ವಿಶ್ವದ ನಂಬರ್ 1 ಕಿಯೋಸ್ 4ಜಿ ಸ್ಮಾರ್ಟ್ ಫೀಚರ್ ಫೋನ್ ಜಿಯೋ

ಕೌಂಟರ್ ಪಾಯಿಂಟ್ ವರದಿ:

ಕೌಂಟರ್ ಪಾಯಿಂಟ್ ನ ನೂತನ ಅಧ್ಯಯನವೊಂದರ ಪ್ರಕಾರ ರಿಲಯನ್ಸ್ ಜಿಯೋ 2017 ರಲ್ಲಿ ಮಾರುಕಟ್ಟೆಗೆ ಬಂದ ನಂತರ ಸುಮಾರು 5 ಕೋಟಿ ಯುನಿಟ್ಸ್ ಗಳನ್ನು ಮಾರಾಟ ಮಾಡುವುದರಲ್ಲಿ ಯಶಸ್ವಿಯಾಗಿದೆ. ತನ್ನದೇ ಸ್ವಂತ ಆಪ್ ಸ್ಟೋರ್ ಜೊತೆಗೆ ಸ್ಮಾರ್ಟ್ ಕಿಯೋಸ್ ಆಪರೇಟಿಂಗ್ ಸಿಸ್ಟಮ್ ಬಳಕೆದಾರರಿಗೆ ಸ್ಮಾರ್ಟ್ ಫೋನಿನಂತಹ ಅನುಭವವನ್ನು ನೀಡುವುದರಲ್ಲಿ ಯಶಸ್ವಿಯಾಗಿದೆ.

ಪ್ರಸಿದ್ಧತೆಗೆ ಕಾರಣ:

ವಾಟ್ಸ್ ಆಪ್, ಫೇಸ್ ಬುಕ್ ಮತ್ತು ಗೂಗಲ್ ಅಸಿಸ್ಟೆಂಟ್ ಬಳಕೆಗೂ ಕೂಡ ಈ ಜಿಯೋಫೋನ್ ಗಳು ಅವಕಾಶ ನೀಡಿದ್ದು ಇದರ ಪರಿಣಾಮವಾಗಿ ಪ್ರಸಿದ್ಧತೆ ಅಧಿಕಗೊಂಡಿದೆ. ವರದಿಯು ಹೇಳುವ ಪ್ರಕಾರ ಜಿಯೋಫೋನ್ 2ಜಿ ಫೀಚರ್ ಫೋನ್ ಸೆಗ್ಮೆಂಟ್ ಇದೀಗ 4G VoLTE ನೆಟ್ ವರ್ಕ್ ನೆಡೆಗೆ ಜಿಯೋ ದಾಪುಗಾಲಿಟ್ಟು ಮುನ್ನಡೆಯಲು ಹೆಚ್ಚಿನ ಅನುಕೂಲತೆಯನ್ನು ಸೃಷ್ಟಿಸಿದೆ.

ಮಾರುಕಟ್ಟೆಯಲ್ಲಿ ಟಾಪ್ 1 :

ಜಿಯೋ ಸಂಸ್ಥೆಯ ಜಿಯೋ ಫೋನ್ ವಿಶ್ವದ ಪ್ರಮುಖ ವೊಲ್ಟ್ ಬೆಂಬಲಿತ ಕಿಯೋಸ್ ಆಧಾರಿತ ಸ್ಮಾರ್ಟ್ ಫೀಚರ್ ಫೋನ್ ಆಗಿದೆ. 20 ಡಾಲರ್ ಗೆ ಇದನ್ನು ಬಿಡುಗಡೆಗೊಳಿಸಲಾಯಿತು ಮತ್ತು ಸ್ಮಾರ್ಟ್ ಫೀಚರ್ ಫೋನ್ ನ ಮೊತ್ತವು ಜಗತ್ತಿನಾದ್ಯಂತ ಕೈಗೆಟುಕುವಂತಿದ್ದು ಗ್ರಾಹಕರ ಮೆಚ್ಚುಗೆಗೆ ಪಾತ್ರವಾಗಿದೆ. 2017 ರಲ್ಲಿ ರಿಲಯನ್ಸ್ ಜಿಯೋ ಫೋನ್ ಮಾರುಕಟ್ಟೆಗೆ ಬಂದ ನಂತರದ ದಿನಗಳಲ್ಲಿ ಸುಮಾರು 100 ಮಿಲಿಯನ್ ಚಂದಾದಾರರು ಇದಕ್ಕೆ ಸೇರ್ಪಡೆಗೊಂಡಿದ್ದಾರೆ ಎಂದು ಕೌಂಟರ್ ಪಾಯಿಂಟ್ ನ ವರದಿಯು ತಿಳಿಸುತ್ತಿದೆ.

ಆದಾಯ ಹೆಚ್ಚಳ:

ಮುಂದಿನ ಮೂರು ವರ್ಷಗಳಲ್ಲಿ ಫೀಚರ್ ಫೋನಿನ ಒಟ್ಟಾರೆ ಆದಾಯವು 28 ಬಿಲಿಯನ್ ಅಧಿಕಗೊಳ್ಳುವ ನಿರೀಕ್ಷೆ ಇದೆ. 2021ರ ವೇಳೆಗೆ ಜಗತ್ತಿನಾದ್ಯಂತ ಸುಮಾರು 300 ಮಿಲಿಯನ್ ಮಂದಿ ಫೀಚರ್ ಫೋನ್ ಬಳಕೆಯನ್ನು ಆರಂಭಿಸಲಿದ್ದಾರೆ. ಸಾಫ್ಟ್ ವೇರ್ ಮತ್ತು ಸೇವೆ ಮಾತ್ರವೇ ಸುಮಾರು 71% ಆದಾಯವನ್ನು ನೀಡುತ್ತದೆ ಅಂದರೆ ಸುಮಾರು 20 ಬಿಲಿಯನ್ ಆದಾಯ ಇದರಲ್ಲಿ ಬರುವ ಸಾಧ್ಯತೆ ಇದೆ ಎಂದು ಕೌಂಟರ್ ಪಾಯಿಂಟ್ ನ ಡೈರೆಕ್ಟರ್ ಆಗಿರುವ ನೀಲ್ ಶಾ ತಿಳಿಸಿದ್ದಾರೆ.

ಭಾರತ ಅತ್ಯಂತ ದೊಡ್ಡ ಮಾರುಕಟ್ಟೆ:

ಸುಮಾರು 252 % ಬೇಡಿಕೆಯು 2018 ರಲ್ಲಿ ಸ್ಮಾರ್ಟ್ ಫೀಚರ್ ಫೋನ್ ಗೆ ಜಗತ್ತಿನಾದ್ಯಂತ ಹೆಚ್ಚಿದೆ. ಅಂದರೆ ಒಟ್ಟು 16% ಒಟ್ಟು ಫೀಚರ್ ಫೋನ್ ವಾಲ್ಯೂಮ್ ನ್ನು ಹೆಚ್ಚಿಸುತ್ತದೆ. ಅದರಲ್ಲಿ ಭಾರತವು ಅತ್ಯಂತ ದೊಡ್ಡ ಮಾರುಕಟ್ಟೆಯಾಗಿದ್ದರೆ ಯುಎಸ್, ಯುಕೆ, ಸೌತ್ ಈಸ್ಟ್ ಏಷಿಯಾ ಮತ್ತು ಆಫ್ರಿಕಾ ದೇಶಗಳಲ್ಲೂ ಕೂಡ ಫೀಚರ್ ಫೋನ್ ಗೆ ಬಹುದೊಡ್ಡ ಮಾರುಕಟ್ಟೆ ಇದೆ. 2021 ರ ವೇಳೆಗೆ ವಿಶ್ವದ ಒಟ್ಟಾರೆ ಸ್ಮಾರ್ಟ್ ಫೀಚರ್ ಫೋನ್ ಮೊತ್ತವು ಅರ್ಧಕ್ಕಿಂತಲೂ ಹೆಚ್ಚು ಉತ್ಪಾದನೆಯಾಗುವ ನಿರೀಕ್ಷೆ ಇದೆ.