Motorola; ಜೂನ್ 25ರಂದು ಮೊಟೊರೊಲಾ Razr 50, Razr 50 Ultra ಲಾಂಚ್ ! ಬೆಲೆ, ಫೀಚರ್ಸ್ ಲೀಕ್

ಗ್ರಾಹಕರ ನೆಚ್ಚಿನ ಆಯ್ಕೆಗಳಲ್ಲಿ ಒಂದಾಗಿರುವ ಮೊಟೊರೊಲಾ (Motorola) ನೂತನವಾಗಿ ಎರಡು ಫೊಲ್ಡಬಲ್ ಸ್ಮಾರ್ಟ್‌ಫೋನ್‌ಗಳನ್ನು ಇದೇ ಜೂನ್ 25 ರಂದು ಬಿಡುಗಡೆ ಮಾಡಲಿದೆ ಎಂದು ದೃಢಪಡಿಸಿದೆ. Motorola Razr 50 ಮತ್ತು Razr 50 Ultra ಚೀನಾದಲ್ಲಿ ಹಾಗೂ ಜಾಗತಿಕ ಮಾರುಕಟ್ಟೆಗಳಲ್ಲಿ ಲಾಂಚ್ ಆಗಲಿರುವ ಸ್ಮಾರ್ಟ್‌ಫೋನ್‌ಗಳಾಗಿವೆ. ಮುಂದಿನ ಜನರೇಷನ್‌ನ ಕ್ಲಾಮ್‌ಶೆಲ್ ಫೋಲ್ಡಬಲ್ ಹ್ಯಾಂಡ್‌ಸೆಟ್‌ಗಳು Razr 40 ಮತ್ತು Razr 40 Ultra ದ ಮುಂದುವರೆದ ಮಾದರಿಯಾಗಿ ಎಂಟ್ರಿ ಕೊಡುವ ನಿರೀಕ್ಷೆ ಇದೆ. ಹಾಗಿದ್ರೆ ಈ ನೂತನ ಸ್ಮಾರ್ಟ್‌ಫೋನ್‌ಗಳ ಕುರಿತಾದ ಹೆಚ್ಚಿನ ಮಾಹಿತಿಯನ್ನು ಈ ಲೇಖನದಲ್ಲಿ ತಿಳಿಯೋಣ.

ಈ ಸ್ಮಾರ್ಟ್‌ಫೋನ್‌ಗಳ ಜೊತೆಗೆ ಚೀನಾದಲ್ಲಿ ಮೊಟೊರೊಲಾ S50 ನಿಯೋ ಕೂಡ ಬಿಡುಗಡೆಯಾಗಲಿದೆ. ಇದು ಜಾಗತಿಕ ಮಾರುಕಟ್ಟೆಯಲ್ಲಿ Moto G85 5G ಹೆಸರಿನಿಂದ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಕೆಲವು ಆನ್‌ಲೈನ್ ಸೋರಿಕೆಗಳು Moto G85 5G ನ ವಿವರಗಳ ಜೊತೆಗೆ ಮುಂಬರುವ Motorola Razr 50 ಸರಣಿಯ ಫೋನ್‌ಗಳ ಜಾಗತಿಕ ಬೆಲೆ ಮತ್ತು ಬಣ್ಣಗಳ ಆಯ್ಕೆಗಳನ್ನು ನೀಡಿವೆ.

ವದಂತಿಯ ಪ್ರಕಾರ Motorola Razr 50, Razr 50 Ultra, Moto G85 5G ಬೆಲೆ ಹಾಗೂ ಬಣ್ಣ:

Motorola Razr 50 ಇದರ 8GB + 256GB ವೇರಿಯಂಟ್‌ ಸುಮಾರು ರೂ. 80,500 ನಲ್ಲಿ ಪ್ರಾರಂಭವಾಗಲಿದೆ ಎಂದು ವರದಿಯಾಗಿದೆ. Motorola Razr 50 Ultra 12GB + 512GB ಕಾನ್ಫಿಗರೇಶನ್‌ ಸುಮಾರು ರೂ. 1.07,300 ಹೊಂದಿರಲಿದೆ ಎಂದು ಹೇಳಲಾಗಿದೆ. ಬೇಸ್ ಮಾಡೆಲ್ ಗ್ರೇ, ಆರೆಂಜ್ ಮತ್ತು ಸ್ಯಾಂಡ್ ಬಣ್ಣಗಳಲ್ಲಿ ಬರಬಹುದು ಎಂದು ನಿರೀಕ್ಷೆ ಇದೆ. ಆದರೆ ಅಲ್ಟ್ರಾ ರೂಪಾಂತರವು ಬ್ಲ್ಯೂ, ಹಸಿರು ಮತ್ತು ಪೀಚ್ ಶೇಡ್‌ಗಳಲ್ಲಿ ಬರುವ ನಿರೀಕ್ಷೆ ಇದೆ.

ಮತ್ತೊಂದು ವರದಿಯು Moto G85 ಇದರ 12GB + 256GB ವೇರಿಯಟ್ ಸುಮಾರು ರೂ. 31,200 ಬೆಲೆ ಹೊಂದಿರುತ್ತದೆ ಎಂದು ಹೇಳಲಾಗಿದೆ. ಈ ವರದಿಯು ಫೋನ್ ಪ್ರಮುಖವಾಗಿ ಗ್ರೇ, ಒಲಿವಿನ್ ಮತ್ತು ನೀಲಿ ಈ ಮೂರು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿರಬಹುದು ಎಂದು ಹೇಳಲಾಗಿದೆ.

ವದಂತಿ ಪ್ರಕಾರ Motorola Razr 50, Razr 50 ಅಲ್ಟ್ರಾ ಫೀಚರ್ಸ್:
Motorola Razr 50 ಇದು ಮೀಡಿಯಾ ಟೆಕ್ ಡೈಮೆನ್ಸಿಟಿ 7300X SoC ಅನ್ನು ಹೊಂದಿರುತ್ತದೆ ಮತ್ತು 33W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 3,950mAh ಬ್ಯಾಟರಿ ಹೊಂದಿರುವ ಸಾಧ್ಯತೆ ಇದೆ. ಮತ್ತೊಂದೆಡೆ Razr 50 Ultra ಇದು Qualcomm Snapdragon 8s Gen 3 ಚಿಪ್‌ಸೆಟ್‌ನಿಂದ ಚಾಲಿತವಾಗಬಹುದು ಮತ್ತು 68W ವೇಗದ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 4,000mAh ಬ್ಯಾಟರಿ ಹೊಂದಿರಬಹುದು ಎನ್ನಲಾಗಿದೆ.

ಎರಡೂ ಕ್ಲಾಮ್‌ಶೆಲ್ ಫೋಲ್ಡಬಲ್ ಸ್ಮಾರ್ಟ್‌ಫೋನ್‌ಗಳು 6.9 ಇಂಚಿನ ಫುಲ್ HD+ OLED ಮುಖ್ಯ ಡಿಸ್‌ಪ್ಲೇ ಮತ್ತು 3.6 ಇಂಚಿನ ಕವರ್ ಡಿಸ್‌ಪ್ಲೇ ಹೊಂದಿರುವ ಸಾಧ್ಯತೆಯಿದೆ. ಈ ಎರಡೂ ಮೊಬೈಲ್‌ಗಳು ಕೂಡ 50MP ಡ್ಯುಯಲ್ ರಿಯರ್ ಕ್ಯಾಮೆರಾ ಘಟಕಗಳು ಮತ್ತು 32MP ಸೆಲ್ಫಿ ಕ್ಯಾಮೆರಾಗಳನ್ನು ಹೊಂದಿರಬಹುದು ಎಂದು ಹೇಳಲಾಗುತ್ತಿದೆ.

ವದಂತಿಗಳ ಪ್ರಕಾರ Moto G85 5G ಫೀಚರ್ಸ್‌:
Moto G85 5G ಚೀನಾದಲ್ಲಿ ಬಿಡುಗಡೆ ಮಾಡಲು ಸಿದ್ಧವಾಗಿರುವ Motorola S50 Neo ನ ಮರು ಬ್ಯಾಡ್ಜ್ ಆವೃತ್ತಿಯಾಗಿದೆ ಎಂದು ನಿರೀಕ್ಷಿಸಲಾಗಿದೆ. ಇದು ಕ್ವಾಲ್ಕಾಮ್ ಸ್ನಾಪ್‌ ಡ್ರಾಗನ್ 4 Gen 3 SoC, 33W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿ ಮತ್ತು 6.6 ಇಂಚಿನ ಫುಲ್ HD + OLED ಪರದೆಯೊಂದಿಗೆ ಬರಬಹುದು ಎಂದು ಹೇಳಲಾಗಿದೆ. ದೃಗ್ವಿಜ್ಞಾನಕ್ಕಾಗಿ, ಇದು 50MP ರಿಯಲ್ ಹಿಂಬದಿಯ ಕ್ಯಾಮೆರಾ ಘಟಕ ಮತ್ತು 32MP ಸೆಲ್ಫಿ ಶೂಟರ್ ಅನ್ನು ಹೊಂದಿರಬಹುದು