ಕಂಪ್ಯೂಟರ್ ರಕ್ಷಣೆಗೆ ಭಯಾನಕ 'ಪೆಟ್ಯಾ'ದಿಂದ ದೂರವಿರಿ!!..ಏನಿದು ಹೊಸ ಪೆಟ್ಯಾ??

ಏನಿದು 'ಪೆಟ್ಯಾ' ವೈರಸ್ ಅಟ್ಯಾಕ್?

ವಿಶ್ವದಾಧ್ಯಂತ 150 ಕ್ಕೂ ಹೆಚ್ಚು ದೇಶಗಳಲ್ಲಿ ದಾಳಿ ನಡೆಸುತ್ತಿರುವ ಕುತಂತ್ರ ವೈರಸ್ ಈ 'ಪೆಟ್ಯಾ' ವೈರಸ್ . ಕಂಪ್ಯೂಟರ್‌ಗಳ ಮೇಲೆ ದಾಳಿ ನಡೆಸುವ ಈ ವೈರಸ್ ಅವುಗಳ ಪೂರ್ಣ ಮಾಹಿತಿಗಳನ್ನು ಹ್ಯಾಕ್ ಮಾಡುವ ಶಕ್ತಿ ಹೊಂದಿದೆ.!

ವನ್ನಾಕ್ರೈ ಮಾಲ್ವೇರ್​ಗಿಂತಲೂ ಹೆಚ್ಚು ಅಪಾಯಕಾರಿ!!

ಹೌದು, ಕೆಲವೇ ದಿವಸಗಳ ಹಿಂದೆ ವಿಶ್ವವನ್ನೆ ಬೆಚ್ಚಿ ಬೀಳಿಸಿದ್ದ ವನ್ನಾಕ್ರೈ ಮಾಲ್ವೇರ್​ಗಿಂತಲೂ 'ಪೆಟ್ಯಾ' ವೈರಸ್ ಅಟ್ಯಾಕ್ ಬಹಳ ಅಪಾಯಕಾರಿ. ಮೊದಲು ದಾಳಿ ನಡೆಸಿದ್ದ ರಾನ್ಸಮ್ ವೇರ್​ಗಿಂತಲೂ ವೇಗವಾಗಿ ಹ್ಯಾಕ್​ ಮಾಡುವ ಸಾಮರ್ಥ್ಯವನ್ನು 'ಪೆಟ್ಯಾ' ವೈರಸ್ ಹೊಂದಿದೆ.

ಕಿಲ್​ ಸ್ವಿಚ್ ತಂತ್ರಜ್ಞಾನ ನಡೆಯೊಲ್ಲಾ!!

ವನ್ನಾಕ್ರೈ ದಾಳಿಯನ್ನು ತಡೆಯಲು ಈ ಮೊದಲು ಕಿಲ್​ ಸ್ವಿಚ್ ತಂತ್ರಜ್ಞಾನವನ್ನು ಬಳಸಲಾಗಿತ್ತು. ಆದರೆ, ಸೈಬರ್ ಭದ್ರತಾ ತಜ್ಞರು ಅಭಿಪ್ರಾಯಪಟ್ಟಿರುವಂತೆ ‘ಕಿಲ್​ ಸ್ವಿಚ್​' ನಿಂದಲೂ 'ಪೆಟ್ಯಾ' ವೈರಸ್ ರಾನ್ಸಮ್​ವೇರ್​ ಅನ್ನು ತಡೆಯಲು ಸಾಧ್ಯವಿಲ್ಲ ತಜ್ಞರು ಹೇಳುತ್ತಿದ್ದಾರೆ.!!

ಇ-ಮೇಲ್ ಕ್ಲಿಕ್ ಮಾಡಿದ್ರೆ ಸಾಕು!!

ಪೆಟ್ಯಾ' ವೈರಸ್ ರಾನ್ಸಮ್​ವೇರ್ ಹೆಚ್ಚಾಗಿ ಇ-ಮೇಲ್​ ಸಂದೇಶದ ಮೂಲಕ ಹರಡುತಿದೆ ಎನ್ನಲಾಗಿದೆ. ಕೆಲವೊಂದು ಇ-ಮೇಲ್ ಕ್ಲಿಕ್ ಮಾಡಿದ್ರೆ ಸಾಕು 'ಪೆಟ್ಯಾ' ಕೂಡಲೇ ನಿಮ್ಮ ಕಂಪ್ಯೂಟರ್​​​ ಹ್ಯಾಕ್​ ಮಾಡುತ್ತದೆ ಎಂದು ತಜ್ಞರು ಹೇಳಿದ್ದಾರೆ. ಹಾಗಾಗಿ, ನೀವು ಹುಷಾರು.!!