ಹೊಸ ವರ್ಷಕ್ಕೆ ನೋಕಿಯಾದಿಂದ ಹೊಸ ಫೋನ್ ಲಾಂಚ್..!

By Lekhaka

Published: Thursday, December 28, 2017, 10:38 [IST]

ಸ್ಮಾರ್ಟ್ ಫೋನ್ ಮಾರುಕಟ್ಟೆಗೆ ಮತ್ತೆ ಕಾಲಿಟ್ಟಿರುವ ನೋಕಿಯಾ ಮತ್ತೊಂದು ಹೊಸ ಸ್ಮಾರ್ಟ್ ಫೋನ್ ಪರಿಚಯ ಮಾಡುವ ಸನಿಹದಲ್ಲಿದೆ. HMD ಗ್ಲೊಬಲ್ ಸಂಸ್ಥೆಯೂ ಈ ಬಾರಿ ಹೊಸ ವರ್ಷದ ಅಂಗವಾಗಿ ನೋಕಿಯಾ ಮಾಡಲ್ ನಂಬರ್ TA-1041 ಅನ್ನು ಬಿಡುಗಡೆ ಮಾಡಲಿದೆ ಎನ್ನಲಾಗಿದೆ. ಮೊದಲಿಗೆ ಈ ಫೋನ್ ಚೀನಾದಲ್ಲಿ ಕಾಣಿಸಿಕೊಳ್ಳಲಿದ್ದು, ನಂತರದಲ್ಲಿ ಇತರೆ ದೇಶಗಳಲ್ಲಿ ಕಾಣಿಸಿಕೊಳ್ಳಲಿದೆ.

ಹೊಸ ವರ್ಷಕ್ಕೆ ನೋಕಿಯಾದಿಂದ ಹೊಸ ಫೋನ್ ಲಾಂಚ್..!

ಆದರೆ ಮೂಲಗಳ ಪ್ರಕಾರ ಇದನ್ನು ನೋಕಿಯಾ 7 ಎಂದು ಕರೆಯಲಾಗುತ್ತಿದೆ. ಇದೇ ಅಕ್ಟೋಬರ್ ನಲ್ಲಿ ಈ ಸ್ಮಾರ್ಟ್ ಫೋನ್ ಲಾಂಚ್ ಮಾಡುವುದಾಗಿ ತಿಳಿಸಿತ್ತು, ಆದರೂ ಲಾಂಚ್ ಆಗಿರಲಿಲ್ಲ. ಈಗ ಹೊಸ ವರ್ಷದ ಅಂಗವಾಗಿ ನೋಕಿಯಾ 7 ಲಾಂಚ್ ಆಗಲಿದೆ. ಇದರೊಂದಿಗೆ ಹೊಸ ಆವೃತ್ತಿಯ ನೋಕಿಯಾ 6 ಸಹ ಲಾಂಚ್ ಆಗಲಿದೆ ಎನ್ನಲಾಗಿದೆ.

ಇದೇ ಜನವರಿ 19ರಂದು ಗ್ಲೊಬಲ್ ಇವೆಂಟ್ ವೊಂದನ್ನು ಆಯೋಜಿಸಿರುವ HMD, ಅಲ್ಲಿ ಈ ಸ್ಮಾರ್ಟ್ ಫೋನ್ ಅನ್ನು ಲಾಂಚ್ ಮಾಡಲಿದೆ ಎನ್ನಲಾಗಿದೆ. ಇದಲ್ಲದೇ ಈ ಕಾರ್ಯಕ್ರಮದಲ್ಲಿ ನೋಕಿಯಾ 9 ಸ್ಮಾರ್ಟ್ ಫೋನ್ ಸಹ ಲಾಂಚ್ ಆಗುವ ಸಾಧ್ಯತೆ ಇದೆ ಎನ್ನುವ ರೂಮರ್ ಸಹ ಕೇಳಿಬಂದಿದೆ.

ಮೂಲಗಳ ಪ್ರಕಾರ ನೋಕಿಯಾ 7 ಭಾರತದಲ್ಲಿ ಲಾಂಚ್ ಆಗುವುದು ಡೌಟ್ ಎನ್ನಲಾಗಿದೆ. ಚೀನಾ ಮಾರುಕಟ್ಟೆಯನ್ನು ಗುರಿಯಾಗಿ ಇಟ್ಟು ಕೊಂಡು ಈ ಸ್ಮಾರ್ಟ್ ಫೋನ್ ವಿನ್ಯಾಸ ಮಾಡಲಾಗಿದ್ದು, ಸ್ವಲ್ಪ ದಿನದ ನಂತರದಲ್ಲಿ ಭಾರತಕ್ಕೆ ಕಾಲಿಟ್ಟರೇ ಆಶ್ಚರ್ಯವಿಲ್ಲ. ಆದರೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಗಳಿಲ್ಲ.

ನೋಕಿಯಾ 7 ಸ್ಮಾರ್ಟ್ ಫೋನ್ ನಲ್ಲಿ 5.2 ಇಂಚಿನ ಡಿಸ್ ಪ್ಲೇಯನ್ನು ಕಾಣಬಹುದಾಗಿದೆ. ಸ್ನಾಪ್ ಡ್ರಾಗನ್ 630 ಪ್ರೊಸೆಸರ್, ಆಂಡ್ರಾಯ್ಡ್ 7.1.1 ಮತ್ತು 4GB/6GB RAM ಅನ್ನು ಈ ಫೋನಿನಲ್ಲಿ ಕಾಣುವ ಸಾಧ್ಯತೆ ಇದೆ. 3000mAh ಬ್ಯಾಟರಿ ಸಹ ಇದರಲ್ಲಿದೆ ಎನ್ನಲಾಗಿದ್ದು, ಬೆಲೆ ರೂ.25,000ಕ್ಕಿಂತಲೂ ಹೆಚ್ಚಿರಲಿದೆ.