ಜಿಯೋದಿಂದ ಮತ್ತೊಂದು ಹೊಸ ಸೇವೆ: ಆಡ್ ಲೋಕದಲ್ಲಿ ಅಲ್ಲೋಕ ಕಲ್ಲೋಲ..!

ಪಾಲುದಾರಿಕೆ:

ಭಾರತದ ಅತಿದೊಡ್ಡ ಡಿಜಿಟಲ್ ಎಂಗೇಜ್‌ಮೆಂಟ್ ವೇದಿಕೆ ರೂಪಿಸಲಿರುವ ಜಿಯೋ ಇದಕ್ಕಾಗಿ ಹಲವಾರು ಪಾಲುದಾರಿಕೆ ಮಾಡಿಕೊಂಡಿದೆ. ಪ್ರಸರಣ ಸಂಸ್ಥೆಗಳಿಗೆ ಡಿಜಿಟಲ್ ಇಂಟರಾಕ್ಟಿವಿಟಿ ಸಾಧ್ಯವಾಗಿಸಲಿರುವ ಜಿಯೋ ಸ್ಕ್ರೀನ್ಸ್, ವಿಕ್ಷಕರನ್ನು ಪ್ರತಿಕ್ರಿಯಾತ್ಮಕ ಹಾಗೂ ಪಾಲ್ಗೊಳ್ಳುವಿಕೆಗೆ ಪ್ರೋತ್ಸಾಹಿಸಲಿದೆ.

ನೇರ ಪ್ರಸಾರ:

ಜಿಯೋ ಸ್ಕ್ರೀನ್ಸ್ ಸೇವೆಲ್ಲಿ ನೇರಪ್ರಸಾರ ಸಾಧ್ಯವಿದ್ದು, ಇದರಲ್ಲಿ ಪ್ರಸರಣ ಸಂಸ್ಥೆ ಹಾಗೂ ವೀಕ್ಷಕರ ನಡುವಿನ ಸಂವಹನಕ್ಕೆ ಅವಕಾಶ ಮಾಡಿಕೊಡಲಿದೆ. ಆ ಮೂಲಕ ವೀಕ್ಷಕರು ಕಾರ್ಯಕ್ರಮಗಳನ್ನು ಹೆಚ್ಚು ಆಸಕ್ತಿಯಿಂದ ವೀಕ್ಷಿಸುವಂತೆ, ಅತ್ತ ಆಕರ್ಷಿತರಾಗಿ ಮಾಡಲು ಸಾಧ್ಯವಾಗಲಿದೆ.

ಜಾಹಿರಾತಿನ ಹೊಸ ಮುಖ:

ಜಿಯೋ ಸ್ಕ್ರೀನ್ಸ್ ವೇದಿಕೆ ಗ್ರಾಹಕರಿಗೆ ವೈಯಕ್ತಿಕ ಮಟ್ಟದ ಸೇವೆ ನೀಡುವ ತನ್ನ ಆಧುನಿಕ ಸಾಮರ್ಥ್ಯದಿಂದಾಗಿ ಹೆಚ್ಚಿನ ಆಕರ್ಷಣೆಯನ್ನೂ ಜಾಹೀರಾತುಗಳಿಗೆ ಹೊಸ ಅವಕಾಶಗಳನ್ನೂ ಒದಗಿಸಲಿದೆ.

TV ಮತ್ತು ಮೊಬೈಲ್:

ಡ್ಯುಯಲ್ ಸ್ಕ್ರೀನ್ ಅನುಭವ ನೀಡಲಿದ್ದು, TV ಹಾಗೂ ಮೊಬೈಲುಗಳಲ್ಲಿ ಪ್ರದರ್ಶಿಸಲಾಗುವ ಜಾಹೀರಾತುಗಳಿಗೆ ಹೊಸ ವ್ಯಾಖ್ಯಾನ ನೀಡಲಿದೆ. ಅಲ್ಲದೇ ಇದರಿಂದ ಹೆಚ್ಚಿನ ಪ್ರಮಾಣದ ಆದಾಯದ ನಿರೀಕ್ಷೆಯಲ್ಲಿದೆ ಎನ್ನಲಾಗಿದೆ.

ಜಿಯೋ ಇಂಟರಾಕ್ಟ್:

ಜಿಯೋ ಇಂಟರಾಕ್ಟ್ ನಂತರದಲ್ಲಿ ಜಿಯೋ ಪರಿಚಯಿಸುತ್ತಿರುವ ಇಂತಹ ಎರಡನೇ ಬ್ರಾಂಡ್-ಎಂಗೇಜ್‌ಮೆಂಟ್ ವೇದಿಕೆಯಾಗಿದೆ. ಕೃತಕ ಬುದ್ಧಿಮತ್ತೆ (ಆರ್ಟಿಫಿಶಿಯಲ್ ಇಂಟಲಿಜೆನ್ಸ್, ಎಐ) ಆಧರಿತ ಪ್ರಪಂಚದ ಮೊತ್ತಮೊದಲ ಬ್ರಾಂಡ್ ಎಂಗೇಜ್‌ಮೆಂಟ್ ವೇದಿಕೆ ಜಿಯೋಇಂಟರಾಕ್ಟ್ ಅನ್ನು ಜಿಯೋ ಕಳೆದ ವಾರವಷ್ಟೇ ಪರಿಚಯಿಸಿತ್ತು.