1 ರೂ.ಗೆ ಸ್ಮಾರ್ಟ್‌ಫೋನ್ ನೀಡುತ್ತಂತೆ ಮೈಕ್ರೋಮ್ಯಾಕ್ಸ್‌ ..!

ವಿಡಿಯೋ ಟೀಸರ್‌

ಮೈಕ್ರೋಮ್ಯಾಕ್ಸ್‌ ಕಂಪನಿ ತನ್ನ ಅಧಿಕೃತ ಫೇಸ್‌ಬುಕ್ ಪೇಜ್‌ನಲ್ಲಿ ಜುಲೈ 5 ರಂದು ಪೋಸ್ಟ್‌ ಮಾಡಿರುವ 8 ಸೆಕೆಂಡ್ ವಿಡಿಯೋದಲ್ಲಿ ಅತಿ ಕಡಿಮೆ ಅಂದರೆ ಕೇವಲ 1 ರೂ.ಗೆ ಹೊಸ ಸ್ಮಾರ್ಟ್‌ಫೋನ್ ನೀಡುವುದನ್ನು ಘೋಷಿಸಿದ್ದು, ಭಾಗಶಃ ಉಚಿತ ಸ್ಮಾರ್ಟ್‌ಫೋನ್ ಅತಿ ಶೀಘ್ರದಲ್ಲಿ ಬರಲಿದೆ ಎಂದು ತಿಳಿಸಿದೆ.

ಟೀಸರ್‌ನಲ್ಲಿ ಏನೀದೆ?

ಟೀಸರ್‌ ಪೋಸ್ಟ್‌ ಂಆಡಿರುವ ಮೈಕ್ರೋಮ್ಯಾಕ್ಸ್‌ ಹಲೋ ಚೆನ್ನೈ, ಬಿಗ್ ನ್ಯೂಸ್, ನಾವು 1 ರೂ.ಗೆ ಸ್ಮಾರ್ಟ್‌ಫೋನ್ ಘೋಷಣೆ ಮಾಡುತ್ತಿದ್ದು, ತೆಗೆದುಕೊಳ್ಳುವುದಕ್ಕೆ ತಯಾರಾಗಿದ್ದಿರಾ? ಎಂದು ಬರೆದುಕೊಂಡಿದೆ. ಟೀಸರ್ ಪ್ರಕಾರ ಮುಂದಿನ ದಿನಗಳಲ್ಲಿ ಚೆನ್ನೈನಲ್ಲಿ 1 ರೂ.ಗೆ ಮೈಕ್ರೋಮ್ಯಾಕ್ಸ್‌ ಸ್ಮಾರ್ಟ್‌ಫೋನ್ ಲಾಂಚ್ ಮಾಡಬಹುದು.

1 ರೂ.ಗೆ ಸ್ಮಾರ್ಟ್‌ಫೋನ್ ಬರುತ್ತಾ.?

ಮೈಕ್ರೋಮ್ಯಾಕ್ಸ್‌ ತನ್ನ ಟೀಸರ್‌ನಲ್ಲಿ ಘೋಷಿಸಿರುವಂತೆ ಸ್ಮಾರ್ಟ್‌ಫೋನ್‌ನ್ನು 1ರೂ.ಗೆ ನೀಡುತ್ತಾ ಎನ್ನುವುದು ಎಲ್ಲರ ಪ್ರಶ್ನೆ. ಆದರೆ, 2016ರಲ್ಲಿ 1500 ರೂ. ಠೇವಣಿಯೊಂದಿಗೆ ಜಿಯೋಫೋನ್‌ ಹೊರಬಂದಿತ್ತು, ಮೂರು ವರ್ಷದ ನಂತರ ಠೇವಣಿ ಹಿಂತಿರುಗಿಸುವ ಯೋಜನೆಯೊಂದಿಗೆ ಜಿಯೋಫೋನ್ ಕೂಡ ಉಚಿತ ಎಂದು ಘೋಷಿಸಿಕೊಂಡಿತ್ತು. ಇಲ್ಲೂ ಅದೇ ರೀತಿಯ ತಂತ್ರಗಾರಿಕೆಯನ್ನು ಮೈಕ್ರೋಮ್ಯಾಕ್ಸ್‌ ಮಾಡಿದಿಯಾ ಎಂಬುದೆ ಎಲ್ಲರಿಗೂ ಕಾಡುತ್ತಿರುವ ಪ್ರಶ್ನೆ.

ನಿಜ ಹೌದಂತೆ..!

ಕೆಲವು ಮೂಲಗಳ ಪ್ರಕಾರ ಮೈಕ್ರೋಮ್ಯಾಕ್ಸ್‌ ಘೋಷಿಸಿರುವ ಘೋಷಣೆ ನಿಜ ಎಂದು ಹೇಳಲಾಗುತ್ತಿದೆ. ಕೆಲವೇ ಕೆಲವು ಸಂಖ್ಯೆಯಲ್ಲಿ 1 ರೂ.ಗೆ ಸ್ಮಾರ್ಟ್‌ಫೋನ್ ಮಾರಾಟ ಮಾಡಲು ಕಂಪನಿ ನಿರ್ಧರಿಸಿದೆ ಎಂಬ ಸುದ್ದಿ ಹರಿದಾಡುತ್ತಿದೆ. ಆದರೆ, ಅಧಿಕೃತ ಮಾಹಿತಿ ಹೊರಬಿಳುವವರೆಗೂ ಯಾವುದೇ ನಿರ್ಧಾರಕ್ಕೆ ಬರುವಂಗಿಲ್ಲ.

ಹಿಂಗೂ ಇರಬಹುದು..!

ಕ್ಯಾನ್ವಾಸ್ ಪ್ಲಸ್ 2 ಮತ್ತು ಭಾರತ್ 5 ಪ್ರೋ ಸ್ಮಾರ್ಟ್‌ಫೋನ್‌ಗಳು ಮೈಕ್ರೋಮ್ಯಾಕ್ಸ್‌ನ ಘೋಷಣೆಗೊಳಪಡುವ ಸಾಧ್ಯತೆ ಇದೆ. ಕ್ಯಾನ್ವಾಸ್‌ ಪ್ಲಸ್‌ 2 ಸ್ಮಾರ್ಟ್‌ಫೋನ್ 8,991 ರೂ. ಹಾಗೂ ಭಾರತ್‌ 5 ಪ್ರೋ 7,992 ರೂ. ಬೆಲೆ ಹೊಂದಿದ್ದು, ಕೇವಲ 1 ರೂ. ಡೌನ್‌ಪೇಮೆಂಟ್ ಮತ್ತು 999 ಇಎಂಐ ಆಫರ್ ನೀಡಲಾಗಿದೆ ಎಂದು ಪತ್ರಿಕೆಯೊಂದು ವರದಿ ಮಾಡಿದೆ. ಇದೇ ಯೋಜನೆಯನ್ನು ಜನರಲ್ಲಿ ಹೈಪ್ ಸೃಷ್ಟಿಸಲು ಮೈಕ್ರೋಮ್ಯಾಕ್ಸ್‌ 1 ರೂ.ಗೆ ಸ್ಮಾರ್ಟ್‌ಫೋನ್ ತಂತ್ರಗಾರಿಕೆಯನ್ನು ಕಂಡುಕೊಂಡಿರಬಹುದು.