ಸ್ತ್ರೀಯರ ರಕ್ಷಣೆಗಾಗಿ ಅವತಾರವೆತ್ತಿರುವ ಜಿಮಾನ್ ಅಪ್ಲಿಕೇಶನ್

ಜಿಕೋಮ್ ಎಲೆಕ್ಟ್ರಾನಿಕ್ ಸೆಕ್ಯುರಿಟಿ ಸಿಸ್ಟಮ್ಸ್ ಲಿಮಿಟೆಡ್ ಇದೀಗ ತಾನೇ ಒಂದು ಮೊಬೈಲ್ ಅಪ್ಲಿಕೇಶನ್‌ನೊಂದಿಗೆ ಬಂದಿದೆ. ಮಹಿಳೆಯರ ರಕ್ಷಣೆಯನ್ನು ಕೇಂದ್ರೀಕರಿಸಿ 'ಜಿಮಾನ್' ಹೆಸರಿನ ಅಪ್ಲಿಕೇಶನ್ ಒಂದನ್ನು ಲಾಂಚ್ ಮಾಡಿದ್ದು ಮಹಿಳೆಯರ ಮೇಲಿನ ದೌರ್ಜನ್ಯವನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಈ ಹೊಸ ಅಪ್ಲಿಕೇಶನ್ ಅನ್ನು ಕಂಪೆನಿ ಜಾರಿಗೆ ತಂದಿದೆ.

ಜಿಕಾಮ್ ಎಲೆಕ್ಟ್ರಾನಿಕ್ ಸೆಕ್ಯುರಿಟಿ ಸಿಸ್ಟಮ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಪ್ರಮೋದ್ ರಾವ್ ಹೇಳುವಂತೆ, ದಿನದಿಂದ ದಿನಕ್ಕೆ ಕ್ರಿಮಿನಲ್ ಪ್ರಕರಣಗಳು ಹೆಚ್ಚುತ್ತಿದ್ದು, ಈ ಹೊಸ ಅಪ್ಲಿಕೇಶನ್ ಯಾರು ಆಪತ್ತಿನಲ್ಲಿರುತ್ತಾರೋ ಅವರ ಮನೆಯವರಿಗೆ ಮಾಹಿತಿಯನ್ನು ನೀಡುವ ಮೂಲಕ 24x7 ಜವಬ್ದಾರಿಯುತ ಸೇವೆಯನ್ನು ನೀಡಲಿದೆ.

ಯಾರು ಆಪತ್ತಿನಲ್ಲಿರುತ್ತಾರೋ ಆ ವ್ಯಕ್ತಿ ಸ್ಮಾರ್ಟ್‌ಫೋನ್‌ನ ಪವರ್ ಬಟನ್ ಅನ್ನು ಐದು ಸಲ ಒತ್ತುವುದರಿಂದ 5 ಸೆಕೆಂಡುಗಳ ಒಳಗಾಗಿ 'ಜಿಮಾನ್' ಅಪ್ಲಿಕೇಶನ್ ಸಕ್ರಿಯಗೊಳ್ಳುತ್ತದೆ. ಈ ರೀತಿ ಮಾಡುವುದು ಸಂಬಂಧಿತ ವ್ಯಕ್ತಿಗೆ ಎಚ್ಚರಿಕೆ ಘಂಟೆಯನ್ನು ಬಾರಿಸುವ ಮೂಲಕ ವ್ಯಕ್ತಿ ಆಪತ್ತಿನಲ್ಲಿರುವ ಸೂಚನೆಯನ್ನು ಒದಗಿಸುತ್ತದೆ. ಅಥವಾ ಸಂಭವ ಈಗಾಗಲ ನಡೆಯಿತು ಎಂದಾದಲ್ಲಿ, ನಿಮ್ಮ ಸ್ಥಾನವನ್ನು ಬಳಸಿಕೊಂಡು ಅಪ್ಲಿಕೇಶನ್ ಒದಗಿಸುವ ತುರ್ತು ನಕ್ಷೆಯನ್ನು ಬಳಸಿ ಹತ್ತಿರದಲ್ಲಿ ಲಭ್ಯವಿರುವ ತುರ್ತು ಸೇವೆಗಳನ್ನು ಪಡೆದುಕೊಳ್ಳಬಹುದಾಗಿದೆ.