ಮೋದಿಯವರ ನೇತೃತ್ವದಲ್ಲಿ ದೇಶ ಅತ್ಯಂತ ವೇಗವಾಗಿ ಅಭಿವೃದ್ಧಿ ಕಾಣುತ್ತಿದೆ: ಮುಖೇಶ್ ಅಂಬಾನಿ!

ಹೇಗಿತ್ತು ಇಂಡಿಯನ್ ಮೊಬೈಲ್​ ಕಾಂಗ್ರೆಸ್?

ಇಂದು ನಡೆದ ಮೊಬೈಲ್​ ಮೇಳದಲ್ಲಿ ರಿಲಾಯನ್ಸ್​ ಇಂಡಸ್ಟ್ರಿಯ ಸಂಸ್ಥಾಪಕ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಮುಖೇಶ್​ ಅಂಬಾನಿ, ಭಾರ್ತಿ ಏರ್​ಟೆಲ್​ನ ಚೇರ್​ಮನ್​ ಸುನಿಲ್​ ಮಿತ್ತಲ್​, ಟೆಲಿಕಾಂ ಕಮಿಷನ್​ನ ಅಧ್ಯಕ್ಷೆ ಹಾಗೂ ಸೆಕ್ರೆಟರಿ ಅರುಣಾ ಸುಂದರ್​ರಾಜನ್​, ಟ್ರಾಯ್​ ಮುಖ್ಯಸ್ಥ​ ಎಸ್​ ಶರ್ಮಾ ಸೇರಿದಂತೆ ಟೆಲಿಕಾಂ ಕ್ಷೇತ್ರದ ಹಲವು ಗಣ್ಯರು ಉಪಸ್ಥಿತರಿದ್ದರು.

ವಿಶ್ವದಲ್ಲೇ ಮೊದಲ 1ನೇ ಸ್ಥಾನ

ದೇಶದಲ್ಲಿ ಮೊಬೈಲ್ ಹಾಗೂ ಬ್ರಾಡ್‌ಬ್ಯಾಂಡ್ ಬೆಳವಣಿಗೆ ವೇಗ 155ನೇ ಸ್ಥಾನದಿಂದ ವಿಶ್ವದ 1ನೇ ಸ್ಥಾನಕ್ಕೆ ಜಿಗಿದಿದೆ. 2 ವರ್ಷಗಳಿಗಿಂತಲೂ ಕಡಿಮೆ ಅವಧಿಯಲ್ಲಿ ಪ್ರಪಂಚದಲ್ಲೇ ಅತಿಹೆಚ್ಚು ಮೊಬೈಲ್ ಡೇಟಾ ಬಳಕೆ ರಾಷ್ಟ್ರವಾಗಿ ಬದಲಾಗಿದೆ. ಈ ವರೆಗಿನ ಎಲ್ಲಾ ಬದಲಾವಣೆ ಕಾಲದಲ್ಲೇ ಇದು ಅತ್ಯಂತ ವೇಗದ ಬದಲಾವಣೆ ಎಂದು ಮುಖೇಶ್ ಅಂಬಾನಿ ಹೇಳಿದರು.

ರೋಮಿಂಗ್​ ನಿಲ್ಲಿಸಿದ ವಿಶ್ವದ ಮೊದಲ ದೇಶ

ಏರ್​ಟೆಲ್​ ಮುಖ್ಯಸ್ಥ ಸುನಿಲ್​ ಮಿತ್ತಲ್ ಅವರು ಸಹ​ ಮಾತನಾಡಿ, 'ಜಗತ್ತಿನಾದ್ಯಂತ ಭಾರತದಲ್ಲಿ ಮೊಬೈಲ್​ ಬಳಕೆದಾರರ ಸಂಖ್ಯೆ ಅತ್ಯಂತ ಹೆಚ್ಚಿದೆ'. ವಿಶ್ವದಲ್ಲಿ ಅತ್ಯಂತ ಹೆಚ್ಚು ಡೇಟಾ ಪ್ಲಾನಿಂಗ್​ ಬಳಸುವ ದೇಶಗಳಲ್ಲೊಂದಾಗಿ ಭಾರತವಿದೆ. ಇನ್ನು ರೋಮಿಂಗ್​ ಚಾರ್ಜ್​ ನಿಲ್ಲಿಸಿದ ವಿಶ್ವದ ಮೊದಲ ದೇಶ ಕೂಡ ಭಾರತದ ಎಂದು ದೇಶದ ಟೆಲಿಕಾಂ ಅನ್ನು ಹಾಡಿಹೊಗಳಿದರು.

ಡಿಜಿಟಲ್​ ಇಕಾನಮಿಯಾಗಿಯಾಗಿ ಭಾರತ!

ಭಾರತವು ವಿಶ್ವದಲ್ಲೇ ಅತಿದೊಡ್ಡ ಸ್ಮಾರ್ಟ್​ಫೋನ್​ ಮಾರುಕಟ್ಟೆಯಾಗಿದೆ. ಡಿಜಿಟಲ್​ ಇಕಾನಮಿಯಾಗಿ ಮುಂದುವರೆಯಲು ಭಾರತಕ್ಕೆ ವಿಭಿನ್ನ ಭಾರತೀಯ ಭಾಷೆಯಲ್ಲಿ ಡಿಜಿಟಲ್​ ಕಂಟೆಂಟ್​ ಅಗತ್ಯವಿದೆ ಎಂದಿದ್ದಾರೆ. ಅಲ್ಲದೇ ಮಾಹಿತಿ ಗೌಪ್ಯತೆ ದೇಶದಲ್ಲಿನ ಮತ್ತೊಂದು ದೊಡ್ಡ ಸವಾಲಾಗಿದೆ ಎಂದು ಟೆಲಿಕಾಂ ಸಚಿವ ರವಿಸಂಕರ್​ ಪ್ರಸಾದ್ ಅವರು ಅಭಿಪ್ರಾಯಪಟ್ಟರು.

ತಂತ್ರಜ್ಞಾನದ ಅಗತ್ಯವಿದೆ

ದೇಶದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಡಿಜಿಟಲ್​ ತಂತ್ರಜ್ಞಾನದ ಇಕೋ- ಸಿಸ್ಟಂಗೆ ಸೂಕ್ತ ನಿರ್ದೇಶನದ ಅಗತ್ಯವಿದೆ ಎಂದು ಮಿತ್ತಲ್ ಅವರು ಅಭಿಪ್ರಾಯಪಟ್ಟರೆ, ಎಲ್ಲಕ್ಕಿಂತಲೂ ಮುಖ್ಯವಾಗಿ ಭಾರತಕ್ಕೆ ತಂತ್ರಜ್ಞಾನದ ಅಗತ್ಯವಿದೆ. ಈ ಮೂಲಕ ಭಾರತದ ಜನ ಸಾಮಾನ್ಯರನ್ನು ಜಗತ್ತಿಗೆ ಪರಿಚಯಿಸಲು ಸಹಾಯಕವಾಗುತ್ತದೆ ಎಂದು ರವಿಸಂಕರ್​ ಪ್ರಸಾದ್ ಹೇಳಿದರು.