ಸ್ಮಾರ್ಟ್‌‌ಫೋನ್‌ ಮಾರಾಟ:ದೇಶೀಯ ಕಂಪೆನಿಗಳ ಪ್ರಾಬಲ್ಯ

ಭಾರತದ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಭಾರತದ ಕಂಪೆನಿಗಳು ಪ್ರಾಬಲ್ಯ ಮೆರೆಯಲು ಆರಂಭಿಸಿವೆ.ಕಳೆದ ವರ್ಷದ ಸ್ಮಾರ್ಟ್‌‌ಫೋನ್‌ ಮಾರುಕಟ್ಟೆಯಲ್ಲಿ ದೇಶೀಯ ಮೈಕ್ರೋಮ್ಯಾಕ್ಸ್‌‌ ಮತ್ತು ಕಾರ್ಬ‌ನ್‌ ಕಂಪೆನಿಗಳು ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನವನ್ನು ಪಡೆದುಕೊಂಡಿದೆ.

ಸೈಬರ್‌ ಮೀಡಿಯಾ ಸಂಸ್ಥೆ ಕಳೆದ ವರ್ಷ ಭಾರತದ ಮಾರುಕಟ್ಟೆಯಲ್ಲಿ ವಿವಿಧ ಕಂಪೆನಿಗಳು ಮಾರಾಟ ಮಾಡಿದ ಸ್ಮಾರ್ಟ್‌ಫೋನ್‌ಗಳ ಪ್ರಮಾಣ ಲೆಕ್ಕ ಹಾಕಿ ಅಧ್ಯಯನ ವರದಿ ತಯಾರಿಸಿದ್ದು, ಸ್ಯಾಮ್‌ಸಂಗ್‌ ಅತಿ ಹೆಚ್ಚು ಸ್ಮಾರ್ಟ್‌‌‌ಫೋನ್‌ಗಳನ್ನು ಮಾರಾಟ ಮಾಡಿದೆ ಎಂದು ತಿಳಿಸಿದೆ.

ದೇಶೀಯ ಮಾರುಕಟ್ಟೆಯಲ್ಲಿ ಸ್ಯಾಮ್‌ಸಂಗ್ ಶೇ.37 ಪಾಲು ಹೊಂದಿದ್ದರೆ, ಮೈಕ್ರೋಮ್ಯಾಕ್ಸ್‌ ಶೇ.18.6, ಕಾರ್ಬ‌ನ್‌ ಶೇ.10.1ಪಾಲು ಹೊಂದಿದೆ ಎಂದು ತಿಳಿಸಿದೆ.

ಕಳೆದ ವರ್ಷ‌ 24 ಕೋಟಿ ಮೊಬೈಲ್‌ ಹ್ಯಾಂಡ್‌ ಸೆಟ್‌ಗಳು ಮಾರಾಟವಾಗಿದ್ದು,ಇದರಲ್ಲಿ 20 ಕೋಟಿ ಫೀಚರ್‌ ಫೋನ್‌ಗಳು ಮಾರಾಟವಾಗಿದ್ದರೆ, 4 ಕೋಟಿ ಸ್ಮಾರ್ಟ್‌‌ಫೋನ್‌ ಮಾರಾಟವಾಗಿದೆ ಎಂದು ಸೈಬರ್‌ ಮೀಡಿಯಾ ತನ್ನ ವರದಿಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: ಕಳೆದ ವರ್ಷ‌ ವಿಶ್ವದಲ್ಲಿ ಅತಿ ಹೆಚ್ಚು ಸ್ಮಾರ್ಟ್‌‌ಫೋನ್‌ ಮಾರಾಟ ಮಾಡಿದ ಟಾಪ್‌ ಕಂಪೆನಿಗಳು