ಅಸ್ಸಾಂ ಹಾಗು ಈಶಾನ್ಯ ರಾಜ್ಯಗಳ ಗಲಭೆಗೆ ಸಂಬಂಧಿಸಿದಂತೆ ಪಾಕಿಸ್ತಾನ ಮೂಲಗಳು ಕಳುಹಿಸಿವೆ ಎನ್ನುವ ವಿಷಯವನ್ನು ಈಗಾಗಲೇ ಕೇಂದ್ರದ ಗೃಹ ಇಲಾಖೆ ಸ್ಪಷ್ಟಪಡಿಸಿದ್ದು, ಸಾಮಾಜಿಕ ಜಾಲತಾಣಗಳ ಹಾಗು ವೀಡಿಯೊ ಶೇರಿಂಗ್ ವೆಬ್ಸೈಟ್ ಗಳನ್ನೂ ಸಮಾಜ ಘಾತುಕ ಶಕ್ತಿಗಳು ಪ್ರಚೋದಿತ ಮಾಹಿತಿ ಹಾಗು ವೀಡಿಯೋಗಳನ್ನು ಹರಡಲು ಉಪಯೋಗಿಸುತ್ತಿವೆ ಎಂಬುದನ್ನು ಸರ್ಕಾರ ಅರಿತಂತಿದೆ.

ಈಗಾಗಲೇ ಪ್ರತಿದಿನ ಕಳುಹಿಸುವ ಮೆಸೇಜ್ ಗಳಿಗೆ ನಿರ್ಬಂಧ ವಿಧಿಸಿರುವ ಅದು ಈಗ ಸುಮಾರು 250 ವೆಬ್ಸೈಟುಗಳಿಗೆ ಕಡಿವಾಣ ಹಾಕಲು ನಿರ್ಧರಿಸಿದ್ದು, ಆಗಲೇ ಫೇಸ್ ಬುಕ್, ಟ್ವಿಟರ್ ಸೇರಿದಂತೆ 76 ವೆಬ್ಸೈಟುಗಳನ್ನು ಬ್ಲಾಕ್ ಮಾಡಿದೆ.

ಕರ್ನಾಟಕ, ತಮಿಳುನಾಡು ಹಾಗು ಮಹಾರಾಷ್ಟ್ರದಲ್ಲಿ ಇದನ್ನು ಬ್ಲಾಕ್ ಮಾಡಲಾಗಿದ್ದು, ಪಾಕಿಸ್ತಾನದಿಂದ ಬರುತ್ತಿರುವ ಪ್ರಚೋದಿತ ಸುದ್ದಿಗಳಿಗೆ ಮಟ್ಟ ಹಾಕಲು ಇದನ್ನು ಮಾಡಲಾಗಿದೆ ಎಂದು ಸರ್ಕಾರ ಸಮರ್ಥಿಸಿಕೊಂಡಿದೆ.

ಈ ರೀತಿ ಇರುವುದರಿಂದ ಫೇಸ್ ಬುಕ್ ಹಾಗು ಟ್ವಿಟರ್ ಖಾತೆಗಳನ್ನು ಹಲವಾರು ಜನ ಇಂದು ಬೆಳಗ್ಗೆಯಿಂದಲೇ ಲಾಗಿನ್ ಮಾಡಲು ಆಗದೆ ಪರದಾಡುವ ಪರಿಸ್ಥಿತಿ ಬಂದಿದೆ.

ಈ ರೀತಿ ಬ್ಲಾಕ್ ಮಾಡುವುದರಿಂದ ಈ ರೀತಿಯ ಚಟುವಟಿಕೆಗಳನ್ನು ಹತ್ತಿಕ್ಕಲು ಸಾಧ್ಯವೆ? ನೀವೇ ಹೇಳಿ