ಹೊಸ ಹೆಸರಿನೊಂದಿಗೆ ಭಾರತಕ್ಕೆ ರೀ ಎಂಟ್ರಿ ಕೊಟ್ಟ ಪಬ್‌ಜಿ ಮೊಬೈಲ್‌ ಗೇಮ್‌!

ಹೌದು, ಪಬ್‌ಜಿ ಮೊಬೈಲ್‌ ಗೇಮ್‌ ಈ ಭಾರಿ ಹೊಸ ಅವತಾರದಲ್ಲಿ ಹೊಸ ಹೆಸರಿನೊಂದಿಗೆ ಭಾರತಕ್ಕೆ ಎಂಟ್ರಿ ನೀಡಿದೆ. ಇನ್ನು PUBG ಮೊಬೈಲ್‌ನಂತೆಯೇ, ಬ್ಯಾಟಲ್‌ಗ್ರೌಂಡ್ಸ್ ಮೊಬೈಲ್ ಇಂಡಿಯಾ ಒಂದು ಫ್ರೀ-ಪ್ಲೇ-ಬ್ಯಾಟಲ್ ರಾಯಲ್ ಗೇಮ್‌ ಆಗಿದೆ. ಇದು ಈಗ COD: Mobile ವಿರುದ್ಧ ಸ್ಪರ್ಧಿಸುತ್ತದೆ. ಇದು ಫ್ರೀ ಗೇಮ್‌ ಆಗಿದ್ದರೂ, ಮೈಕ್ರೊ ಟ್ರಾನ್ಸ್‌ಕ್ಷನ್‌ಗಳನ್ನು ಹೊಂದಿರುತ್ತದೆ, ಇಲ್ಲಿ ಒಬ್ಬರು ಪಾವತಿ ಮಾಡುವ ಮೂಲಕ ಆಟದ ಸರಕುಗಳನ್ನು ಖರೀದಿಸಬಹುದು. ಇನ್ನುಳಿದಂತೆ ಬ್ಯಾಟಲ್‌ಗ್ರೌಂಡ್ಸ್‌ ಗೇಮ್‌ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಬ್ಯಾಟಲ್‌ಗ್ರೌಂಡ್ಸ್ ಮೊಬೈಲ್ ಇಂಡಿಯಾವು ಪಬ್‌ಜಿ ಮೊಬೈಲ್ ಇಂಡಿಯಾದ ಮರುಕಳಿಸಿದ ಆವೃತ್ತಿಯಾಗಿದೆ. ಬ್ಯಾಟಲ್‌ಗ್ರೌಂಡ್‌ ಮೊಬೈಲ್ ಇಂಡಿಯಾ ಭಾರತ ಸರ್ಕಾರ ನಿಗದಿಪಡಿಸಿದ ಎಲ್ಲಾ ನಿಯಮಗಳು ಮತ್ತು ನಿಯಮಗಳನ್ನು ಪಾಲಿಸುತ್ತದೆ ಎಂದು ಕ್ರಾಫ್ಟನ್ ಖಚಿತಪಡಿಸಿದ್ದಾರೆ. ಆಟಗಾರರಿಂದ ಸಂಗ್ರಹಿಸಿದ ಬಳಕೆದಾರ ಡೇಟಾ ಯಾವುದೇ ರೀತಿಯಲ್ಲೂ ಸೊರಿಕೆ ಆಗುವುದಿಲ್ಲ ಎಂದು ಹೇಳಿದೆ. ಆದರೆ ಈಗಿನಂತೆ, ಯಾವ ರೀತಿಯ ಡೇಟಾವನ್ನು ಸಂಗ್ರಹಿಸಲಾಗುತ್ತದೆ ಎಂಬುದರ ಕುರಿತು ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ.

ಬ್ಯಾಟಲ್‌ಗ್ರೌಂಡ್‌ ಗೇಮ್‌ ಮೊಬೈಲ್ ಇಂಡಿಯಾ ಡೌನ್‌ಲೋಡ್ ಮಾಡುವುದು ಹೇಗೆ?

ಬ್ಯಾಟಲ್‌ ಗ್ರೌಂಡ್‌ ಗೇಮ್‌ ಮೊಬೈಲ್‌ ಇಂಡಿಯಾ ಇನ್ನು ಬಿಡುಗಡೆ ಆಗಿಲ್ಲ. ಈ ಕುರಿತು ಸ್ಟುಡಿಯೋ ಇನ್ನೂ ಗೇಮ್‌ನ ಪ್ರೀ-ಆರ್ಡರ್‌ ದಿನಾಂಕವನ್ನು ಪ್ರಕಟಿಸಿಲ್ಲ. ಇದಾದ ನಂತರವಷ್ಟೇ ಈ ಹೊಸ ಗೇಮ್‌ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪಲ್ ಆಪ್ ಸ್ಟೋರ್‌ನಲ್ಲಿ ಉಚಿತವಾಗಿ ಲಭ್ಯವಿರುತ್ತದೆ. ಇದಲ್ಲದೆ ಬ್ಯಾಟಲ್‌ಗ್ರೌಂಡ್‌ ಮೊಬೈಲ್ ಇಂಡಿಯಾದ ವಿವರಗಳ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಇದು ಮರುಹೆಸರಿಸಲ್ಪಟ್ಟ PUBG ಮೊಬೈಲ್ ಆಗಿರಲಿ ಅಥವಾ ಇದು ಭಾರತ ಕೇಂದ್ರಿತ ಕೆಲವು ವೈಶಿಷ್ಟ್ಯಗಳೊಂದಿಗೆ ಭಾರತಕ್ಕಾಗಿ ನಿರ್ಮಿಸಲಾದ ಹೊಸ ಗೇಮ್‌ ಆಗಿರಬಹುದಾ? ಬ್ಯಾಟಲ್‌ಗ್ರೌಂಡ್‌ ಮೊಬೈಲ್ ಇಂಡಿಯಾ ಮೂಲಕ ಜಾಗತಿಕ PUBG ಮೊಬೈಲ್ ಪ್ಲೇಯರ್‌ಗಳ ವಿರುದ್ಧ ಆಡಬಹುದೇ? ಇಲ್ಲವೇ ಬ್ಯಾಟಲ್‌ಗ್ರೌಂಡ್‌ ಮೊಬೈಲ್ ಇಂಡಿಯಾ ಆಟಗಾರರು ಮಾತ್ರ ಪರಸ್ಪರ ಆಡಬಹುದೇ ಎಂಬುದು ಸಹ ಸ್ಪಷ್ಟವಾಗಿಲ್ಲ.

ಸದ್ಯ ಬ್ಯಾಟಲ್‌ಗ್ರೌಂಡ್‌ ಮೊಬೈಲ್ ಇಂಡಿಯಾ ಗೇಮ್‌ ಬಗ್ಗೆ, ಕಂಪನಿಯ ಅಧಿಕೃತ ಯೂಟ್ಯೂಬ್ ಚಾನೆಲ್ ಮತ್ತು ಸೋಷಿಯಲ್ ಮೀಡಿಯಾ ಪ್ಲಾಟ್‌ಫಾರ್ಮ್‌ಗಳು ಸಹ ಲೈವ್ ಆಗಿ ಹೋಗಿದ್ದು, ಮುಂದಿನ ಕೆಲವು ವಾರಗಳಲ್ಲಿ ಈ ಆಟವು ಶೀಘ್ರದಲ್ಲೇ ಲೈವ್ ಆಗಬಹುದು ಎಂದು ಸೂಚಿಸುತ್ತದೆ. ಇನ್ನು ಈಗಾಗಲೇ ಭಾರತದಲ್ಲಿ PUBG ಮೊಬೈಲ್ ನಿಷೇಧದಿಂದಾಗಿ, ಹೆಚ್ಚಿನ ಬಳಕೆದಾರರು COD: Mobile ಗೆ ಬದಲಾಯಿಸಿದ್ದಾರೆ. ಇದೀಗ ಬ್ಯಾಟಲ್‌ಗ್ರೌಂಡ್ಸ್ ಮೊಬೈಲ್ ಇಂಡಿಯಾ ಗೇಮ್‌ಗೆ ಯುವಜನತೆ ಹೆಚ್ಚಿನ ಪ್ರೋತ್ಸಾಹ ನೀಡುತ್ತಾರ ಅನ್ನೊದು ಶೀಘ್ರದಲ್ಲೇ ತಿಳಿಯಲಿದೆ.