ಕ್ರೆಡಿಟ್ ಕಾರ್ಡ್‌ ಬಳಕೆದಾರರಿಗೆ ಸಿಹಿ ಸುದ್ದಿ, ಬ್ಯಾಂಕಿನಿಂದಲೇ ಕಾಸು ವಾಪಸ್..!

RBI ನಿಂದ ಹೊಸ ಮಾರ್ಗದರ್ಶಿ:

ಕ್ರೆಡಿಟ್ ಕಾರ್ಡ್ ಮತ್ತು ಬ್ಯಾಂಕ್ ಖಾತೆ ಹ್ಯಾಕ್ ಆದ ಸಂದರ್ಭದಲ್ಲಿ ಜವಬ್ದಾರಿಯನ್ನು ಹೊರುವವರು ಯಾರು ಎನ್ನುವ ಪ್ರಶ್ನೆಗೆ ಉತ್ತರಿಸುವ ಸಲುವಾಗಿ ರಿಸರ್ವ್‌ ಬ್ಯಾಂಕ್‌ ಒಂದಿಷ್ಟು ಹೊಸ ಮಾದರಿಯ ಮಾರ್ಗಸೂಚಿಗಳನ್ನು ರೂಪಿಸಿದೆ. ಇ-ವ್ಯವಹಾರಗಳಿಗೆ ಸಂಬಂಧಿಸಿದಂತೆ ಹೆಚ್ಚಿನ ಪ್ರಮಾಣದಲ್ಲಿ ಗ್ರಾಹಕರಿಗೆ ರಕ್ಷಣೆ ನೀಡುವ ಸಲುವಾಗಿ ಈ ಹೊಸ ಮಾದರಿಯ ಮಾರ್ಗಸೂಚಿಯನ್ನು ಜಾರಿಗೆ ತಂದಿದೆ ಇದರಿಂದಾಗಿ ಗ್ರಾಹಕರು ಸೇಪ್ ಎನ್ನಲಾಗಿದೆ.

ವಿಷಯ ತಿಳಿಸಿ:

ನಿಮ್ಮ ಬ್ಯಾಂಕ್ ಖಾತೆ ಮತ್ತು ಕ್ರೆಡಿಟ್ ಕಾರ್ಡ್‌ ಅನ್ನು ಹ್ಯಾಕ್ ಮಾಡಿದ ಸಂದರ್ಭದಲ್ಲಿ ಈ ಕುರಿತು ಗ್ರಾಹಕರು ನಾಲ್ಕರಿಂದ ಏಳು ದಿನಗಳ ಒಳಗಾಗಿ ಬ್ಯಾಂಕ್‌ನ ಗಮನಕ್ಕೆ ತರಬೇಕು. ಇದೇ ಮಾದರಿಯಲ್ಲಿ ಗ್ರಾಹಕರು ಅಕ್ರಮ ವಹಿವಾಟಿನ ಬಗೆಗೆ ಮೂರು ದಿನದೊಳಗೆ ಬ್ಯಾಂಕಿನ ಗಮನಕ್ಕೆ ತರಬೇಕು ಎನ್ನಲಾಗಿದೆ.

How to pay tax online in simple steps - GIZBOT KANNADA

ಗ್ರಾಹಕರಿಗೆ ಯಾವುದೇ ಚಿಂತೆ ಇಲ್ಲ:

RBI ಹೇಳಿರುವಂತೆ ಕ್ರೆಡಿಡ್ ಕಾರ್ಡ್ ಹ್ಯಾಕ್ ಇಲ್ಲವೇ ಖಾತೆ ಹ್ಯಾಕ್ ಆದ ಸಂದರ್ಭದಲ್ಲಿ ಬ್ಯಾಂಕ್‌ ನಿಂದಲೇ ಲೋಪವಾಗಿದ್ದರೆ ಗ್ರಾಹಕರು ಯಾವುದೇ ನಷ್ಟವನ್ನು ತುಂಬ ಬೇಕಾಗಿಲ್ಲ. ಆದರೆ ಇದರಲ್ಲಿ ಗ್ರಾಹಕರು ಅನುಭವಿಸಿದ ನಷ್ಟವನ್ನು ಬ್ಯಾಂಕ್‌ ತುಂಬಿಸಿಕೊಡಬೇಕು ಎನ್ನಲಾಗಿದೆ.

ತಪ್ಪು ನಿಮ್ಮಿಂದ ಆಗಿದ್ರೆ:

ಆದರೆ ಗ್ರಾಹಕರು ಮಾಡಿದ ತಪ್ಪಿನಿಂದ ಖಾತೆಯು ಹ್ಯಾಕ್‌ ಆಗಿ ಇಲ್ಲವೇ ಕಾರ್ಡ್ ಹ್ಯಾಕ್ ಆಗಿ ನಷ್ಟವಾದರೆ ಇಂತಹ ಸಂದರ್ಭದಲ್ಲಿ ನಷ್ಟವನ್ನು ಬ್ಯಾಂಕ್‌ ಭರಿಸುವುದಿಲ್ಲ ಎನ್ನಲಾಗಿದೆ. ನಷ್ಟಕ್ಕೆ ಗ್ರಾಹಕನೇ ಹೊಣೆಯಾಗ ಬೇಕಾಗುತ್ತದೆ.

ಇಬ್ಬರಿಂದ ಆಗಿದ್ರೆ:

ಒಂದು ವೇಳೆ ಬ್ಯಾಂಕ್‌ ಮತ್ತು ಗ್ರಾಹಕರು ಇಬ್ಬರು ಮಾಡಿದ ತಪ್ಪಿನಿಂದ ಖಾತೆಯಲ್ಲಿ ಇದ್ದ ಹಣವು ಹ್ಯಾಕ್ ಆದರೆ ಗ್ರಾಹಕರೂ ನಷ್ಟದಲ್ಲಿ ಪಾಲು ಭರಿಸಬೇಕಾಗಿದೆ ಎನ್ನಲಾಗಿದೆ.

90 ದಿನಗಳಲ್ಲಿ:

ಏಳು ದಿನಗಳ ನಿಮ್ಮ ಬ್ಯಾಂಕ್ ಖಾತೆ ಮತ್ತು ಕ್ರೆಡಿಟ್ ಕಾರ್ಡ್‌ ಅನ್ನು ಹ್ಯಾಕ್ ಕುರಿತು ವರದಿಯಾದ ಸಂದರ್ಭದಲ್ಲಿ ದೂರು ನೀಡಿದ 90 ದಿನಗಳಲ್ಲಿ ಬ್ಯಾಂಕ್‌ ಇತ್ಯರ್ಥಗೊಳಿಸಬೇಕು ಎಂದು RBI ತನ್ನ ಮಾರ್ಗಸೂಚಿಯಲ್ಲಿ ತಿಳಿಸಿದೆ.