ಲೆನೊವೊದಿಂದ ಹೊಸ ಕ್ರೋಮ್‌ಬುಕ್‌ ಲ್ಯಾಪ್‌ಟಾಪ್‌ ಅನಾವರಣ! ವಿಶೇಷತೆ ಏನು?

ಹೌದು, ಲೆನೊವೊ ಕಂಪೆನಿ ಹೊಸ ಐಡಿಯಾಪ್ಯಾಡ್ ಫ್ಲೆಕ್ಸ್ 3i ಕ್ರೋಮ್‌ಬುಕ್‌ ಬಿಡುಗಡೆ ಮಾಡಿದೆ. ಇದು 12 ಗಂಟೆಗಳವರೆಗೆ ಲಾಂಗ್‌ ಬ್ಯಾಟರಿ ಅವಧಿಯನ್ನು ನೀಡಲಿದೆ ಎಂದು ಲೆನೊವೊ ಹೇಳಿಕೊಂಡಿದೆ. ಇನ್ನು ಈ ಕ್ರೋಮ್‌ಬುಕ್‌ ಫಿಸಿಕಲ್‌ ಶಟರ್‌ನೊಂದಿಗೆ HD ಅಥವಾ ಫುಲ್‌ಹೆಚ್‌ಡಿ ಕ್ಯಾಮರಾವನ್ನು ಆಯ್ಕೆ ಮಾಡುವ ಆಯ್ಕೆಯನ್ನು ನೀಡಲಿದೆ. ಇದಲ್ಲದೆ ಪ್ರೈವೆಸಿಗಾಗಿ ಮ್ಯೂಟ್ ಕೀಯನ್ನು ಕೂಡ ಒಳಗೊಂಡಿದೆ. ಇನ್ನುಳಿದಂತೆ ಈ ಹೊಸ ಕ್ರೋಮ್‌ಬುಕ್‌ ವಿಶೇಷತೆ ಏನಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಫೀಚರ್ಸ್‌ ಹೇಗಿದೆ?

ಲೆನೊವೊ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಟು ಇನ್‌ ಒನ್‌ ಕ್ರೋಮ್‌ಬುಕ್‌ ಲ್ಯಾಪ್‌ಟಾಪ್‌ 12.2 ಇಂಚಿನ IPS ಟಚ್‌ಸ್ಕ್ರೀನ್ ಡಿಸ್‌ಪ್ಲೇ ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ 1920 x 1200 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ಪಡೆದಿದೆ. 300 ಗರಿಷ್ಠ ಬ್ರೈಟ್‌ನೆಸ್‌ ಮತ್ತು TUV ರೈನ್‌ಲ್ಯಾಂಡ್ ಲೋ ಬ್ಲೂ ಲೈಟ್‌ ಪ್ರಮಾಣೀಕರಣದೊಂದಿಗೆ ಬರುತ್ತದೆ. ಜೊತೆಗೆ ಈ ಲ್ಯಾಪ್‌ಟಾಪ್ ಅನ್ನು ನಿಮಗೆ ಬೇಕಾದ ಹಾಗೇ ಮಡಚಬಹುದಾಗಿದೆ. ಇದಕ್ಕಾಗಿ 360-ಡಿಗ್ರಿ ಹಿಂಜ್ ಅನ್ನು ಕೂಡ ಹೊಂದಿದೆ.

ಇನ್ನು ಈ ಕ್ರೋಮ್‌ಬುಕ್‌ ಇಂಟೆಲ್ ಪ್ರೊಸೆಸರ್ N100 ಅಥವಾ ಇಂಟೆಲ್‌ ಪ್ರೊಸೆಸರ್ N200 ವೇಗವನ್ನು ಪಡೆದಿದೆ. ಇದು ಗೂಗಲ್‌ನ ಕ್ರೋಮ್‌OS ನಲ್ಲಿ ಕಾರ್ಯನಿರ್ವಹಿಸಲಿದೆ. ಹಾಗೆಯೇ 4GB ಅಥವಾ 8GB RAM ಮತ್ತು 64GB ಅಥವಾ 128GB ಸ್ಟೋರೇಜ್‌ ಬಲವನ್ನು ಪಡೆದುಕೊಂಡಿದೆ ಎನ್ನಲಾಗಿದೆ. ಈ ಲ್ಯಾಪ್‌ಟಾಪ್‌ 720p ಅಥವಾ 1080p ಕ್ಯಾಮೆರಾವನ್ನು ಒಳಗೊಂಡಿದೆ. ಜೊತೆಗೆ ಈ ಕ್ರೋಮ್‌ಬುಕ್‌ 12 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡಲಿದೆ ಎಂದು ಕಂಪೆನಿ ಹೇಳಿದೆ.

ಲೆನೊವೊ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಕ್ರೋಮ್‌ಬುಕ್‌ ಮ್ಯಾಕ್ಸ್‌ಆಡಿಯೋ ಜೊತೆಗೆ ಎರಡು 2W ಸ್ಟಿರಿಯೊ ಸ್ಪೀಕರ್‌ಗಳನ್ನು ಕೂಡ ಹೊಂದಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಇಂಟೆಲ್ Wi-Fi 6 6E, Wi-Fi ಕಾರ್ಡ್‌ನೊಂದಿಗೆ ಬ್ಲೂಟೂತ್ 5.2 ಕಾಂಬೊ, ಮೈಕ್ರೋ SD ಕಾರ್ಡ್ ಸ್ಲಾಟ್, USB 3.2 Gen 2 ಟೈಪ್-C ಪೋರ್ಟ್, ಎರಡು USB 3.2 Gen1 ಟೈಪ್-A ಪೋರ್ಟ್, ಕಾಂಬೊ ಆಡಿಯೊ ಜ್ಯಾಕ್ ಮತ್ತು HDMI 1.4 ಅನ್ನು ಬೆಂಬಲಿಸಲಿದೆ. ಇದಲ್ಲದೆ ವೇವ್ಸ್‌ ಮ್ಯಾಕ್ಸ್‌ ಆಡಿಯೋನಿಂದ ಟ್ಯೂನ್ ಮಾಡಲಾದ ಎರಡು ಯೂಸರ್‌-ಫೇಸಿಂಗ್ ಸ್ಪೀಕರ್‌ಗಳನ್ನು ಹೊಂದಿದೆ.

ಬೆಲೆ ಮತ್ತು ಲಭ್ಯತೆ

ಲೆನೊವೊ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಕ್ರೋಮ್‌ಬುಕ್‌ ಜಾಗತಿಕ ಮಾರುಕಟ್ಟೆಯಲ್ಲಿ $349.99 (ಅಂದಾಜು 28,939ರೂ)ಬೆಲೆಯಿಂದ ಪ್ರಾರಂಭವಾಗುವ ಸಾಧ್ಯತೆಯಿದೆ. ಇದು ಮೇ 2023 ರಿಂದ ಲಭ್ಯವಾಗುವ ನಿರೀಕ್ಷೆಯಿದೆ ಎಂದು ಲೆನೊವೊ ಕಂಪೆನಿ ಹೇಳಿದೆ. ಆದರೆ ಇದರ ದೇಶ-ವಾರು ಲಭ್ಯತೆಯನ್ನು ವಿವರಿಸಿಲ್ಲ. ಇನ್ನು ಈ ಕ್ರೋಮ್‌ಬುಕ್‌ ಲ್ಯಾಪ್‌ಟಾಪ್‌ ಕ್ಲೌಡ್ ಗ್ರೇ ಮತ್ತು ಅಬಿಸ್ ಬ್ಲೂ ಬಣ್ಣದ ರೂಪಾಂತರಗಳಲ್ಲಿ ಲಭ್ಯವಾಗಲಿದೆ.