ಫೇಕ್​​ನ್ಯೂಸ್ ಹಬ್ಬಿಸುವುದರಲ್ಲಿ ಭಾರತೀಯರೇ ಮುಂದು: ಮೈಕ್ರೋಸಾಫ್ಟ್ ರಿಪೋರ್ಟ್!!

ನಾವು ಭಾರತೀಯರು ಗ್ರೇಟ್ ಎಂದು ಕೊಚ್ಚಿಕೊಳ್ಳುವವರು ಸಹ ವಿಶ್ವದ ಮುಂದೆ ತಲೆತಗ್ಗಿಸುವಂತಹ ಸಮೀಕ್ಷೆ ರಿಪೋರ್ಟ್ ಒಂದನ್ನು ಅಮೆರಿಕ ಮೂಲದ ಸಾಫ್ಟ್​ವೇರ್ ದಿಗ್ಗಜ ಕಂಪನಿ ಮೈಕ್ರೋಸಾಫ್ಟ್ ಬಿಡುಗಡೆ ಮಾಡಿದೆ. ಅಂತರ್ಜಾಲ ಬಳಕೆದಾರರಿಂದ ಜಾಗತಿಕ ಮಟ್ಟದ ಬಿತ್ತರವಾಗುವ ಫೇಕ್​​ನ್ಯೂಸ್​ಗಳಲ್ಲಿ ಭಾರತೀಯರ ಪಾಲು ಅತ್ಯಧಿಕ ಎಂದು ರಿಪೋರ್ಟ್ ಹೇಳಿದೆ.

ಹೌದು,ಅಂತರ್ಜಾಲದಲ್ಲಿ ಫೇಕ್​ನ್ಯೂಸ್​ ಕುರಿತ ಸಮೀಕ್ಷೆ ನಡೆಸಿ ನಡೆಸಿರುವ ಮೈಕ್ರೋಸಾಫ್ಟ್ ಇಂತಹದೊಂದು ಆಘಾತಕಾರಿ ಮಾಹಿತಿಯನ್ನು ಹೊರಹಾಕಿದ್ದು, ಒಟ್ಟು ​22 ದೇಶಗಳಲ್ಲಿ ನಡೆಸಿದ ಇತ್ತೀಚಿನ ಅಧ್ಯಯನದಲ್ಲಿ ಭಾರತೀಯರೇ ಹೆಚ್ಚು ಫೇಕ್‌ನ್ಯೂಸ್ ಅನ್ನು ಪಸರಿಸುತ್ತಾರೆ ಎಂದು ಹೇಳಿದೆ. ಇದು ಹೀಗೆ ಮುಂದುವರಿದರೆ ಅಪಾಯ ಹೆಚ್ಚಿಸಲಿದೆ ಎಂದು ಆಂತಕ ವ್ಯಕ್ತಪಡಿಸಿದೆ.

ಭಾರತದಲ್ಲಿ ಸಾಮಾಜಿಕ ವಲಯದಲ್ಲಿನ ಸುಳ್ಳು ಸುದ್ದಿ ಸಮಸ್ಯೆ ಅಪಾಯಕಾರಿಯಾಗಿ ವ್ಯಾಪಿಸಿಕೊಳ್ಳುತ್ತಿದೆ. ಜಾಗತಿಕ ಅಪಾಯದ ಮಟ್ಟಕ್ಕಿಂತ ಭಾರತದಲ್ಲಿ ಇದರ ಪ್ರಮಾಣ ಶೇ 29ರಷ್ಟು ಹೆಚ್ಚಳವಾಗಿದ್ದು,.ದೇಶದ ಆನ್​ಲೈನ್​ ಅಪಾಯದ ಪ್ರಮಾಣ ಶೇ 52ರಷ್ಟು ಇರುವುದನ್ನು, ಹಾಗೂ ಇದೇ ವೇಳೆಯಲ್ಲಿ ಜಾಗತಿಕ ಮಟ್ಟದಲ್ಲಿ ಇದು ಶೇ 28ರಷ್ಟು ಇದೆ ಎಂದು ಸಮೀಕ್ಷೆ ತಿಳಿಸಿದೆ.

ಇನ್ನು ಜಾಗತಿಕ ಮಟ್ಟದಲ್ಲಿ ಶೇ 57 ರಷ್ಟು ಜನರು ಫೇಕ್​ ನ್ಯೂಸ್​ಗಳಿಗೆ ಕಿವಿಗೊಟ್ಟಿದ್ದರೇ ಭಾರತದಲ್ಲಿ ಶೇ 64 ಜನರು ಈ ಕೃತ್ಯಗಳಿಗೆ ಒಳಗಾಗುತ್ತಿದ್ದಾರೆ. ಇದು ಸುಳ್ಳು ಸುದ್ದಿಯ ಗಂಭೀರತೆ ತೋರ್ಪಡಿಸುತ್ತದೆ. ನಮ್ಮಲ್ಲಿ ಶೇ 54ರಷ್ಟು ಮಂದಿ ಇಂಟರ್ನೆಟ್​ ಸಂಬಂಧಿತ ವಂಚನೆಗೆ ಒಳಗಾಗಿದ್ದರೇ ಜಾಗತಿಕವಾಗಿ ಇದು ಶೇ 42ರಷ್ಟು ಪ್ರಮಾಣದಲ್ಲಿದೆ ಎಂದು ಮೈಕ್ರೋಸಾಫ್ಟ್​ ತಿಳಿಸಿದೆ.

ದೇಶದ ಲೋಕಸಭಾ ಚುನಾವಣೆ ಘೋಷಣೆಗೆ ಬೆರಳೆಣಿಕೆ ತಿಂಗಳಷ್ಟೆ ಬಾಕಿ ಇದ್ದು, ಸುಳ್ಳು ಸುದ್ದಿ ಬಿತ್ತರಿಸುವ ಪ್ರಮಾಣ ಹೆಚ್ಚಾದರೇ ಚುನಾವಣೆಯ ಮೇಲೆ ಪ್ರಭಾವ ಬೀರಲಿದೆ ಎಂಬುದನ್ನು ಸಹ ಮೈಕ್ರೋಸಾಫ್ಟ್ ಎಚ್ಚರಿಸಿದೆ. ಇನ್ನೊಂದು ಕುತೂಹಲಕಾರಿ ಅಂಶವೆಂದರೆ ಆನ್​ಲೈನ್ ಸುಳ್ಳು ಸುದ್ದಿಗಳಲ್ಲಿ ಶೇ 29ರಷ್ಟು ಸ್ನೇಹಿತರಿಂದ ಮತ್ತು ಶೇ 9ರಷ್ಟು ಸಂಬಂಧಿಕರಿಂದ ಹಬ್ಬುತ್ತಿದೆಯಂತೆ.