ಇಂಟರ್ನೆಟ್ ಬಳಕೆದಾರರೇ ಎಚ್ಚರ: ಬಿಬಿಸಿ ವರದಿ ಮಾಡಿದೆ ನಿಮ್ಮ ಕಂಪ್ಯೂಟರ್ ಮೇಲೆಯೂ ದಾಳಿ ನಡೆಯಬಹುದು..!!!

‘ವನ್ನಾಕ್ರೈ’ ವೈರಸ್‌:

ಸದ್ಯ ಕಂಪ್ಯೂಟರ್ ಲೋಕದಲ್ಲೇ ಸದ್ದು ಮಾಡುತ್ತಿರುವ ವನ್ನಾಕ್ರೈ ವೈರಸ್ ಅನ್ನು ಮತ್ತಷ್ಟು ಪ್ರಮಾಣದಲ್ಲಿ ದಾಳಿಗೆ ಕಳುಹಿಸಲು ಸೈಬರ್ ಹ್ಯಾಕರ್ಸ್‌ಗಳು ಮುಂದಾಗಿದ್ದಾರೆ. ಇದನ್ನು ನಿಯಂತ್ರಿಸುವುದು ಕಸ್ಟ ಸಾಧ್ಯ ಎನ್ನಲಾಗಿದೆ.

ಹೊಸ ಮಾದರಿಯ ವೈರಸ್:

ಸದ್ಯ ತಮ್ಮ ದಾಳಿಗೆ ಹ್ಯಾಕರ್ಸ್ ಹೊಸ ಮಾದರಿಯ ವೈರಸ್‌ಗಳನ್ನು ಬಳಕೆ ಮಾಡಿಕೊಳ್ಳುತ್ತಿದ್ದು, ಈ ದಾಳಿಗೆ ತುತ್ತಾದ ಕಂಪ್ಯೂಟರ್‌ಗಳನ್ನು ಹ್ಯಾಕರ್ಸ್ ಮಾತ್ರವೇ ತರೆಯಲು ಸಾಧ್ಯವಿದ್ದು, ಕಂಪ್ಯೂಟರ್ ಮಾಲೀಕರು ಯಾವುದೇ ರೀತಿಯಲ್ಲಿ ಅದನ್ನು ತೆರೆಯಲು ಸಾಧ್ಯವಾಗುವುದಿಲ್ಲ.

ಡೇಟಾ-ಮಾಹಿತಿ ಲೂಟಿ:

ನಿಮ್ಮ ಕಂಪ್ಯೂಟರ್ ಅನ್ನು ಹ್ಯಾಕ್ ಮಾಡಿದ ನಂತರದಲ್ಲಿ ಕಂಪ್ಯೂಟರ್‌ನ ಸಂಪೂರ್ಣ ನಿಯಂತ್ರಣವೂ ಹ್ಯಾಕರ್ಸ್ ಪಾಲಾಗಲಿದೆ. ಅವರು ತಮ್ಮ ವೈರಸ್ ಮೂಲಕ ಮಾಹಿತಿಗಳನ್ನು ಅಳಿಸುವ ಮತ್ತು ಕಾಪಿ ಮಾಡಿಕೊಳ್ಳುವ ಸಾಧ್ಯತೆ ಇದ್ದು, ಇಂಟರ್ನೆಟ್ ಬಳಕೆದಾರು ಎಚ್ಚರದಿಂದ ಇರಬೇಕು.

ಹಣ ಬೇಡಿಕೆ ಇಟ್ಟಿದ್ದಾರೆ:

ಸದ್ಯ ವಿಶ್ವದ 2 ಲಕ್ಷಕ್ಕೂ ಹೆಚ್ಚಿನ ಕಂಪ್ಯೂಟರ್‌ಗಳ ಮೇಲೆ ದಾಳಿ ಮಾಡಿರುವ ಹ್ಯಾಕರ್ಸ್‌ಗಳು ಮತ್ತೆ ಇಂದು ಲಕ್ಷಾಂತರ ಕಂಪ್ಯೂಟರ್‌ಗಳ ಮೇಲೆ ದಾಳಿ ನಡೆಸುವ ಸಾಧ್ಯತೆ ಅಧಿಕವಾಗಿದೆ. ಈಗ ದಾಳಿಗೆ ತುತ್ತಾಗಿರುವ ಕಂಪ್ಯೂಟರ್‌ಗಳ ಸರಿ ಮಾಡಲು 300 ಅಮೆರಿಕ ಡಾಲರ್ ನೀಡುವಂತೆ ಮನವಿ ಮಾಡಿದ್ದಾರೆ.