ಶೀಘ್ರದಲ್ಲೇ ಮಾರುಕಟ್ಟೆಗೆ ಎಂಟ್ರಿ ನೀಡಲಿದೆ ''ಮೀಜು 17'' ಸ್ಮಾರ್ಟ್‌ಫೋನ್‌!

ಹೌದು, ಚೀನಾದ ಪ್ರಮುಖ ಸ್ಮಾರ್ಟ್‌ಫೊನ್‌ ತಯಾರಕರಲ್ಲಿ ಒಂದಾಗಿರುವ ಮೀಜು ತನ್ನ ಹೊಸ ಸ್ಮಾರ್ಟ್‌ಫೋನ್‌ ಬಿಡುಗಡೆಗೆ ಸಿದ್ದತೆ ನಡೆಸಿದೆ. 2020ರ ಪ್ಲ್ಯಾಗ್‌ಶಿಪ್‌ನಲ್ಲಿ ತನ್ನ ಮೀಜು 17 ಸ್ಮಾರ್ಟ್‌ಫೋನ್‌ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಶೀಘ್ರದಲ್ಲೇ ಮಾರುಕಟ್ಟೆಗೆ ಎಂಟ್ರಿ ನೀಡಲಿದ್ದು,ಇದರ ಫೀಚರ್ಸ್‌ಗಳೇನು ಅನ್ನೋದು ಚೀನಾದ ಮೈಕ್ರೋಬ್ಲಾಗಿಂಗ್‌ ವೆಬ್‌ಸೈಟ್‌ ವೀಬೊದಲ್ಲಿ ಅದಿಕೃತವಾಗಿ ಬಹಿರಂಗವಾಗಿದೆ. ಹಾಗಾದ್ರೆ ಆನ್‌ಲೈನ್‌ನಲ್ಲಿ ಬಹಿರಂಗವಾದ ಮಾಹಿತಿ ಪ್ರಕಾರ ಈ ಸ್ಮಾರ್ಟ್‌ಫೋನ್‌ ಯಾವೆಲ್ಲಾ ಫೀಚರ್ಸ್‌ಗಳೇನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿದುಕೊಳ್ಳೋಣ ಬನ್ನಿರಿ.

ಈ ಸ್ಮಾರ್ಟ್‌ಫೋನ್‌ ಪಂಚ್‌ಹೋಲ್‌ ಸೆಲ್ಪಿ ಕ್ಯಾಮೆರಾ ಮಾಡ್ಯೂಲ್‌ ಡಿಸ್‌ಪ್ಲೇಯನ್ನ ಹೊಂದಿರಲಿದೆ ಎಂದು ಹೇಳಲಾಗಿದೆ. ಜೊತೆಗೆ ಇದು ಫುಲ್‌ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿರಲಿದೆ ಎಂದು ಹೇಳಲಾಗಿದೆ. ಅಲ್ಲದೆ ಡಿಸ್‌ಪ್ಲೇಯ ಅಂಚಿನಲ್ಲಿ ಸುತ್ತಲೂ ವಕ್ರವಾಗಿರುತ್ತದೆ ಮತ್ತು ಡಿಸ್‌ಪ್ಲೇ ವಿನ್ಯಾಸವು ವಿಶಿಷ್ಟವಾದ ಮೀಜು ಫಾರ್ಮ್ ಅಂಶವನ್ನು ಅನುಸರಿಸುತ್ತದೆ ಎಂದು ಹೇಳಲಾಗಿದೆ. ಇನ್ನು ಡಿವೈಸ್‌ನ ದರ್ಜೆಯೂ ಸಹ ಸ್ವಲ್ಪ ಗಮನಾರ್ಹವಾಗಿದೆ. ಜೊತೆಗೆ ವಿಡಿಯೋ ವೀಕ್ಷಣೆ ಹಾಗೂ ಗೇಮಿಂಗ್‌ಗೆ ಸೂಕ್ತವಾದ ಡಿಸ್‌ಪ್ಲೇ ಮಾದರಿಯನ್ನ ಹೊಂದಿರಲಿದೆ ಎಂದು ನಿರೀಕ್ಷಿಸಲಾಗಿದೆ.

ಇದಲ್ಲದೆ ಈ ಸ್ಮಾರ್ಟ್‌ಫೋನ್‌ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 865 SoC ಪ್ರೊಸೆಸರ್‌ ಅನ್ನು ಹೊಂದಿರಲಿದೆ. ಈ ಪ್ರೊಸೆಸರ್ 5 ಜಿ ಪ್ರೊಸೆಸರ್ ಆಗಿದ್ದು, ಇದರೊಂದಿಗೆ ಬರುವ ಎಕ್ಸ್ 55 5G ಮೋಡೆಮ್‌ಗೆ ವೇಗವಾಗಿ ಕಾರ್ಯನಿರ್ವಹಿಸಲು ಬೆಂಬಲಿಸಲಿದೆ. ಈ ಮೋಡೆಮ್ 2,457Mbps ವರೆಗೆ ಡೌನ್‌ಲೋಡ್ ವೇಗವನ್ನು ಅನುಮತಿಸುತ್ತದೆ ಮತ್ತು SA / NSA ಡ್ಯುಯಲ್ ಮೋಡ್ 5G ನೆಟ್‌ವರ್ಕ್ ಅನ್ನು ಬೆಂಬಲಿಸುತ್ತದೆ. ಅಲ್ಲದೆ ಎಕ್ಸ್ 55 ಮೂಲಕ 4,151 Mbps ವರೆಗಿನ ಡೌನ್‌ಲೋಡ್ ವೇಗವನ್ನು ಹೆಚ್ಚಿಸಿಕೊಳ್ಳಬಹುದಾಗಿದೆ. ಜೊತೆಗೆ ಈ ಸ್ಮಾರ್ಟ್‌ಫೋನ್‌ Wi-Fi 6 ಅನ್ನು ಸಹ ಬೆಂಬಲಿಸುತ್ತದೆ.

ಇನ್ನು ಈ ಸ್ಮಾರ್ಟ್‌ಫೋನ್‌ ಎಂಎಸ್ಮಾರ್ಟ್ ತಂತ್ರಜ್ಞಾನವನ್ನು ಸಹ ಬೆಂಬಲಿಸುತ್ತದೆ, ಇದು ಮೂಲತಃ ಸಾಧನವನ್ನು ಹೆಚ್ಚು ಆಪ್ಟಿಮೈಸ್ಡ್ ನೆಟ್‌ವರ್ಕ್ ವೇಗ ಮತ್ತು ಬ್ಯಾಟರಿ ಜೀವಿತಾವಧಿಯ ಕಾರ್ಯಕ್ಷಮತೆಯನ್ನು ಕಂಡುಹಿಡಿಯಲು ಸಂಪರ್ಕಗಳ ನಡುವೆ ಅಚ್ಚುಕಟ್ಟಾಗಿ ಬದಲಾಯಿಸಲು ಅನುವು ಮಾಡಿಕೊಡುತ್ತದೆ. ಇದಲ್ಲದೆ ಇದು ವಿಸ್ತೃತ ಬಳಕೆಯ ಮೇಲೆ ಬ್ಯಾಟರಿ ಅವಧಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಅಥವಾ ಅಗತ್ಯವಿದ್ದಾಗ ವೇಗವಾಗಿ ಡೌನ್‌ಲೋಡ್ ವೇಗವನ್ನು ಅನುಮತಿಸುತ್ತದೆ. ಜೊತೆಗೆ ಈ ಸ್ಮಾರ್ಟ್‌ಫೋನ್‌ 4,500mAh ಸಾಮರ್ಥ್ಯದ ಬ್ಯಾಟರಿ ಪ್ಯಾಕ್‌ಅಪ್‌ ಅನ್ನು ಬೆಂಬಲಿಸಲಿದೆ. ಇದು 5G ಅನ್ನು ಸಕ್ರಿಯಗೊಳಿಸಿದರೂ ಸಹ ಇಡೀ ದಿನ ಫೋನ್ ಅನ್ನು ಪಡೆಯಲು ಸಹಾಯ ಮಾಡುತ್ತದೆ. ಸದ್ಯ ಈ ಸ್ಮಾರ್ಟ್‌ಫೋನ್‌ ಏಪ್ರಿಲ್ 22, 2020 ರಂದು ಬಿಡುಗಡೆ ಆಗಲಿದೆ ಎಂದು ಹೇಳಲಾಗಿದೆ.