ಆಕಾಶದಲ್ಲೂ ಮೊಬೈಲ್‌ನಲ್ಲಿ ಮಾತನಾಡಿ, ವಾಟ್ಸ್‌ಆಪ್ ಚಾಟ್ ಮಾಡಿ..!

ಸ್ಯಾಟಲೈಟ್‌ ನಿಂದ ನೆಟ್ ಸೇವೆ..!

ವಿಮಾನದಲ್ಲಿ ಪ್ರಯಾಣ ಮಾಡುವವರಿಗಾಗಿಯೇ ಸ್ಯಾಟಲೈಟ್‌ ಇಲ್ಲವೇ ಸಾಮಾನ್ಯ ಟವರ್‌ಗಳನ್ನೇ ಬಳಸಿ ವಿಮಾನದಲ್ಲಿ ಮೊಬೈಲ್‌ ಸೇವೆಗಳನ್ನು ಒದಗಿಸಬಹುದು ಎನ್ನಲಾಗಿದ್ದು, ಒಂದು ವೇಳೆ ವಿಮಾನದಲ್ಲಿ ಟೆಲಿಕಾಂ ನೆಟ್‌ವರ್ಕ್‌ ಸೌಲಭ್ಯ ಒದಗಿಸಲು ಕಷ್ಟವಾದರೆ ಕಡೆ ಪಕ್ಷ ವೈಫೈ ಮೂಲಕವಾದರೂ ಇಂಟರ್ನೆಟ್‌ ಸೇವೆ ಒದಗಿಸಬೇಕು ಎಂದು ಟ್ರಾಯ್ ತಿಳಿಸಿದೆ ಎನ್ನಲಾಗಿದೆ.

Oppo A83 ಸ್ಮಾರ್ಟ್‌ಫೋನ್ ಹೇಗಿದೆ..?

ವಿಮಾನದಲ್ಲಿ ಇಂಟರ್ನೆಟ್:

ಈ ಹಿಂದಿನಂತೆ ಪ್ರಯಾಣಿಕರು ವಿಮಾನ ಏರುತ್ತಿದ್ದಂತೆಯೇ ಇಂಟರ್ನೆಟ್ ಸೇವೆ ಮತ್ತು ಕರೆ ಮಾಡುವ ಅವಕಾಶದ ಬಗ್ಗೆ ಮಾಹಿತಿಯನ್ನು ನೀಡಬೇಕು ಎಂದು ಟ್ರಾಯ್‌ ಸೂಚಿಸಿದೆ. ವಿಮಾನದೊಳಗೆ ಮೊಬೈಲ್‌ ಸೇವೆ ಒದಗಿಸಲು ಪ್ರತ್ಯೇಕ ವ್ಯವಸ್ಥೆಯನ್ನು ಮಾಡಿಕೊಳ್ಳಬೇಕು ಎಂದು ತಿಳಿಸಿದೆ.

ಬಹುದಿನಗಳ ಕನಸು:

ಈ ಹಿಂದಿನಿಂದಲೂ ಮೊಬೈಲ್ ಬಳಕೆದಾರರ ಒಂದೇ ಬೇಡಿಕೆ ಎಂದರೆ ವಿಮಾನದಲ್ಲಿ ಮೊಬೈಲ್ ಬಳಕೆ ಮಾಡಲು ಅವಕಾಶವನ್ನು ಮಾಡಿಕೊಡಬೇಕು ಎನ್ನುವುದು. ಇನ್ನು ಮುಂದೆ ಮೊಬೈಲ್‌ ಬಳಕೆದಾರರು ವಿಮಾನದಲ್ಲಿಯೂ ಯಾವುದೇ ಅಡೆತಡೆ ಇಲ್ಲದೇ ಇಂಟರ್ನೆಟ್ ಅನ್ನು ಪಡೆಯಬಹುದು, ಮಾತುಕತೆಯನ್ನು ನಡೆಸಬಹುದಾಗಿದೆ.