ಲೆನೊವೋ ಐಡಿಯಾಪ್ಯಾಡ್ ಡ್ಯುಯೆಟ್ ಮತ್ತು ಫ್ಲೆಕ್ಸ್ 5 ಬಿಡುಗಡೆ!

ಹೌದು, ಚೀನಾ ಮೂಲದ ಲೆನೊವೋ ಕಂಪೆನಿ ಈಗಾಗ್ಲೆ ಗ್ರಾಃಕರನ್ನ ಆಕರ್ಷಿಸುವಂತ ಲ್ಯಾಪ್‌ಟಾಪ್‌ಗಳನ್ನ ಕನ್ಸ್ಯೂಮರ್ ಎಲೆಕ್ಟ್ರಾನಿಕ್ ಶೋ ನಲ್ಲಿ ಲಾಂಚ್‌ ಮಾಡಿದ್ದು, ಅವುಗಳ ವಿಶೇಷತೆಯೇನು ಅನ್ನೊದನ್ನ ಬಹಿರಂಗ ಪಡಿಸಿದೆ. ಅದರಲ್ಲೂ ಲೆನೊವೋ ಐಡಿಯಾಪ್ಯಾಡ್ ಡ್ಯುಯೆಟ್ ಮತ್ತು ಲೆನೊವೋ ಐಡಿಯಾಪ್ಯಾಡ್ ಫ್ಲೆಕ್ಸ್ 5 ಎಂಬ ಎರಡು ಕ್ರೋಮ್‌ಗಳನ್ನ ಬಿಡುಗಡೆ ಮಾಡಿದ್ದು, ಗ್ರಾಹಕರನ್ನ ಆಕರ್ಷಿಸಿದೆ. ಅಷ್ಟಕ್ಕೂ ಈ ಕ್ರೋಮ್‌ಬುಕ್‌ಗಳ ವಿಶೇಷತೆಯೇನು ಅನ್ನೊದನ್ನ ಈ ಲೇಖನದಲ್ಲಿ ಓದಿ.

ಲೆನೊವೊ ಐಡಿಯಾಪ್ಯಾಡ್ ಡ್ಯುಯೆಟ್

ಲೆನೊವೊ ಐಡಿಯಾಪ್ಯಾಡ್‌ ಡ್ಯುಯೆಟ್‌ ಪಿಕ್ಸೆಲ್ ಸ್ಲೇಟ್ ವಿನ್ಯಾಸವನ್ನ ಹೊಂದಿದ್ದು, 10.1-ಇಂಚಿನ ಫುಲ್‌ಹೆಚ್‌ಡಿ ಡಿಸ್‌ಪ್ಲೇಯನ್ನ ಹೊಂದಿದೆ. ಅಲ್ಲದೆ ಡಿಟ್ಯಾಚೇಬಲ್ ಕೀಬೋರ್ಡ್, ಮತ್ತು ಫುಲ್‌ ಕೀಬೋರ್ಡ್ ಮತ್ತು ಟ್ರ್ಯಾಕ್‌ಪ್ಯಾಡ್ ಅನ್ನು ಒಳಗೊಂಡಿದೆ. ಇನ್ನು ಲೆನೊವೊ ಐಡಿಯಾಪ್ಯಾಡ್ ಡ್ಯುಯೆಟ್ 8 ಮೆಗಾಪಿಕ್ಸೆಲ್ ಕ್ಯಾಮೆರಾ ಸೆನ್ಸಾರ್‌ ಮತ್ತು 5 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಒಳಗೊಂಡಿದೆ. ಇನ್ನು ಈ ಕ್ರೋಮ್‌ಬುಕ್‌ ಮೀಡಿಯಾ ಟೆಕ್ ಹೆಲಿಯೊ ಪಿ 60ಟಿ ಸೋಕ್ ಪ್ರೊಸೆಸರ್‌ ಹೊಂದಿದ್ದು, 4GB RAM ಮತ್ತು 128GB ಶೇಖರಣಾ ಸಾಮರ್ಥ್ಯವನ್ನ ಹೊಂದಿದೆ. ಅಲ್ಲದೆ ಒಂದು ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಮತ್ತು ಕಿಕ್‌ಸ್ಟ್ಯಾಂಡ್ ಒಳಗೊಂಡಿದೆ. ಜೊತೆಗೆ ಸಾಫ್ಟ್‌ವೇರ್ ಅಪ್‌ಡೇಟ್ ಬೆಂಬಲವನ್ನು 8 ವರ್ಷಗಳವರೆಗೆ ನೀಡುವುದಾಗಿ ಕಂಪನಿ ಹೇಳಿಕೊಂಡಿದೆ.

ಐಡಿಯಾಪ್ಯಾಡ್ ಫ್ಲೆಕ್ಸ್ 5

ಐಡಿಯಾಪ್ಯಾಡ್ ಫ್ಲೆಕ್ಸ್ 5, 10th gen ಇಂಟೆಲ್ ಕೋರ್ i5 ಹೊಂದಿದ್ದು, ಇದು 360 ಡಿಗ್ರಿ ಹಿಂಜ್ ಹೊಂದಿರುವ 2-ಇನ್ -1 ಡಿವೈಸ್‌ ಆಗಿದೆ. ಇನ್ನು ಈ ಲ್ಯಾಪ್‌ಟಾಪ್‌ 13.3 ಇಂಚಿನ ಫುಲ್‌ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಅಲ್ಲದೆ 300 ನಿಟ್ಸ್ ಗರಿಷ್ಠ ಶೈನಿಂಗ್‌ ಬ್ರೈಟ್‌ನೆಶ್‌ ಅನ್ನ ಒಳಗೊಂಡಿದೆ. ಅಲ್ಲದೆ 8GB RAM ಮತ್ತು 64GB emmc ಶೇಖರಣಾ ಸಾಮರ್ಥ್ಯವನ್ನ ಹೊಂದಿದೆ. ಜೊತೆಗೆ ಐಡಿಯಾಪ್ಯಾಡ್ ಫ್ಲೆಕ್ಸ್ 5 ನಲ್ಲಿನ ಕೀಬೋರ್ಡ್ ಬ್ಯಾಕ್-ಲಿಟ್ ಆಗಿದೆ. ಅಲ್ಲದೆ ಇದು ಎರಡೂ ಬದಿಗಳಲ್ಲೂ 2W ಸ್ಪೀಕರ್‌ಗಳನ್ನು ಹೊಂದಿದೆ. ಇನ್ನು ಈ ಕ್ರೋಮ್‌ಬುಕ್‌ 10 ಗಂಟೆಗಳ ಬ್ಯಾಟರಿ ಬ್ಯಾಕಪ್ ಹೊಂದಿದ್ದು, ವೈ-ಫೈ 6 ಅನ್ನು ಸಹ ಹೊಂದಿದೆ.

ಇನ್ನು ಸಿಇಎಸ್‌ ಸಮ್ಮೇಳನದಲ್ಲಿ ಆಸುಸ್ ಕಂಪೆನಿ ಕೂಡ 15.6-ಇಂಚಿನ ಡಿಸ್‌ಪ್ಲೇ ಹೊಂದಿರುವ A15 ಮತ್ತು 17.3-ಇಂಚಿನ ಡಿಸ್ಪ್ಲೇ ಹೊಂದಿರುವ A17 ಲ್ಯಾಪ್‌ಟಾಪ್‌ಗಳನ್ನ ಪರಿಚಯಿಸಿದ್ದು. ಈ 2 ಲ್ಯಾಪ್‌ಟಾಪ್‌ಗಳು 10th gen ಇಂಟೆಲ್ ಕೋರ್ ಪ್ರೊಸೆಸರ್ ಹೊಂದಿದೆ. ಇನ್ನು ಸ್ಯಾಮ್‌ಸಂಗ್‌ ಕಂಪೆನಿ ಕೂಡ ಪ್ರೀಮಿಯಂ ಕ್ರೋಮ್‌ಬುಕ್ ಅನ್ನು ಬಿಡುಗಡೆ ಮಾಡಿದೆ. ಇದು ಕೇವಲ 0.4 ಇಂಚು ದಪ್ಪವಿರುವ 13.3-ಇಂಚಿನ 4 ಕೆ ಯುಹೆಚ್‌ಡಿ ಅಮೋಲೆಡ್ ಡಿಸ್ಪ್ಲೇಯನ್ನು ಹೊಂದಿದ್ದು, ಇದು 10th gen ಇಂಟೆಲ್ ಕೋರ್ ಐ 5 ಪ್ರೊಸೆಸರ್ ಹೊಂದಿದೆ. ಅಲ್ಲದೆ ಏಸರ್‌ ಕಂಪೆನಿ ಕೂಡ ಟ್ರಾವೆಲ್‌ಮೇಟ್ ಪಿ 6 ಮತ್ತು ಟ್ರಾವೆಲ್ಮೇಟ್ ಪಿ 2 ಲಾಂಚ್‌ ಮಾಡಿದ್ದು, ಇದು 23 ಗಂಟೆಗಳ ಬ್ಯಾಟರಿ ಅವಧಿ ಬಾಳಿಕೆ ಬರಲಿದ್ದು, ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸಲಿದೆ.