ. ಇದಲ್ಲದೆ, ಈ ಯೋಜನೆಯು ಅನಿಯಮಿತ ಧ್ವನಿ ಕರೆಗಳು ಮತ್ತು ದಿನಕ್ಕೆ 100 SMS ನಂತಹ ಪ್ರಯೋಜನಗಳನ್ನು ನೀಡುತ್ತದೆ.

ಈ ಯೋಜನೆಯು ಕೂಡ ಉಚಿತ ಜಿಯೋಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ನೀಡುತ್ತದೆ. ಹೆಚ್ಚುವರಿಯಾಗಿ, ಈ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯು ಜಿಯೋಕ್ಲೌಡ್ ಮತ್ತು ಜಿಯೋಟಿವಿಯಂತಹ ಇತರ ಆಯ್ದ ಜಿಯೋ ಅಪ್ಲಿಕೇಶನ್‌ಗಳಿಗೆ ಪ್ರವೇಶವನ್ನು ಒದಗಿಸುತ್ತದೆ. ಒಟ್ಟಾರೆಯಾಗಿ, ಜಿಯೋ ತನ್ನ ಬಳಕೆದಾರರಿಗೆ ಕೈಗೆಟುಕುವ ಬೆಲೆಯಲ್ಲಿ ಉತ್ತಮ ಪ್ರಯೋಜನಗಳನ್ನು ನೀಡುವ ಮೂಲಕ ಜಿಯೋಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಹೆಚ್ಚಿಸಲು ಪ್ರಯತ್ನಿಸುತ್ತಿದೆ ಎನ್ನಬಹುದು.