ಈ ರಿಪೋರ್ಟ್ ನೋಡಿ ಮಕ್ಕಳಿಗೆ 'ಮೊಬೈಲ್' ಮುಟ್ಟಿಸಲು ಸಹ ಹೆದರಬಹುದು!!

ಶಾರೀರಿಕ ಮತ್ತು ಮಾನಸಿಕ ಸಮಸ್ಯೆಗಳು

ಒಂದು ದಿನಕ್ಕೆ ಎರಡು ಗಂಟೆಗಳಿಗಿಂತಲೂ ಹೆಚ್ಚು ಕಾಲ ಮೊಬೈಲ್, ಇಂಟರ್‌ನೆಟ್ ಬಳಸುವ ಯಾವುದೇ ಮಕ್ಕಳಲ್ಲಿ ಶಾರೀರಿಕ ಮತ್ತು ಮಾನಸಿಕ ಸಮಸ್ಯೆಗಳು ಕಂಡುಬರುತ್ತಿವೆ ಎಂಬುದನ್ನು ಸಂಶೋಧನೆಗಳು ದೃಢಪಡಿಸಿವೆ. ಮಕ್ಕಳಲ್ಲಿನ ಅತಿಯಾದ ಬೊಜ್ಜು, ಚರ್ಮ ಕಾಯಿಲೆಗಳು, ದೃಷ್ಟಿದೋಷ ಕಾಣಿಸಿಕೊಳ್ಳಲು ಇದು ಒಂದು ಕಾರಣ .

ಇಷ್ಟು ಸಮಸ್ಯೆ ಇದೆ ಅಂತ ಯೋಚಿಸಿದ್ದೀರಾ!

ಶಾರೀರಿಕವಾಗಿ ಬರುವ ಸಮಸ್ಯೆಗಳನ್ನು ಹೊರತುಪಡಿಸಿದರೆ, ಆತಂಕ, ಆಕ್ರಮಣಕಾರಿ ವರ್ತನೆ, ಕೆಟ್ಟ ಆಲೋಚನೆ, ಆತ್ಮಹತ್ಯೆ, ಭಾವವಿಕಾರಗಳು, ಸಂವೇದನಾ ರಹಿತತೆ, ಸಂವಹನ ಸಾಮರ್ಥ್ಯದ ಕೊರತೆ, ಖಿನ್ನತೆ, ಒಂಟಿತನ, ಹತೋಟಿಯಿಲ್ಲದ ಆವೇಗಗಳು, ಮಾದಕವ್ಯಸನ ಮುಂತಾದ ಸಮಸ್ಯೆಗಳಿಗೆ ತಂತ್ರಜ್ಞಾನದ ಉಪಕರಣಗಳ ಅತಿಯಾದ ಬಳಕೆಯೆ ಕಾರಣ.

ಮೊಬೈಲ್‍ ಬಳಕೆ ಒಂದು ಚಟ!

ಈಗ ಮೊಬೈಲ್‍ ಬಳಕೆ ಮತ್ತು ಸೆಲ್ಫೀ ತೆಗೆದುಕೊಳ್ಳುವುದು ಕೂಡ ಚಟ ಎಂಬುದು ಸಾಬೀತಾಗಿದೆ ಎಂಬುದು ನಿಮಗೆ ತಿಳಿದಿದ್ದರೆ ಒಳಿತು. ಒಂದು ಕಡೆ ಜನರು ಕೂತಕಡೆಯಿಂದ ಅಲುಗಾಡದೇ ಅವುಗಳಲ್ಲಿ ತಲ್ಲೀನರಾಗಿರುತ್ತಿದ್ದರೆ, ಮಕ್ಕಳು ಮೊಬೈಲ್ ಎಂಬ ಮಾಯೆಯೊಳಗೆ ಕಾಲಿಟ್ಟಿದ್ದಾರೆ. ಮೊಬೈಲ್‌ನಿಂದ ಮಕ್ಕಳು ವಾಸ್ತವತೆಯಿಂದ ದೂರಾಗುತ್ತಿದ್ದಾರೆ ಎನ್ನುತ್ತಾರೆ ಮನಶಾಸ್ತ್ರಜ್ಞರು.!

ಹಾರ್ಮೋನ್‌ಗಳ ವ್ಯತ್ಯಾಸ

ಮೊಬೈಲ್‌ ಬಳಕೆಯಿಂದ ದೇಹದ ನರವ್ಯವಸ್ಥೆ ಮೇಲೆ ಪರಿಣಾಮ ಬೀರುತ್ತದೆ. ಇದು ಖಿನ್ನತೆ ಮತ್ತು ಆತಂಕಕ್ಕೆ ಕಾರಣವಾಗುವುದಲ್ಲದೆ, ಮಕ್ಕಳಲ್ಲಿ ಚಯಾಪಚಯ ಕ್ರಿಯೆ ಮತ್ತು ಆರೋಗ್ಯದ ರಕ್ಷಣೆ ಸೂಕ್ಷ್ಮವಾಗಿರುವುದರಿಂದ ಹಾರ್ಮೋನ್‌ಗಳ ವ್ಯತ್ಯಾಸಕ್ಕೂ ಸಹ ಕಾರಣ ಎಂದು ವರದಿಯಲ್ಲಿ ಹೇಳಲಾಗಿದೆ. ಅಂದರೆ ಫೋನ್ ಬಳಕೆಯಿಂದ ಹಾರ್ಮೋನ್‌ಗಳು ವ್ಯತ್ಯಾಸವಾಗುತ್ತವೆ.!

ನಿದ್ರೆಗೆ ತೊಂದರೆಯಾಗುತ್ತಿದೆ!

ಮಕ್ಕಳು 4 ಗಂಟೆಗೂ ಅಧಿಕ ಸಮಯ ಡಿಜಿಟಲ್‌ ಸ್ಕ್ರೀನ್ ನಿರಂತರವಾಗಿ ನೋಡಿದರೆ ಶೇ 49 ರಷ್ಟು ನಿದ್ರೆಗೆ ತೊಂದರೆಯಾಗುತ್ತದೆ ಎನ್ನುತ್ತವೆ ವರದಿಗಳು. ಮಲಗುವ ಮೊದಲು ಮೊಬೈಲ್‌, ಟಿ.ವಿ. ಕಂಪ್ಯೂಟರ್‌ಳಿಂದ ಕನಿಷ್ಠ 1 ಗಂಟೆಯಾದರೂ ಮಕ್ಕಳು ಅವುಗಳಿಂದ ದೂರ ಇರಬೇಕು. ಇಲ್ಲವಾದರೆ ಮಕ್ಕಳಿಗೆ ಉತ್ತಮ ನಿದ್ದೆಮಾಡಲು ಸಾಧ್ಯವಿಲ್ಲಾ ಎಂದು ವೈದ್ಯರು ಹೇಳುತ್ತಾರೆ.

ಸೂಕ್ತವಲ್ಲದ ಅಂತರ್ಜಾಲ ತಾಣ ವೀಕ್ಷಣೆ!

ಜಗತ್ತಿನ ಶೇ 54% ಮಕ್ಕಳು ಸೂಕ್ತವಲ್ಲದ ಅಂತರ್ಜಾಲ ತಾಣಗಳನ್ನು ನೋಡಿರುತ್ತಾರೆ ಎಂದು ಅಧ್ಯಯನ ವರದಿಯೊಂದು ಹೇಳಿದೆ. ರಾತ್ರಿ ವೇಳೆ ಗ್ಯಾಜೆಟ್ ಬಳಕೆ ಮಾಡುವ ಮಕ್ಕಳು ಹೆಚ್ಚು ಸಮಯ ಬೇಡದ ಅಂತರ್ಜಾಲ ತಾಣಗಳಿಗೆ ಭೇಟಿ ನೀಡಿರುತ್ತಾರೆ ಎಂದು ಹೇಳಲಾಗಿದೆ. ಇದು ಪೋಷಕರಿಗೂ ಗೊತ್ತಿದ್ದರೂ, ವಯಸ್ಕ ಮಕ್ಕಳ ಮುಂದೆ ಬುದ್ದಿವಾದ ಹೇಳಲು ಭಯವಂತೆ.