ನಿಮ್ಮ ಪೋಷಕರಿಗೆ ಈ ಆನ್‌ಲೈನ್ ವಂಚನೆಗಳ ಬಗ್ಗೆ ಮರೆಯದೇ ಪಾಠ ಮಾಡಿ!!

ಎಟಿಎಂ ಅಥವಾ ಬ್ಯಾಂಕ್​ಗಳ ಪಿನ್​ಕೋಡ್

ನಿಮ್ಮ ಪೋಷಕರಿಗೆ ಆನ್‌ಲೈನ್ ಬ್ಯಾಂಕಿಂಗ್ ಮಾಹಿತಿಯೇ ಬಹಳ ಮುಖ್ಯವಾಗಿ ಬೇಕಾಗಿರುವುದು. ಬ್ಯಾಂಕ್​ಗಳ ಮಾಹಿತಿ, ತಮ್ಮ ಎಟಿಎಂ/ಕ್ರೆಡಿಟ್​​ ಕಾರ್ಡ್​ ಮಾಹಿತಿ, ಹೀಗೆ ಹಣಕಾಸು ವಿಚಾರಗಳ ಮಾಹಿತಿಯನ್ನು ಎಲ್ಲೂ ಸೇವ್​ ಮಾಡಿಟ್ಟುಕೊಳ್ಳದಂತೆ ಹೇಳಿಕೊಡಿ. ಮತ್ತೆ ಯಾರಿಗೂ ಈ ಬಗ್ಗೆ ಮಾಹಿತಿ ನೀಡಲೇಬೇಡಿ ಎಂದು ಖಡಾಖಂಡಿತವಾಗಿ ತಿಳಿಸಿ.

ಸ್ಪ್ಯಾಪ್​ ಇ-ಮೇಲ್​, ಮೆಸೇಜ್​ಗಳು

ಅಂತರ್ಜಾಲದ ಬಗ್ಗೆ ಅಲ್ಪಸ್ವಲ್ಪ ತಿಳಿದಿರುವ ಪೋಷಕರು, ಸ್ಪ್ಯಾಪ್​ ಇ-ಮೇಲ್​, ಮೆಸೇಜ್​ಗಳ ಬಗ್ಗೆ ಮಾಹಿತಿಯನ್ನು ತಿಳಿಯದೇ ಇರಬಹುದು. ಬ್ರೌಸಿಂಗ್ ಮಾಡುವಾಗ​ ಹಲವಾರು ಸ್ಪ್ಯಾಮ್​ ಮೇಲ್​ಗಳು ಬರುತ್ತಿರುತ್ತವೆ. ಒಂದು ವೇಳೆ ಇವುಗಳನ್ನು ತೆರೆದು ನೋಡಿದರೆ ಹಣಕಳೆದುಕೊಳ್ಳುವ ಸಾಧ್ಯತೆಗಳೇ ಹೆಚ್ಚು. ಇವುಗಳ ಬಗ್ಗೆ ಎಚ್ಚರಿಸಿ.

ಮೊಬೈಲ್​ ರಿಪೇರಿ ಹಾಗೂ ಬ್ಯಾಂಕ್​ ಸಿಬ್ಬಂದಿ ಕರೆ!

ಬಹುತೇಕ ಸಮಯದಲ್ಲಿ ವಂಚಕರು ಮೊಬೈಲ್​ಗಳಲ್ಲಿನ ಸಮಸ್ಯೆ ಸರಿಪಡಿಸುವುದಾಗಿ ಕರೆ ಮಾಡಿದರೆ ಅಥವಾ ಬ್ಯಾಂಕ್​ಗಳಲ್ಲಿನ ಸಮಸ್ಯೆ ಕುರಿತು ಕರೆ ಮಾಡಿ ನಿಮ್ಮ ಎಟಿಎಂ, ಸಿಮ್‌ ಸಂಖ್ಯೆ ಹಾಗೂ ಇತರೇ ದಾಖಲೆಗಳನ್ನು ಕೇಳುತ್ತಾರೆ. ಅಂತಹ ಯಾವುದೇ ಕರೆಗಳು ಬಂದರೆ ಅವುಗಳನ್ನು ತಿರಸ್ಕರಿಸುವಂತೆ ಹೇಳಿ.

ನಕಲಿ ಆಪ್​ಗಳ ಕುರಿತು ಎಚ್ಚರಿಕೆ

ಪ್ಲೇಸ್ಟೋರ್‌ನಲ್ಲಿ ಸಾವಿರಾರು ಮೋಸದ ಆಪ್‌ಗಳು ಬೀಡುಬಿಟ್ಟಿರುತ್ತವೆ. ಸಹಾಯ ಮಾಡುವ ಸೊಗಿನಲ್ಲಿ ಬಳಕೆದಾರರ ಖಾಸಾಗಿ ಮಾಹಿತಿಯನ್ನು ಈ ಆಪ್‌ಗಳು ಕಲೆಹಾಕಬಹುದು. ಇನ್ನು ಕೆಲವು ಆಪ್‌ಗಳು ಜಾಹೀರಾತಿಗೆ ಮಾತ್ರಾ ಸೀಮಿತವಾಗಿರಬಹುದು. ಹಾಗಾಗಿ, ನಿಮ್ಮ ಪೋಷಕರಿಗೆ ಇಂತಹ ಅನಗತ್ಯ ಆಪ್‌ಗಳನ್ನು ಡೌನ್‌ಲೋಡ್ ಮಾಡದಂತೆ ತಿಳಿಸಿ.

ಸಿಮ್, ಆಧಾರ್​, ವೋಟರ್​ ಐಡಿ, ಪಾನ್​ಕಾರ್ಡ್​ ಮಾಹಿತಿ

ವಂಚಕರು ಕರೆ ಮಾಡಿ ನಿಮ್ಮ ಸಿಮ್, ಆಧಾರ್​, ವೋಟರ್​ ಐಡಿ, ಪಾನ್​ಕಾರ್ಡ್ ಮಾಹಿತಿಗಳನ್ನು ಅಪ್‌ಡೇಟ್ ಮಾಡಬೇಕಿದೆ ಎಂದು ಹೇಳುತ್ತಿರುತ್ತಾರೆ. ಹಾಗಾಗಿ, ಆಧಾರ್​, ವೋಟಾರ್ ಐಡಿ ಅಥವಾ ಇತರೇ ದಾಖಲೆಗಳ ಮಾಹಿತಿಯನ್ನು ಫೋನಿನಲ್ಲಿ ಸಂಭಾಷಣೆ ನಡೆಸಿದ ಯಾವ ವ್ಯಕ್ತಿಗೂ ನೀಡಲೇಬಾರದು ಎಂಬುದನ್ನು ಹೇಳಿ.

ಆಮಿಷಕ್ಕೆ ಬಲಿಯಾಗದಂತೆ ತಿಳಿಸಿ.!

ಸ್ಮಾರ್ಟ್‌ಫೋನ್ ಬಳಕೆ ಮಾಡುತ್ತಿರುವಾಗ ಅವರಿಗೆ ಭಾರೀ ಗಿಫ್ಟ್ ಬಂದಿರುವ ಬಗ್ಗೆ ಮೆಸೇಜ್‌ಗಳು ಬಂದಿರುವುದನ್ನು ನೀವು ನೋಡಬಹುದು. ಹಿರಿಯರು ಈ ಆಮಿಷಗಳಿಗೆ ಶೀಘ್ರವಾಗಿ ಬಲಿಯಾಗುವುದು ಹೆಚ್ಚು, ಹಾಗಾಗಿ, ಇಂತಹ ಆಮಿಷಗಳ ಬಲೆಗೆ ಬೀಳಬೇಡಿ. ಅಂತಹ ಆಮಿಷಗಳು ನಮ್ಮನ್ನು ವಂಚಿಸಲು ಇವೆ ಎಂಬುದನ್ನು ತಿಳಿಸಿ ಹೇಳಿ.