ಪಿಯು ವಿದ್ಯಾರ್ಥಿಗಳೇ ನೀವೇ ಮೊದಲು ಫಲಿತಾಂಶ ನೋಡಬೇಕೆ..??

ಇಂದು ರಾಜ್ಯದಲ್ಲಿ ಪಿಯು ಪರೀಕ್ಷೆ ಬರೆದಿರುವ ವಿದ್ಯಾರ್ಥಿಗಳು ನಿರೀಕ್ಷಿಸುತ್ತಿದ್ದಂತ ದಿನವಾಗಿದ್ದು, ಅವರ ಭವಿಷ್ಯ ನಿರ್ಧರಿಸುವ ಫಲಿತಾಂಶ ಇಂದು ಮಧ್ಯಾಹ್ನ ಲಭ್ಯವಾಗಲಿದೆ ಈ ಹಿನ್ನಲೆಯಲ್ಲಿ ವೈಬ್‌ಸೈಟ್‌ಗಳಲ್ಲಿ ಮೊದಲಿಗೆ ಫಲಿತಾಂಶವು ದೊರೆಯಲಿದ್ದು, ಅದಕ್ಕಾಗಿ ಎಲ್ಲಿ ಹುಡುಕಾಡಬೇಕು ಎಂಬ ಮಾಹಿತಿ ಇಲ್ಲಿದೆ.

ರಾಜ್ಯದಲ್ಲ ಈ ಬಾರಿ ಸುಮಾರು 6.50 ಲಕ್ಷ ವಿದ್ಯಾರ್ಥಿಗಳು ಪಿಯು ಪರೀಕ್ಷೆಯನ್ನು ಬರೆದಿದ್ದು, ಅವರೆಲ್ಲರ ಮುಂದಿನ ಹಾದಿ ಏನೆಂಬುದು ಇಂದು ತಿಳಿಯಲಿದೆ. ಇಂದು ಫಲಿತಾಂಶ ಪ್ರಕಟಿಸುವುದಾಗಿ ಪಿಯು ಬೋರ್ಟ್ ತಿಳಿಸಿದೆ.

ಗುರುವಾರ ಮಧ್ಯಾಹ್ನ 3 ಗಂಟೆಗೆ ಮಲ್ಲೇಶ್ವರದ ಪಿಯು ಇಲಾಖೆಯ ಕಚೇರಿಯಲ್ಲಿ ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಸಚಿವ ತನ್ವೀರ್ ಸೇಠ್ ದ್ವಿತೀಯ ಪಿಯು ಫ‌ಲಿತಾಂಶ ಘೋಷಣೆ ಮಾಡಲಿದ್ದಾರೆ. ಅದಾದ ನಂತರವೇ ವೈಬ್‌ಸೈಟ್‌ಗಳಲ್ಲಿ ಫಲಿತಾಂಶ ಹೊರ ಬರಲಿದೆ.

ವಿದ್ಯಾರ್ಥಿಗಳು ಪಿಯು ಇಲಾಖೆ ವೆಬ್‌ಸೈಟ್‌ http://www.pue.kar.nic.in ಅಥವಾ http://karresults.nic.in ನಲ್ಲಿ ಫ‌ಲಿತಾಂಶವನ್ನು ನೋಡಬಹುದಾಗಿದೆ.

ನಾಳೆ ಮುಂಜಾನೆ ವೇಳೆಗೆ ಕಾಲೇಜುಗಳಲ್ಲಿಯೇ ಫಲಿತಾಂಶವನ್ನು ನೀಡಲಾಗುವುದು. ಇದೇ ವೇಳೆ ಶುಕ್ರವಾರ ಎಸ್ಸೆಸ್ಸೆಲ್ಸಿ ಪರೀಕ್ಷಾ ಫ‌ಲಿತಾಂಶ ಪ್ರಕಟವಾಗಲಿದೆ ಎಂದು ಶಿಕ್ಷಣ ಇಲಾಖೆ ಮೂಲಗಳು ತಿಳಿಸಿವೆ.