ದುರಂತಗಳನ್ನು ಎದುರಿಸುವ ತಾಕತ್ತಿರುವ ರೊಬೋಟ್

ಮಾನವ ಸಂರಕ್ಷಕರಿಗೆ ಅಪಾಯಕಾರಿಯಾಗಿರುವ ಸ್ಥಳಗಳಿಗೆ ಹೋಗಿ ಅವಶೇಷಗಳಡಿಯಿಂದ ಜನರನ್ನು ಕಾಪಾಡುವ ಅತಿ ವಿಶೇಷ ರೊಬೋಟ್ ಅನ್ನು ನಾಸಾ ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ್ದಾರೆ. ಇದು ಕೈ ಮತ್ತು ಕಾಲುಗಳನ್ನು ಬಳಸಿ ಕಾರ್ಯನಿರ್ವಹಿಸುವ ಸಾಮರ್ಥ್ಯವನ್ನು ಪಡೆದುಕೊಂಡಿದೆ.

ಇದನ್ನೂ ಓದಿ: ಸ್ಮಾರ್ಟ್‌ಫೋನ್ ಭದ್ರತೆಗಾಗಿ ಅತೀ ಅಗತ್ಯ ಈ ಸಲಹೆಗಳು

ಕಡಿದಾದ ಭೂಪ್ರದೇಶ ಮತ್ತು ಅವಶೇಷಗಳಡಿಯಿಂದ ಮಾನವನನ್ನು ಸಂರಕ್ಷಿಸಲು ರೊಬೋಟ್ ಅನ್ನು ಸರಿಸುವುದು ಮೊದಲಾದ ಕೆಲಸಗಳನ್ನು ಮಾಡಲು ಇದನ್ನು ಬಳಸಬಹುದು ಎಂದು ಸಿಎನ್‌ಎನ್ ವರದಿ ಮಾಡಿದೆ.

ನಾಸಾದ ಜೆಟ್ ಪ್ರೊಪಲ್ಶನ್ ಲ್ಯಾಬೋರೇಟರಿ ಈ ರೊಬೋಟ್ ಅನ್ನು ಅಭಿವೃದ್ಧಿಪಡಿಸಿದ್ದು ಇದು ಚಕ್ರಗಳನ್ನು ಹೊಂದಿದ್ದು ಇದರಿಂದ ಅತ್ತಿತ್ತ ಸರಿಯಲು ರೊಬೋಟ್‌ಗೆ ಹೆಚ್ಚು ಸಹಕಾರಿಯಾಗಲಿದೆ.

ಕಾರನ್ನು ಡ್ರೈವ್ ಮಾಡಲು, ರಬಲ್‌ನಾದ್ಯಂತ ಸರಿಯಲು, ಪರಿಕರವನ್ನು ಬಳಸಲು ಮತ್ತು ಮಾನವನ ನಿಯಂತ್ರಣವಿಲ್ಲದೆ ಮೆಟ್ಟಿಲುಗಳನ್ನು ಏರಲು ಪ್ರತಿಯೊಂದನ್ನು ಈ ರೊಬೋಟ್ ಚಕಚಕನೇ ಮಾಡಿ ಮುಗಿಸುತ್ತದೆ.