ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ 'ಪೌಲ್ ಅಲೆನ್' ನಿಧನ!..ಸಾಧಕನ ಕಥೆಗೆ ಫುಲ್‌ಸ್ಟಾಪ್!

'ಪೌಲ್ ಅಲೆನ್' ಹುಟ್ಟು ಮತ್ತು ಜೀವನ!

ಪೌಲ್ ಅಲೆನ್ ಅವರ ಪೂರ್ತಿ ಹೆಸರು 'ಪೌಲ್ ಗಾರ್ಡನರ್ ಅಲೆನ್' ಎಂದು. 1953 ರ ಜನವರಿ 23ರಂದು ಅಮೆರಿಕಾದಲ್ಲಿ ಇವರ ಜನನವಾಯಿತು. ತಂದೆ ಯುನಿವರ್ಸಿಟಿಯ ಗ್ರಂಥಾಲಯದಲ್ಲಿ ಕೆಲಸಕ್ಕಿದ್ದರೆ, ಇವರ ತಾಯಿ ಶಿಕ್ಷಕಿಯಾಗಿದ್ದರು. ಗೇಟ್ಸ್ ಮತ್ತು ಪೌಲ್ ಬಾಲ್ಯದಿಂದಲೇ ಸ್ನೇಹಿತರಾಗಿದ್ದು, ಇವರಿಬ್ಬರ ನೆಚ್ಚಿನ ಕೆಲಸ ಎಂದರೆ ಅದು 'ಕಂಪ್ಯೂಟರ್‌ ಪ್ರೋಗ್ರಾಮಿಂಗ್'!

'ಪೌಲ್ ಅಲೆನ್' ಶಿಕ್ಷಣ ಹೇಗಿತ್ತು?

ವಾಷಿಂಗ್‌ಟನ್ ಯುನಿವರ್ಸಿಟಿಯ ಕಂಪ್ಯೂರ್ ಲ್ಯಾಬ್‌ನಲ್ಲಿ ಯಾರಿದ್ದಾರೆ ಎಂದು ಪ್ರಶ್ನಿಸಿದರೆ ಪೌಲ್ ಅಲೆನ್ ಎಂಬ ಉತ್ತರ ಸಿಗುತ್ತಿತ್ತಂತೆ. ಮೊದಲು ಕಂಪ್ಯೂಟರ್‌ಗಳೊಂದಿಗೆ ಸಮಯ ಕಳೆಯುತ್ತಿದ್ದ ಪೌಲ್ ನಂತರ ಅದನ್ನೇ ಅಭ್ಯಾಸ ಮಾಡಿಕೊಂಡಿಬಿಟ್ಟಿದ್ದರು. ಹೀಗೆ ಕಂಪ್ಯೂಟರ್ ಅನ್ನೇ ತನ್ನ ಸರ್ವಸ್ವವಾಗಿಯೂ ಕಂಡುಕೊಂಡಿದ್ದ ಅವರು ಅಲ್ಲಯೇ ಪದವಿಯನ್ನು ಪಡೆದಿದ್ದರೂ.

ಮೈಕ್ರೋಸಾಫ್ಟ್ ಕಟ್ಟಿದ ಕಥೆ!

1975 ರಲ್ಲಿ ನ್ಯೂ ಮೆಕ್ಸಿಕೊದಲ್ಲಿ ಹುಟ್ಟಿದ ಮೈಕ್ರೋ-ಸಾಫ್ಟ್ ಎಂ ಸಂಸ್ಥೆ ಗೇಟ್ಸ್ ಹಾಗೂ ಪೌಲ್ ಅವರ ಕನಸಿನ ಕೂಸಾಗಿತ್ತು. ಮಷಿನ್‌ಗಳಿಗೆ ಸಾಫ್ಟ್‌ವೇರ್ ಅಗತ್ಯತೆಗಳನ್ನು ಆಗಲೇ ಕಂಡುಕೊಂಡಿದ್ದ ಇವರಿಬ್ಬರು ಮೊದಲು ಐಬಿಎಂ ಮೈಕ್ರೋ ಕಂಪ್ಯೂಟರ್‌ಗಳಿಗೆ ಆಪರೇಟಿಂಗ್ ರೂಪಿಸಲು ಶ್ರಮಿಸಿದರು. ಇಲ್ಲಿಂದ ಮುಂದೆ ಕಂಪ್ಯೂಟರ್ ಬಳಕೆ ಮಹತ್ತರ ಬದಲಾವಣೆ ಕಂಡಿತು.

ಜೀವ ಉಳಿಸಲಿಲ್ಲ ಆಸ್ತಿ!

ಮೈಕ್ರೋಸಾಫ್ಟ್ ಕಂಪನಿಯ ಸಹ ಸಂಸ್ಥಾಪಕನಾಗಿದ್ದ ಪೌಲ್ ಅಲೆನ್ ಇಲ್ಲಿಯವರೆಗೂ ಗಳಿಸಿ ಕಳೆದ ಹಣ ಲೆಕ್ಕಕ್ಕಿಲ್ಲ. ಆದರೆ, ಬ್ಲೂಮ್‌ ಬರ್ಗ್ ಅಂದಾಜು ಮಾಡಿರುವಂತೆ ಪೌಲ್‌ ಅಲೆನ್ ಅವರ ಅಂದಾಜು ಆಸ್ತಿ ಇಂದು 1.92 ಲಕ್ಷ ಕೋಟಿಗಳು. ಇಷ್ಟು ಸಂಪತ್ತಿನ ಒಡೆಯನಾದರೂ ಪೌಲ್ ಅವರು 'ಹಾಡ್ಗ್‌ಕಿನ್ಸ್ ಲಿಂಪೋಮಾ' ಎಂಕ ಕ್ಯಾನ್ಸರ್ ರೋಗಕ್ಕೆ ನೆನ್ನೆ ಬಲಿಯಾದರೂ.

ಕಂಬನಿ ಮಿಡಿದ ಗೇಟ್ಸ್!

ಪೌಲ್ ಅವರ ಬಾಲ್ಯದ ಗೆಳೆಯ, ಸಹಪಾಟಿ, ಪಾಲುದಾರನಾಗಿರುವ ಬಿಲ್‌ಗೇಟ್ಸ್ ಅವರು ಪೌಲ್ ಅಲೆನ್ ಸಾವಿಗೆ ಕಂಬನಿ ಮಿಡಿದಿದ್ದಾರೆ. ಹಳೆಯ ಮತ್ತು ಸ್ನೇಹಿತನ ಅಗಲಿಕೆ ಮನಸ್ಸನ್ನು ಛಿದ್ರಗೊಳಿಸಿದೆ. ಸ್ನೇಹಿತ ಮತ್ತು ಪಾಲುದಾರ ಪೌಲ್, ಆತನಿಲ್ಲದಿದ್ದರೆ ಪರ್ಸನಲ್ ಕಂಪ್ಯೂಟಿಂಗ್ ಬಹುಶಃ ಸಾಧ್ಯವೇ ಆಗುತ್ತಿರಲಿಲ್ಲ ಎಂದು ಬಿಲ್‌ಗೇಟ್ಸ್ ನೋವು ಹಂಚಿಕೊಂಡಿದ್ದಾರೆ.

ದೇಣಿಗೆ ನೀಡಿದ್ದು ಅಪಾರ!

ಮಿದುಳು ಸಂಬಂಧಿತ ಸಂಶೋಧನೆಗೆಳಿಗೆ 730 ಕೋಟಿ, ಅನ್ಯಗ್ರಹದಲ್ಲಿ ಜೀವ ಸಂಕುಲ ಶೋಧಕ್ಕಾಗಿ 184 ಕೋಟಿ ಸೇರಿದಂತೆ ಸಮಾಜ ಕಾರ್ಯಗಳಿಗೆ ಸಾವಿರಾರು ಕೋಟಿ ಹಣವನ್ನು ದೇಣಿಗೆ ನೀಡಿದ ಕೀರ್ತಿ ಪೌಲ್ ಅಲೆನ್ ಅವರಿಗೆ ಇದೆ. ಸಮಾಜ ಕಾರ್ಯಗಳಿಗೆ ಹಣ ನೀಡುವುದು ಜನಪ್ರಿಯತೆಗಲ್ಲ ಎಂದು ತಿಳಿದಿದ್ದ ಪೌಲ್ ಮಾಧ್ಯಮಗಳಲ್ಲಿ ಸುದ್ದಿಯಾಗದೇ ಉಳಿಯುತ್ತಿದ್ದರು.

ಥ್ಯಾಂಕ್ಯೂ ಪೌಲ್!

ಪೌಲ್ ಅಲೆನ್ ಅವರು ಬಿಲ್‌ಗೇಟ್ಸ್ ಜೊತೆ ಸೇರಿ ಕಟ್ಟಿದ ಮೈಕ್ರೋಸಾಫ್ಟ್ ಕಂಪೆನಿ ಪೌಲ್ ಅಲೆನ್ ಸಾವಿಗೆ ಒಂದೇ ಟ್ವಿಟ್‌ನಲ್ಲಿ ನಮನ ಸಲ್ಲಿಸಿದೆ. ' ಥ್ಯಾಂಕ್ಯೂ ಪೌಲ್' ಎಂದು ಮೈಕ್ರೋಸಾಫ್ಟ್ ಟ್ವಿಟ್ಟಿಸಿರುವುದು ಅವರನ್ನು ಬಣ್ಣಿಸಲು ಸಾಧ್ಯವಾಗದಂತಿದೆ. ಸಂಸ್ಥೆ, ಸಮಯದಾಯ ಹಾಗೂ ವಲಯಕ್ಕೆ ಅವರ ಕೊಡುಗೆ ಮಹತ್ತರ ಎಂದುಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾದೆಲ್ಲಾ ಹೇಳಿದ್ದಾರೆ.