ಲಾಂಚ್‌ ಆಯ್ತು ಮೊಟೊರೊಲಾ ಒನ್‌ ಹೈಪರ್‌ ಸ್ಮಾರ್ಟ್‌ಫೋನ್‌ !

ಹೌದು ಮೊಟೊರೊಲಾ ಒನ್‌ ಹೈಪರ್‌ ಸ್ಮಾರ್ಟ್‌ಫೋನ್‌ ಆಕ್ಟಾ-ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 675 SoC ಪ್ರೊಸೆಸರ್‌ ಹೊಂದಿದ್ದು. p2i ನ್ಯಾನೊ-ಕೋಟಿಂಗ್‌ ಪದರದಿಂದ ಡಿಸ್‌ಪ್ಲೇಯನ್ನ ರಕ್ಷಿಸಲಾಗಿದೆ. ಅಷ್ಟೇ ಅಲ್ಲ ಮೊಟೊರೊಲಾದ 64 ಮೆಗಾಪಿಕ್ಸೆಲ್ ಸೆನ್ಸಾರ್‌ ಹೊಂದಿದ ಮೊದಲ ಸ್ಮಾರ್ಟ್‌ಫೋನ್ ಇದಾಗಿದೆ. ಹಾಗಾದ್ರೆ ಮೊಟೊರೊಲಾ ಒನ್‌ ಹೈಪರ್‌ ಸ್ಮಾರ್ಟ್‌ಫೋನ್‌ ಯಾವೆಲ್ಲಾ ವಿಶೇಷತೆಗಳನ್ನ ಒಳಗೊಂಡಿದೆ ಅನ್ನೊದನ್ನ ಈ ಲೇಖನದಲ್ಲಿ ನೋಡೋಣ ಬನ್ನಿ.

ಡಿಸ್‌ಪ್ಲೇ

ಮೊಟೊರೊಲಾ ಒನ್ ಹೈಪರ್ ಸ್ಮಾರ್ಟ್‌ಫೋನ್‌ 6.5-ಇಂಚಿನ ಪೂರ್ಣ-ಎಚ್‌ಡಿ + ಡಿಸ್‌ಪ್ಲೇ ಹೊಂದಿದ್ದು. 1080 x 2340 ಪಿಕ್ಸೆಲ್‌ ರೆಸಲ್ಯೂಶನ್‌ ಹೊಂದಿದೆ. ಜೊತೆಗೆ ಎಲ್‌ಸಿಡಿ ಡಿಸ್‌ಪ್ಲೇ ಇದಾಗಿದ್ದು ಡಿಸ್‌ಪ್ಲೇ 19: 9 ಅನುಪಾತದಲ್ಲಿದೆ ಮತ್ತು 395ಪಿಪಿಐ ಪಿಕ್ಸೆಲ್ ಸಾಂದ್ರತೆಯನ್ನು ಹೊಂದಿದೆ. ಅಲ್ಲದೆ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಒಳಗೊಂಡಿದ್ದು. ವಿಡಿಯೊ ವೀಕ್ಷಣೆಗೆ ಹೆಚ್ಚು ಪೂರಕವಾದ ಡಿಸ್‌ಪ್ಲೇ ಇದಾಗಿದೆ.

ಪ್ರೊಸೆಸರ್‌

ಇನ್ನು ಮೊಟೊರೊಲಾ ಸ್ಮಾರ್ಟ್‌ಫೋನ್‌ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ ಪ್ರೊಸೆಸರ್‌ 675 ಎಸ್‌ಒಸಿ ಆಗಿದ್ದು ಆಂಡ್ರಾಯ್ಡ್ 10 ನಿಂದ ನಿಯಂತ್ರಿಸಲ್ಪಡುತ್ತದೆ. ಅಲ್ಲದೆ ಇದರ ಆಕ್ಟಾ-ಕೋರ್ 2.0 GHz ಆಗಿದೆ. ಜೊತೆಗೆ 4GB RAM ಮತ್ತು 128GB ಶೇಖರಣ ಸಾಮರ್ಥ್ಯವನ್ನು ಹೊಂದಿದ್ದು. ಇದನ್ನು ಮೆಮೊರಿ ಕಾರ್ಡ್ ಮೂಲಕ 1 ಟಿಬಿ ವರೆಗೆ ವಿಸ್ತರಿಸಬಹುದಾಗಿದೆ.

ಕ್ಯಾಮೆರಾ

ಮೊಟೊರೊಲಾ ಹೈಪರ್‌ ಒನ್‌ ಸ್ಮಾರ್ಟ್‌ ಪೋನ್‌ ಡ್ಯುಯೆಲ್‌ ರಿಯರ್‌ ಕ್ಯಾಮೆರಾ ಸೆಟಪ್‌ ಹೊಂದಿದ್ದು ಮುಖ್ಯ ಕ್ಯಾಮೆರಾ64 ಮೆಗಾಫಿಕ್ಸೆಲ್‌ ಹೊಂದಿದ್ದು f/ 1.8 ಲೆನ್ಸ್‌ಹೊಂದಿದ್ದು 1.6 ಮೈಕ್ರೋ ಫಿಕ್ಸೆಲ್‌ ಹೊಂದಿದೆ. ಎರಡನೇ ಕ್ಯಾಮೆರಾ 8 ಮೆಗಾಫಿಕ್ಸೆಲ್‌ ಹೊಂದಿದ್ದು f/ 2.2 ಲೆನ್ಸ್‌ ಮೂಲಕ ಅಲ್ಟ್ರಾ ವೈಡ್‌ ಆಂಗಲ್‌ ಲೆನ್ಸ್‌ ಹೊಂದಿದೆ. ಇನ್ನು 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಒಳಗೊಂಡಿದ್ದು ,2.0ಲೆನ್ಸ್‌ 0.8 ಮೈಕ್ರಾನ್ ಪಿಕ್ಸೆಲ್ ಗಾತ್ರವನ್ನು ಹೊಂದಿದೆ. ಇದು ಪಾಪ್-ಅಪ್ ಕ್ಯಾಮೆರಾ ಆಗಿದೆ. ಜೊತೆಗೆ ನೈಟ್ ವಿಷನ್, ರಾ ಕ್ಯಾಪ್ಚರ್, ಹೈ-ರೆಸ್ ಜೂಮ್, ಮತ್ತು ಫಿಲ್-ಎಚ್ಡಿ 60 ಎಫ್‌ಪಿಎಸ್ ವೀಡಿಯೊಗಳನ್ನು ಸೆರೆಹಿಡಿಯುವ ಫಿಚರ್ಸ್‌ ಗಳನ್ನ ಒಳಗೊಂಡಿದೆ.

ಬ್ಯಾಟರಿ ಮತ್ತು ಇತರೆ

ಮೊಟೊರೊಲಾ ಒನ್ ಹೈಪರ್ ಫೋನ್‌ 45W ಹೈಪರ್ ಚಾರ್ಜ್ ತಂತ್ರಜ್ಞಾನವನ್ನು ಬೆಂಬಲಿಸುವ 4,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ. ಯುಎಸ್ಬಿ ಟೈಪ್-ಸಿ ಪೋರ್ಟ್ ಅನ್ನು ಹೊಂದಿದ್ದು. ಗೇಮಿಂಗ್‌ಗೆ ಬ್ಯಾಟರಿ ಅತ್ಯುತ್ತಮ ಬ್ಯಾಕ್‌ಅಪ್‌ ನೀಡಲಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಅಕ್ಸೆಲೆರೊಮೀಟರ್, ಆಂಬಿಯೆಂಟ್ ಲೈಟ್ ಸೆನ್ಸರ್, ದಿಕ್ಸೂಚಿ, ಗೈರೊಸ್ಕೋಪ್, ಸೆನ್ಸಾರ್‌ ಅನ್ನು ಸಹ ಒಳಗೊಂಡಿದೆ. ಜೊತೆಗೆ ಇದು 161.8 x 76.6 x 8.9 ಮಿಮೀ ಗ್ರಾತ್ರವನ್ನು ಹೊಂದಿದೆ. ಸಧ್ಯ ಮೊಟೊರೊಲಾ ಒನ್‌ ಹೈಪರ್‌ ಪೋನ್‌ 29,000 ರೂಗಳಿಗೆ ಲಭ್ಯವಿದೆ.