ಭಾರತವೀಗ ವಿಶ್ವದ 'ಸ್ಪೇಸ್ ಸೂಪರ್ ಪವರ್'!..ಕಾರಣವಾದ 'ಮಿಷನ್ ಶಕ್ತಿ' ಏನಿದು?

ಏನಿದು ಮಿಷನ್​ ಶಕ್ತಿ?

ಭೂಮಿಯಿಂದಲೇ ಲೇಸರ್​ ಕಿರಣಗಳನ್ನು ಬಾಹ್ಯಾಕಾಶಕ್ಕೆ ಬಿಟ್ಟು ಅನುಪಯುಕ್ತ ಉಪಗ್ರಹವನ್ನು ನಾಶ ಮಾಡುವುದನ್ನು ಮಿಷನ್​ ಶಕ್ತಿ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಇತ್ತಿಚಿಗೆ ಭಾರತವು ಉಪಗ್ರಹ ನಿಗ್ರಹ ಕ್ಷಿಪಣಿ ಪ್ರಯೋಗಿಸಿ ಕೆಳ ಕಕ್ಷೆಯಲ್ಲಿದ್ದ ಉಪಗ್ರಹವನ್ನು ಹೊಡೆದುರುಳಿಸಿದೆ. ಈ ತಂತ್ರಜ್ಞಾನವನ್ನು ಹೊಂದಿರುವ ವಿಶ್ವದ ನಾಲ್ಕನೇ ರಾಷ್ಟ್ರವಾಗಿ ಭಾರತ ಹೊರಹೊಮ್ಮಿದೆ.

3 ನಿಮಿಷದಲ್ಲಿ ಉಪಗ್ರಹ ನಾಶ!

'ಮಿಷನ್ ಶಕ್ತಿ' ತಂತ್ರಜ್ಞಾನದ ಮೂಲಕ ಬಾಹ್ಯಾಕಾಶದಲ್ಲಿ 300 ಕಿ.ಮೀ. ದೂರದಲ್ಲಿರುವ ಕಡಿಮೆ ಕಕ್ಷೆಯ ಉಪಗ್ರಹದ ಮೂಲಕ ಉಪಗ್ರಹವನ್ನು ಮೂರು ನಿಮಿಷದಲ್ಲಿ ಹೊಡೆದುರುಳಿಸುವ ಸಾಮರ್ಥ್ಯ ಇದೀಗ ಭಾರತಕ್ಕೆ ಇದೆ. ಇದು ಶತ್ರುಗಳದ್ದೇ ಆಗಿರಬಹುದು ಅಥವಾ ನಮ್ಮದೇ ಯಾವುದಾದರೂ ಉಪಗ್ರಹಗಳೇ ಆಗಿರಬಹುದು ಎಂದು ತಜ್ಞ ವಿಜ್ಞಾನಿಗಳು ತಿಳಿಸಿದ್ದಾರೆ.

ಮಿಷನ್​ ಶಕ್ತಿ ಉಪಯೋಗವೇನು?

ಉಡಾವಣೆ ಮಾಡುವ ಉಪಗ್ರಹಗಳು ತನ್ನ ಕೆಲಸ ಮುಗಿಸಿದ ನಂತರ ಅಥವಾ ತಂತ್ರಜ್ಞಾನದ ಸಮಸ್ಯೆಯಿಂದ ಉಪಗ್ರಹ ಅನುಪಯುಕ್ತವಾಗಬಹುದು. ಈ ಸಮಯದಲ್ಲಿ ಭೂಮಿಯಿಂದ ಅದನ್ನು ನಿಯಂತ್ರಣ ಮಾಡಲು ಸಾಧ್ಯವಿಲ್ಲ. ಅದರಿಂದ ಇತರ ಉಪಗ್ರಹಗಳ ಕಾರ್ಯಾಚರಣೆಗೆ ಅಡಚಣೆಯಾಗಬಹುದು. ಇದಕ್ಕೆ ಪರಿಹಾರವೇ ಮಿಷನ್​ ಶಕ್ತಿ ತಂತ್ರಜ್ಞಾನ ಎಂದಿದ್ದಾರೆ.

ಮಿಷನ್​ ಶಕ್ತಿ ಸಾಮರ್ಥ್ಯ ಏನು?

ಕೆಟ್ಟ ಅಥವಾ ದ್ರೋಹಿಗಳ ಉಪಗ್ರಹವನ್ನು ಯಾವ ಸಮಯದಲ್ಲಿ ಅಂತರಿಕ್ಷದಲ್ಲಿ ಯಾವ ಕಕ್ಷೆಗೆ ಬರುತ್ತದೆ ಎಂಬುದನ್ನು ಲೆಕ್ಕಾಚಾರ ಹಾಕಿ ಲೇಸರ್​ ಕಿರಣಗಳನ್ನು ಭೂಮಿಯಿಂದಲೇ ಕಳುಹಿಸಿ ಉಪಗ್ರಹವನ್ನು ಸುಟ್ಟು ಬಿಡಬಹುದು. ನಮ್ಮ ಕೆಟ್ಟ ಉಪಗ್ರಹಗಳಿಂದ ಇತರ ಉಪಗ್ರಹಗಳ ಕಾರ್ಯಾಚರಣೆಗೆ ಅಡಚಣೆಯಾಗಬಹುದನ್ನು ಮಿಷನ್​ ಶಕ್ತಿ ಮೂಲಕ ತಡೆಯಬಹುದು.

ಜಾಗತಿಕವಾಗಿ ನಾಲ್ಕನೇ ರಾಷ್ಟ್ರ

ಬಾಹ್ಯಾಕಾಶದಲ್ಲಿ ವಿರೋಧ ಉಪಗ್ರಹ ಕ್ಷಿಪಣಿಯನ್ನು ನಿಮಿಷದಲ್ಲಿ ಹೊಡೆದುರುಳಿಸುವ ಬಾಹ್ಯಾಕಾಶ ಶಕ್ತಿಶಾಲಿ ರಾಷ್ಟ್ರಗಳ ಸಾಲಿಗೆ ಇಂದು ಭಾರತ ಸೇರಿದೆ. ಜಾಗತಿಕವಾಗಿ ನಾಲ್ಕನೇ ರಾಷ್ಟ್ರವಾಗಿ ಹೊರಹೊಮ್ಮಿದೆ 1997ರಲ್ಲಿ ಇದೇ ರೀತಿಯ ಪರೀಕ್ಷೆಯನ್ನು ಅಮೆರಿಕ ಮಾಡಿತ್ತು, 2007 ಚೀನಾ ದೇಶ ಮಾಡಿದ್ದರೆ, ಅದಕ್ಕೂ ಮುನ್ನನೇ ರಷ್ಯಾ ಕೂಡ ಮಾಡಿ ಮುಗಿಸಿದೆ.