ವಾವ್..!! Jio ಮತ್ತು Hotstar ಸಮ್ಮಿಲನ; ಇನ್ಮುಂದೆ ಒಂದೇ ಕಡೆ ಲಭ್ಯ.. ಅಗ್ಗದ ಬೆಲೆಗೆ ಹೊಸ ಪ್ಲಾನ್ಸ್‌

JioHotstar Launched in India: ಭಾರತದಲ್ಲಿ ಕೊನೆಗೂ ಜಿಯೋಹಾಟ್‌ಸ್ಟಾರ್ (JioHotstar) ಅಧಿಕೃತವಾಗಿ ಬಿಡುಗಡೆಯಾಗಿದೆ! ಈ ಮೂಲಕ ಜಿಯೋ ಸಿನಿಮಾ (JioCinema) ಮತ್ತು ಡಿಸ್ನಿ+ ಹಾಟ್‌ಸ್ಟಾ‌ರ್ (Disney+ Hotstar) ವಿಲೀನಗೊಂಡಿವೆ. ಹೌದು, ಜಿಯೋ ಸಿನಿಮಾ ಮತ್ತು ಡಿಸ್ನಿ ಹಾಟ್‌ಸ್ಟಾರ್ ಎರಡು ವಿಲೀನಗೊಂಡು, ಹೊಸ ಜಿಯೋಹಾಟ್‌ಸ್ಟಾರ್ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಅನಾವರಣಗೊಂಡಿದೆ. ಈ ಬಗ್ಗೆ ಜಿಯೋ ಟ್ವಿಟ್ಟರ್‌ ಮೂಲಕ ಮಾಹಿತಿ ಪ್ರಕಟಿಸಿದೆ. ಈ ಹೊಸ ಆಪ್‌ ಯಾವ ಫೀಚರ್‌ ಒಳಗೊಂಡಿದೆ, ಹೊಸ ಪ್ಲಾನ್ ಬೆಲೆ ಮತ್ತು ಪ್ರಯೋಜನಗಳ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ.

ಹೌದು, ಪ್ರಸ್ತುತ ಒಟಿಟಿ (OTT) ವೇಗವಾಗಿ ಬೆಳೆಯುತ್ತಿದೆ. ಈ ಡಿಜಿಟಲ್ ದುನಿಯಾಕ್ಕೆ ಇಂದಿನಿಂದ ಜಿಯೋಹಾಟ್‌ಸ್ಟಾರ್ (JioHotstar) ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಎಂಟ್ರಿ ಕೊಟ್ಟಿದೆ. ಇತ್ತೀಚೆಗೆ ವಯಾಕಾಮ್18 ಮತ್ತು ಸ್ಟಾರ್ ಇಂಡಿಯಾ ವಿಲೀನದೊಂದಿಗೆ ರೂಪುಗೊಂಡ ಜಿಯೋಸ್ಟಾರ್, ಜಿಯೋಸಿನಿಮಾ ಮತ್ತು ಡಿಸ್ನಿ+ ಹಾಟ್‌ಸ್ಟಾರ್ ಒಟ್ಟುಗೂಡಿಸಿ 'ಜಿಯೋಹಾಟ್‌ಸ್ಟಾರ್' ಎಂದು ಹೆಸರಿಸಲಾಗಿದೆ. ಈ ಮೂಲಕ ರಿಲಯನ್ಸ್‌ ಒಡೆತನದ ವಯಾಕಾಮ್18 ಮತ್ತು ಸ್ಟಾರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ನಡುವಿನ ವಿಲೀನ ಪ್ರಕ್ರಿಯೆ ಪೂರ್ಣಗೊಂಡಿದೆ. ಇದೀಗ ಎರಡೂ ಒಟಿಟಿ ಪ್ಲಾಟ್‌ಫಾರ್ಮ್‌ಗಳಾದ ಜಿಯೋ ಸಿನಿಮಾ ಮತ್ತು ಡಿಸ್ನಿ+ ಹಾಟ್‌ಸ್ಟಾರ್ ಒಂದೇ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಆಗಿವೆ.

500 ಮಿಲಿಯನ್‌ಗಿಂತ ಅಧಿಕ ಬಳಕೆದಾರರು!

ಪ್ರಸ್ತುತ ಲಭ್ಯವಿರುವ ಜಿಯೋಸಿನಿಮಾ ಮತ್ತು ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರರು ಈ ಹೊಸ ಸೇವೆಗಳ ಪ್ರಯೋಜನೆಗಳ್ನು ಮುಂದುವರಿಸಬಹುದು. ಜಿಯೋಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಸಹ ಆಯ್ಕೆ ಮಾಡಬಹುದು. ಇದೀಗ, 3 ಲಕ್ಷ ಗಂಟೆಗಳ ಮನರಂಜನೆ, ಲೈವ್​ ಸ್ಪೋರ್ಟ್ಸ್​ ಕವರೇಜ್​ ಮತ್ತು 500 ಮಿಲಿಯನ್‌ಗಿಂತ ಅಧಿಕ ಬಳಕೆದಾರರೊಂದಿಗೆ ಜಿಯೋಹಾಟ್‌ಸ್ಟಾರ್ ಗ್ರಾಹಕರಿಗೆ ಹೊಸ ರೀತಿಯಲ್ಲಿ ಮನರಂಜನೆ ನೀಡಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

149 ರೂ.ಗಳ ಸೂಪರ್ ಪ್ಲಾನ್‌

ಜಿಯೋಹಾಟ್‌ಸ್ಟಾರ್ ಸಿಂಗಲ್ ಡಿವೈಸ್ ಬೆಂಬಲದೊಂದಿಗೆ ಎರಡು ಯೋಜನೆಗಳನ್ನು ಪರಿಚಯಿಸಿದೆ. ಈ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಾಗಿ ಚಂದಾದಾರಿಕೆ ಪ್ಲಾನ್‌ಗಳು 149 ರೂ.ನೀಂದ ಪ್ರಾರಂಭವಾಗುತ್ತವೆ. ಈ ಜಿಯೋಹಾಟ್‌ಸ್ಟಾರ್ ಚಂದಾದಾರಿಕೆ ಪ್ಲಾನ್‌ಗಳ ಮಾಹಿತಿ ಇಲ್ಲಿದೆ ನೋಡಿ.

149 ರೂ. ಚಂದಾದಾರಿಕೆ ಪ್ಲಾನ್

ಈ ಮೊಬೈಲ್ ಪ್ಲಾನ್‌ ಆರಂಭಿಕ ಬೆಲೆ 149 ರೂ. ಆಗಿದೆ. ಇದು 3 ತಿಂಗಳ ವ್ಯಾಲಿಡಿಟಿ ಹೊಂದಿದೆ. ಬಳಕೆದಾರರು ಜಿಯೋಹಾಟ್‌ಸ್ಟಾರ್ ವೀಕ್ಷಿಸುವಾಗ ಮಧ್ಯದಲ್ಲಿ ಜಾಹೀರಾತು ಸಹ ಬರುತ್ತವೆ. ಇದು ಆಡ್​ ಸಪೋರ್ಟ್ಡ್​ ಪ್ಲಾನ್ ಆಗಿದೆ​. ಜೊತೆಗೆ ಈ ಯೋಜನೆಯ ಮೂಲಕ ಕೇವಲ ಒಂದೇ ಫೋನಿನಲ್ಲಿ ಮಾತ್ರವೇ ಸ್ಟ್ರೀಮಿಂಗ್ ಮಾಡಬಹುದು.

499 ರೂ. ಚಂದಾದಾರಿಕೆ ಯೋಜನೆ

ಈ ಪ್ಲಾನ್​ ಬೆಲೆ 499 ರೂ. ಆಗಿದೆ. ಇದು ಒಂದು ವರ್ಷದ ವ್ಯಾಲಿಡಿಟಿಯೊಮದಿಗೆ ಬರುತ್ತದೆ. ಇದು ಆಡ್​ ಸಪೋರ್ಟ್ಡ್​ ಪ್ಲಾನ್ ಆಗಿದೆ​. ನೀವು ಕಂಟೆಂಟ್ ಅನ್ನು​ ಮೊಬೈಲ್​ ಒಂದರಲ್ಲಿ ಮಾತ್ರ ವೀಕ್ಷಿಸಬಹುದು.

ಟೂ ಡಿವೈಸೆಸ್​ ಸಪೋರ್ಟ್ಡ್​ ಯೋಜನೆ

ಕಂಪನಿಯು ಟೂ ಡಿವೈಸಸ್​ ಸಪೋರ್ಟ್ ಮಾಡುವ ಎರಡು ಸೂಪರ್ ಯೋಜನೆಗಳನ್ನು ಪರಿಚಯಿಸಿದೆ. ಮೊದಲ ಪ್ಲಾನ್ ಬೆಲೆ 299 ರೂ. ಆಗಿದೆ. ಈ ಯೋಜನೆಯು 3 ತಿಂಗಳ ವ್ಯಾಲಿಡಿಟಿ ಹೊಂದಿದೆ. ನೀವು ಈ ಯೋಜನೆಯೊಂದಿಗೆ ವಿಷಯವನ್ನು ವೀಕ್ಷಿಸುವಾಗ ಜಾಹೀರಾತು ಬರುತ್ತವೆ. ಹಾಗೆಗೇ 899 ರೂ. ಚಂದಾದಾರಿಕೆ ಪ್ಲಾನ್. ಎರಡು ಮೊಬೈಲ್‌ಗಳಿಗೆ ಸಪೋರ್ಟ್ ಮಾಡುವ ಈ ಯೋಜನೆಯ ಬೆಲೆ 899 ರೂ. ಆಗಿದೆ. ಇದು ಒಂದು ವರ್ಷದ ವ್ಯಾಲಿಡಿಟಿಯೊಂದಿಗೆ ಬರುತ್ತದೆ. ಇದು ಆಡ್​ ಸಪೋರ್ಟ್ಡ್​ ಪ್ಲಾನ್ ಆಗಿದೆ.

ಇದರೊಂದಿಗೆ, ಜಿಯೋಹಾಟ್‌ಸ್ಟಾರ್ ಜಾಹೀರಾತು ಮುಕ್ತ ವಿಷಯಕ್ಕಾಗಿ 3 ಪ್ರೀಮಿಯಂ ಪ್ಲಾನ್‌ಗಳನ್ನು ಒದಗಿಸಿದೆ. ಈ ಯೋಜನೆಯ ಬೆಲೆ 299 ರೂ.ನಿಂದ ಪ್ರಾರಂಭವಾಗುತ್ತದೆ. ಇದು ಒಂದು ತಿಂಗಳ ವ್ಯಾಲಿಡಿಟಿ ಹೊಂದಿದೆ. ಮೂರು ತಿಂಗಳ ಪ್ರೀಮಿಯಂ ಪ್ಲಾನ್ ಬೆಲೆ 499 ರೂ. ಆಗಿದೆ. ಹಾಗೆಯೇ ಒಂದು ವರ್ಷದ ವ್ಯಾಲಿಡಿಟಿ ಪ್ಲಾನ್ ಬೆಲೆ 1,499 ರೂ. ಆಗಿದೆ. ನೀವು, ಈ ಯೋಜನೆಯ​ ಅಡಿಯಲ್ಲಿ ನಾಲ್ಕು ಸಾಧನಗಳಲ್ಲಿ ಕಂಟೆಂಟ್​ ವೀಕ್ಷಿಸಬಹುದು.