ವಾಟ್ಸಪ್‌, ಫೇಸ್‌ಬುಕ್, ಇನ್‌ಸ್ಟಗ್ರಾಮ್‌ಗೂ ಅಪ್ಪಳಿಸಿತು 'Meta AI': ಈ ಅದ್ಭುತ ಫೀಚರ್ ನೀವೂ ಬಳಸಬಹುದು!

ವಾಟ್ಸಪ್‌ ಆಯ್ತು.. ಇದೀಗ ಫೇಸ್‌ಬುಕ್, ಮೆಸೆಂಜರ್, ಇನ್‌ಸ್ಟಗ್ರಾಮ್‌ಗೂ 'AI' ಅಪ್ಪಳಿಸಿದೆ. ಇನ್ಮುಂದೆ ನೀವೂ ಈ ಅದ್ಭುತ ಫೀಚರ್ ಬಳಸಬಹುದು. ಹೌದು, ಇದು ಟೆಕ್‌ ಜಗತ್ತು. ಪ್ರಸ್ತುತ ತಂತ್ರಜ್ಞಾನ ಕ್ಷೇತ್ರದಲ್ಲಿ ಸುಂಟರಗಾಳಿಯಂತಹ ಬದಲಾವಣೆಗಳನ್ನು ನೋಡಬಹುದು. ಟೆಕ್‌ ಕ್ಷೇತ್ರವು ಇಂದು ದಿನಕ್ಕೊಂದು ಹೊಸ ಬಗೆಯ ಫೀಚರ್ಸ್‌ ಅನ್ನು ಪರಿಚಯಿಸುತ್ತಿದೆ. ಅದರಲ್ಲೂ ಮೊಬೈಲ್ ಪ್ರಿಯರಿಗೆ ಈ ಹೊಸ ಹೊಸ ಟೆಕ್‌ ಫೀಚರ್‌ಗಳು ನಿತ್ಯ ಅಂಗೈ ಮೇಲೆಯೇ ಸಿಗುತ್ತಿವೆ. ಇದಕ್ಕೆ ಪೂರಕವಾದ ಇಂದಿನ ಟೆಕ್‌ ಲೇಟೆಸ್ಟ್‌ ಸುದ್ದಿ ಅಂದ್ರೆ ಮೆಟಾದ 'ಎಐ' ಫೀಚರ್. ಇನ್ಮುಂದೆ ವಾಟ್ಸಪ್‌, ಫೇಸ್‌ಬುಕ್, ಮೆಸೆಂಜರ್, ಇನ್‌ಸ್ಟಗ್ರಾಮ್‌ನಲ್ಲಿ Meta AI ಲಭ್ಯವಾಗಲಿದೆ. ಈ ಕುರಿತ ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ ನೋಡಿ.

ಹೌದು, ಮೆಟಾ ತನ್ನ AI ಸಹಾಯಕ 'Meta AI' ಲಭ್ಯತೆ ಬಗ್ಗೆ ಘೋಷಿಸಿದೆ. ಅದರಂತೆ, ವಾಟ್ಸಪ್‌, ಫೇಸ್‌ಬುಕ್, ಮೆಸೆಂಜರ್, ಇನ್‌ಸ್ಟಗ್ರಾಮ್‌ನಲ್ಲಿಯೂ ಎಐ ಟೂಲ್ ಆರಂಭಿಸಲಾಗಿದೆ. ಈ ಹೊಸ AI ಫೀಚರ್ ಬಳಕೆದಾರರಿಗೆ ಅದ್ಭುತ ಅನುಭವವನ್ನು ನೀಡುತ್ತದೆ. ಪ್ರಸ್ತುತ, ಚಾಟ್ ಜಿಪಿಟಿಯಲ್ಲಿ ಲಭ್ಯವಿರುವ ಎಲ್ಲಾ ವೈಶಿಷ್ಟ್ಯಗಳನ್ನು ಈ ನಾಲ್ಕು ಪ್ಲಾಟ್‌ಫಾರ್ಮ್‌​ಗಳಲ್ಲಿ ಒದಗಿಸಲಾಗಿದೆ. ಎಐ ಮೂಲಕ ಫೋಟೋ ವಿನ್ಯಾಸ ವೈಶಿಷ್ಟ್ಯವನ್ನು ಉಪಯೋಗಿಸಬಹುದು. ನಿಮ್ಮ ಕಲ್ಪನೆಯ ಯಾವುದೇ ವಿಷಯವನ್ನು ಕೃತಕ ಬುದ್ಧಿಮತ್ತೆಯು ಫೋಟೋವನ್ನಾಗಿ ಬದಲಾಯಿಸುತ್ತದೆ.

ಇತ್ತೀಚೆಗೆ ಮೆಟಾ ಕಂಪನಿಯು ಇದನ್ನು ಪರೀಕ್ಷಿಸಿತ್ತು. ಪರೀಕ್ಷೆಯ ನಂತರ ಮೆಟಾ, ವಾಟ್ಸಪ್‌, ಫೇಸ್‌ಬುಕ್, ಮೆಸೆಂಜರ್, ಇನ್‌ಸ್ಟಗ್ರಾಮ್‌ಗಾಗಿ ಮೆಟಾ ಎಐ ಅನ್ನು ಬಿಡುಗಡೆ ಮಾಡಿದೆ. ಭಾರತದಲ್ಲಿ OpenAIನ ChatGPT ಮತ್ತು Googleನ ಜೆಮಿನಿ ಎಐನೊಂದಿಗೆ ಸ್ಪರ್ಧಿಸಲಿದೆ. ಈ ಸೇವೆ ಸಂಪೂರ್ಣವಾಗಿ ಉಚಿತವಾಗಿದೆ. ಇದನ್ನು ಬಳಸಲು ನೀವು ಯಾವುದೇ ಶುಲ್ಕವನ್ನು ಪಾವತಿಸಬೇಕಾಗಿಲ್ಲ ಎಂದು ಮೆಟಾ ತಿಳಿಸಿದೆ.

ಮೆಟಾ AI ಎಂದರೇನು?

ಮೆಟಾ AI ಒಂದು ವರ್ಚುವಲ್ ಟೂಲ್ ಆಗಿದೆ. ಇದು ನಿಮ್ಮ ಹಲವು ಪ್ರಶ್ನೆಗಳಿಗೆ ಕ್ಷಣ ಮಾತ್ರದಲ್ಲೇ ಉತ್ತರಿಸುತ್ತದೆ. ಇಷ್ಟೇ ಅಲ್ಲ, ಇದು ನಿಮಗೆ ವಿಷಯದ ಬಗ್ಗೆ ಹುಡುಕಲು ಮತ್ತು ಯೋಜಿಸಲು ಸಹಾಯ ಮಾಡುತ್ತದೆ. ಇದನ್ನು ಬಳಸಿಕೊಂಡು ನೀವು ಚಿತ್ರಗಳು ಮತ್ತು ಅನಿಮೇಷನ್‌ಗಳನ್ನು ಸಹ ರಚಿಸಬಹುದು. ಮೆಟಾ AI, AI ಚಾಟ್‌ಬಾಟ್ ಲಾಮಾ 3ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು ಕಂಪನಿಯ ಅತ್ಯಾಧುನಿಕ AI ಮಾದರಿಯಾಗಿದೆ.

ಮೆಟಾ AI ಎಷ್ಟು ಪ್ಲಾಟ್‌ಫಾರ್ಮ್‌ಗಳಲ್ಲಿ ಲಭ್ಯ?

ಮೆಟಾದ ಈ ಎಐ ಚಾಲಿತ ಫೀಚರ್ ಇನ್ಮುಂದೆ ವಾಟ್ಸಪ್‌, ಫೇಸ್‌ಬುಕ್, ಮೆಸೆಂಜರ್ ಮತ್ತು ಇನ್‌ಸ್ಟಗ್ರಾಮ್‌ನಲ್ಲಿ ನಿಮಗೆ ಲಭ್ಯವಿರುತ್ತದೆ. ಇದಲ್ಲದೇ ಫೇಸ್‌ಬುಕ್ ಅಪ್ಲಿಕೇಶನ್‌ನಲ್ಲಿ ಪೋಸ್ಟ್‌ಗಳನ್ನು ಸ್ಕ್ರೋಲಿಂಗ್ ಮಾಡುವಾಗ ಬಳಕೆದಾರರು ಮೆಟಾ AI ನಿಂದ ಮಾಹಿತಿಯನ್ನು ಪಡೆಯಲು ಸಾಧ್ಯವಾಗುತ್ತದೆ.

ಎಐ ಫೀಚರ್‌ನಿಂದ ಏನೆಲ್ಲಾ ಲಾಭ?

AI ಚಿತ್ರಗಳು ಮತ್ತು GIF ಗಳನ್ನು ರಚಿಸುವಲ್ಲಿ ಈ ಉಪಕರಣವು ನಿಮಗೆ ತುಂಬಾ ಉಪಯುಕ್ತವಾಗಿದೆ. ಈ AI ಸಹಾಯಕವು ಮೈಕ್ರೋಸಾಫ್ಟ್ ಮತ್ತು Google ನಿಂದ ನೈಜ ಸಮಯದ ಹುಡುಕಾಟ ಫಲಿತಾಂಶಗಳೊಂದಿಗೆ ಬರುತ್ತದೆ. ಆದ್ದರಿಂದ ಪ್ರವಾಸವನ್ನು ಯೋಜಿಸುವುದು ಅಥವಾ ಕಾರ್ಯನಿರತ ಮಾರ್ಗವನ್ನು ಹುಡುಕುವುದು ಮುಂತಾದ ವಿಷಯಗಳ ಕುರಿತು ನೈಜ ಸಮಯದ ಮಾಹಿತಿಯ ಅಗತ್ಯವಿರುವ ಗುಂಪು ಚಾಟ್‌ಗಳಿಗೆ ಇದನ್ನು ಆಹ್ವಾನಿಸಬಹುದು.

ಎಷ್ಟು ದೇಶಗಳಲ್ಲಿ ಮೆಟಾ AI ಪ್ರಾರಂಭ?

ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾ, ಆಸ್ಟ್ರೇಲಿಯಾ, ಕೆನಡಾ, ನ್ಯೂಜಿಲೆಂಡ್, ಸಿಂಗಾಪುರ್, ದಕ್ಷಿಣ ಆಫ್ರಿಕಾ, ಉಗಾಂಡಾ ಮತ್ತು ಜಿಂಬಾಬ್ವೆ ಸೇರಿದಂತೆ ಸುಮಾರು 12 ದೇಶಗಳಲ್ಲಿ ಇದನ್ನು ಪ್ರಾರಂಭಿಸಲಾಗಿದೆ. ಇಂದಿನಿಂದ (24ನೇ ಜೂನ್ 2024 ರಿಂದ) Meta AI ಭಾರತದಲ್ಲಿಯೂ ತನ್ನ ಸೇವೆಯನ್ನು ಪ್ರಾರಂಭಿಸಿದೆ. ವಾಟ್ಸಪ್‌, ಫೇಸ್‌ಬುಕ್, ಮೆಸೆಂಜರ್ ಮತ್ತು ಇನ್‌ಸ್ಟಗ್ರಾಮ್‌ ನಂತಹ ಕಂಪನಿಯ ಎಲ್ಲಾ ದೊಡ್ಡ ಅಪ್ಲಿಕೇಶನ್‌ಗಳಲ್ಲಿ Meta AI ಲಭ್ಯವಿರುತ್ತದೆ. ಇದನ್ನು ಪ್ರವೇಶಿಸಲು ನೀವು Meta.ai ವೆಬ್‌ಸೈಟ್ ಅನ್ನು ಬಳಸಬಹುದು.

ಈ ಅದ್ಭುತ ಫೀಚರ್ ನೀವೂ ಬಳಸಬಹುದು

ಮಾರ್ಕ್‌ ಜುಕರ್‌ಬರ್ಗ್‌ ಒಡೆತನದ ಮೆಟಾ ಕಂಪನಿಯು ಪ್ರಸ್ತುತ ತನ್ನ ಜೆನೆರೇಟಿವ್ ಎಐ ಚಾಟ್‌ಬಾಟ್ ಆಗಿರುವ 'ಮೆಟಾ ಎಐ' ಫೀಚರ್‌ ಅನ್ನು ಅಧಿಕೃತವಾಗಿ ಭಾರತದಲ್ಲಿ ಪ್ರಾರಂಭಿಸಿದೆ. ಈಗಾಗಲೇ ಮಾರುಕಟ್ಟೆಯಲ್ಲಿರುವ ಇತರೆ ಚಾಟ್‌ಬೋಟ್‌ ನಂತೆಯೇ 'ಮೆಟಾ ಎಐ' ಮೂಲಕ ಕವಿತೆ ರಚಿಸಲು, ಜೆನೆರೇಟಿವ್‌ ಇಮೇಜ್‌ಗಳ ರಚನೆಗೆ ಮತ್ತು ಹಲವು ಸರಳ ಪ್ರಶ್ನೆಗಳಿಗೆ ಉತ್ತರಿಸಲು ಅನುಕೂಲಕರವಾಗಲಿದೆ. ಸ್ಮಾರ್ಟ್‌ಫೋನ್‌ ಹಾಗೂ ಲ್ಯಾಪ್‌ಟಾಪ್‌, ಟ್ಯಾಬ್‌ ಪ್ರಿಯರಿಗೆ ಈ ಓಪನ್‌ಎಐ, ಚಾಟ್‌ಜಿಪಿಟಿಗಳು ಹೊಸ ಅನುಭವಗಳನ್ನು ನೀಡಲಿವೆ.