Just In
- 45 min ago OnePlus: ಒನ್ಪ್ಲಸ್ 13 ಸ್ಮಾರ್ಟ್ಫೋನ್ ಡಿಸ್ಪ್ಲೇ, ವಿನ್ಯಾಸ ಲೀಕ್!..ಯಾವಾಗ ಲಾಂಚ್?
- 2 hrs ago ಈ ಹೊಸ 5G ಫೋನ್ ಖರೀದಿಸಿದರೆ, ವಿವೋ ಕಂಪನಿಯ ಇಯರ್ಫೋನ್ ಉಚಿತ!
- 2 hrs ago SmartGlass: ಮೆಟಾ ರೇ-ಬ್ಯಾನ್ ಸ್ಮಾರ್ಟ್ ಗ್ಲಾಸ್ ಬಳಕೆದಾರರು ಇನ್ಮುಂದೆ ವಿಡಿಯೋ ಕಾಲ್ ಮಾಡಬಹುದು!
- 3 hrs ago ಡೇಟಾ ಬಳಕೆಯಲ್ಲಿ ಚೀನಾ ಮೊಬೈಲ್ ಹಿಂದಿಕ್ಕಿದ ಜಿಯೋ, ಈಗ ವಿಶ್ವದಲ್ಲೇ ದೊಡ್ಡಣ್ಣ!
Don't Miss
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- News Mangalsutra Row: ಸಾಧನೆ ಹೇಳಿ ಮತ ಕೇಳಲು ಮುಖವಿಲ್ಲದ ಪ್ರಧಾನಿ: ಕಾಂಗ್ರೆಸ್
- Automobiles ಭೂಮಿಯ ಸ್ವರ್ಗ: 1.50 ಕೋಟಿಯ ಟೊಯೊಟಾ ವೆಲ್ಫೈರ್ಗೆ ಮನಸೋತ ಖ್ಯಾತ ನಟ.. ಈ ಕಾರಿನಲ್ಲಿ ಏನಿದೆ?
- Movies ತಾತನಿಗೆ ಧನ್ಯಾ ರಾಮ್ಕುಮಾರ್ ಟ್ರಿಬ್ಯೂಟ್; ಕಿಶನ್ ಜೊತೆ ಡ್ಯುಯೆಟ್
- Sports RCB: ಯುಜ್ವೇಂದ್ರ ಚಹಾಲ್ ಮರಳಿ ಬರುವಂತೆ ಬೇಡಿಕೊಳ್ಳಿ; ಆರ್ಸಿಬಿಗೆ ಸಲಹೆ ನೀಡಿದ ರಾಬಿನ್ ಉತ್ತಪ್ಪ
- Lifestyle ಗರಿ ಗರಿಯಾದ ಕೋಡುಬಳೆ ಮನೆಯಲ್ಲೇ ಮಾಡಿ.! 4 ವಸ್ತು ಇದ್ದರೆ ಸಾಕು
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಜ್ಞಾನಿಗಳು ಹೇಳಿದ ಈ ಶಾಕಿಂಗ್ ನ್ಯೂಸ್ ಕೇಳಿದ್ರೆ ಮೊಬೈಲ್ ಬಳಕೆಯನ್ನೇ ಬಿಡಬೇಕು!!
ಸದಾ ಮೊಬೈಲ್ ಫೋನಿಗೆ ಅಂಟಿಕೊಂಡು, ಅದರಲ್ಲಿಯೇ ಕಾಲ ಕಳೆಯುವ ದುರಭ್ಯಾಸ. ಫೋನ್ನ್ನು ಸದಾ ಬಳಿಯೇ ಇಟ್ಟುಕೊಳ್ಳುವುದು, ಆಗಾಗ ಮೊಬೈಲ್ ಸ್ಕ್ರೀನ್ ಓಪನ್ ಮಾಡುವುದು, ನೋಟಿಫಿಕೇಶನ್ಗಳನ್ನು ಗಮನಿಸುವುದು ಮಾಡುತ್ತಿರುವ ಗೀಳಿಗೆ ಮೊಬೈಲ್ ಬಳಕೆದಾರರು ಬಿದ್ದು ಭಾರೀ ತೊಂದರೆಯನ್ನು ಅನುಭವಿಸುತ್ತಿದ್ದಾರೆ ಎಂದು ಹೊಸದೊಂದು ಅಧ್ಯಯನವು ಎಚ್ಚರಿಸಿದೆ. ಇತ್ತೀಚಿನ ಮಿನಿ ಕಂಪ್ಯೂಟರ್ಗಳಾದ ಮೊಬೈಲ್ಗಳು ಯುವಜನತೆಯ ಮೇಲೆ ಅನೇಕ ದುಷ್ಪರಿಣಾಮಗಳನ್ನುಂಟುಮಾಡುತ್ತಿವೆ ಎಂದು ಇತ್ತೀಚಿನ ವರದಿಯೊಂದು ಹೇಳಿದೆ.
ಮೊಬೈಲ್ ಬಳಸುವವರು ಪದೇ ಪದೇ ಸಾಮಾಜಿಕ ಜಾಲ ತಾಣಗಳಾದ ಫೇಸ್ಬುಕ್, ವಾಟ್ಸಪ್ಗಳನ್ನು ಓಪನ್ ಮಾಡುತ್ತಾ ಅದರಲ್ಲೇ ಕಾಲ ಕಳೆಯುವುದನ್ನು ಸಹ ಮೊಬೈಲ್ ಗೀಳು ಎಂದು ಅಧ್ಯಯನ ಹೇಳಿದ್ದು, ಇದರಿಂದ ಅವರಲ್ಲಿ ಆತಂಕ, ಒತ್ತಡ, ಖಿನ್ನತೆ, ಚಡಪಡಿಕೆ ಉಂಟಾಗುತ್ತದೆ. ಕಡಿಮೆ ಬೆಲೆಗೆ ದೊರೆಯುವ ವೇಗದ ಇಂಟರ್ನೆಟ್ ಸೌಲಭ್ಯವೂ ಈ ದುರಭ್ಯಾಸಕ್ಕೆ ಇನ್ನೊಂದು ಕಾರಣವಾಗಿದ್ದು, ಇವುಗಳು ಅವಾಂತರ ತರುವ ಸಾಧ್ಯತೆಗಳಿರುತ್ತವೆ ಎಂದು ಅಮೆರಿಕನ್ ವಿಜ್ಞಾನಿಗಳ ತಂಡವೊಂದು ಆತಂಕ ವ್ಯಕ್ತಪಡಿಸಿದೆ.
ಮೊಬೈಲ್ ಫೋನ್ನಿಂದ ದೂರ ಇರಲಾಗದ ಸ್ಥಿತಿಯೇ ನೊಮೋಫೋಬಿಯಾವಾಗಿದ್ದು, ಇದರಿಂದ ಮೊಬೈಲ್ ಬಳಕೆದಾರರ ಮೌಲ್ಯಯುತ ಹವ್ಯಾಸಗಳು ಮತ್ತು ಪ್ರೀತಿಪಾತ್ರರಿಂದ ದೂರವಾಗುತ್ತಾರೆ. ಆಕ್ರಮಣಕಾರಿ ವರ್ತನೆಗಳು ಪ್ರಕಟಗೊಳ್ಳುತ್ತವೆ. ಇಂತಹ ಹಲವು ನೊಮೋಫೋಬಿಯಾ ಲಕ್ಷಣಗಳನ್ನು ನಾವು ಗುರುತಿಸಬಹುದಾಗಿದೆ ಎಂದು ಅಧ್ಯಯನವು ತಿಳಿಸಿದೆ. ಹಾಗಾದರೆ, ಅಧ್ಯಯನ ಗುರುತಿಸಿರುವ ನೊಮೋಫೋಬಿಯಾ ಲಕ್ಷಣಗಳು ಯಾವುವು ಎಂಬುದನ್ನು ಮುಂದೆ ಓದಿ ತಿಳಿಯಿರಿ.
ನೊಮೋಫೋಬಿಯಾ ಎಂದರೇನು?
ಮೊಬೈಲ್ ಫೋನ್ನಿಂದ ದೂರ ಇರಲಾಗದ ಸ್ಥಿತಿಯನ್ನೇ ನೊಮೋಫೋಬಿಯಾ ಎಂದು ಕರೆಯಲಾಗುತ್ತದೆ. ಅಂದರೆ ಸದಾ ಮೊಬೈಲ್ ಫೋನಿಗೆ ಅಂಟಿಕೊಂಡು, ಅದರಲ್ಲಿಯೇ ಕಾಲ ಕಳೆಯುವ ದುರಭ್ಯಾಸ. ಫೋನ್ನ್ನು ಸದಾ ಬಳಿಯೇ ಇಟ್ಟುಕೊಳ್ಳುವುದು, ಆಗಾಗ ಮೊಬೈಲ್ ಸ್ಕ್ರೀನ್ ಓಪನ್ ಮಾಡುವುದು, ನೋಟಿಫಿಕೇಶನ್ಗಳನ್ನು ಗಮನಿಸುವುದು ಮಾಡುತ್ತಿರುತ್ತಾರೆ.
ನೊಮೋಫೋಬಿಯಾಕ್ಕೆ ಕಾರಣವೇನು?
ಇಂದಿನ ವಿಭಕ್ತ ಕುಟುಂಬ ಪದ್ಧತಿಯೇ ನೊಮೋಫೋಬಿಯಾಕ್ಕೆ ಮೂಲಕಾರಣ ಎಂದು ಹೇಳಲಾಗಿದೆ. ಆಕರ್ಷಕ ದೃಶ್ಯಗಳು, ಖುಷಿ ನೀಡುವ ವಿಡಿಯೋ ಗೇಮ್ಗಳು, ಕಣ್ಮನ ಸೆಳೆಯುವ ನೃತ್ಯಗಳು, ನಗಿಸುವ ಹಾಸ್ಯ ತುಣುಕುಗಳು ಮತ್ತು ಸಾಮಾಜಿಕ ಜಾಲತಾಣಗಳು ಮಕ್ಕಳನ್ನು ಸೇರಿದಂತ ಎಲ್ಲರನ್ನೂ ಆಕರ್ಷಿಸಿ, ನೊಮೋಫೋಬಿಯಾಕ್ಕೆ ನಾಂದಿ ಹಾಡುತ್ತಿದೆ ಎನ್ನಲಾಗಿದೆ.
ನೊಮೋಫೋಬಿಯಾ ಲಕ್ಷಣಗಳು ಯಾವುದು?
ಒಂಟಿಯಾಗಿರಲು ಬಯಸುವುದು, ಟಾಯ್ಲೆಟ್ಗೂ ಮೊಬೈಲ್ ಒಯ್ಯುವುದು, ಎಚ್ಚರವಾದ ಕೂಡಲೇ ಮೊಬೈಲ್ ನೋಟಿಫಿಕೇಶನ್ ಗಮನಿಸುವುದು, ರಾತ್ರಿಯೂ ಮೊಬೈಲ್ ಇಟ್ಟುಕೊಂಡು ಮಲಗುವುದು, ನಿದ್ರಾಹೀನತೆಯಿಂದ ಬಳಲುವುದು, ಮೊಬೈಲ್ ಇಲ್ಲದಿದ್ದರೆ ಏನನ್ನೋ ಕಳೆದುಕೊಂಡವರಂತೆ ವರ್ತಿಸುವುದು ನೊಮೋಫೋಬಿಯಾ ರೋಗದ ಲಕ್ಷಣಗಳಾಗಿವೆ.
ನೊಮೋಫೋಬಿಯಾ ಪರಿಣಾಮಗಳೇನು?
ಸಂಪರ್ಕ ಕ್ರಾಂತಿಯ ಭಾಗವೆಂದು ಭಾವಿಸಿದ, ಮಿನಿ ಕಂಪ್ಯೂಟರ್ಗಳಾದ ಮೊಬೈಲ್ ಫೋನ್ಗಳು ಯುವಜನತೆಯ ಮೇಲೆ ಅನೇಕ ದುಷ್ಪರಿಣಾಮಗಳನ್ನುಂಟುಮಾಡುತ್ತಿವೆ. ಈ ಮೊಬೈಲ್ ಗೀಳಿನಿಂದ ಮಾರಣಾಂತಿಕ ಟ್ಯೂಮರ್ ಬೆಳೆಯುವ ಸಾಧ್ಯತೆ ಕೂಡ ಇದೆಯಂತೆ. ಇಂತಹ ಹಲವು ದುಷ್ಪರಿಣಾಮಗಳನ್ನು ಹಲವು ಅಧ್ಯಯನಗಳು ಈ ಕೆಳಗಿನ ರೀತಿಯಲ್ಲಿ ತಿಳಿಸಿವೆ.
ಕಲಿಕಾ ಸಾಮರ್ಥ್ಯವನ್ನು ದುರ್ಬಲಗೊಳಿಸುತ್ತವೆ
ಕೇವಲ 2 ನಿಮಿಷದ ಕರೆಯು 16 ವರ್ಷದೊಳಗಿನ ಮಕ್ಕಳ ಮಿದುಳಿನ ಕಾರ್ಯನಿರ್ವಾಹಕ ಚಟುವಟಿಕೆಯನ್ನು ಬದಲಿಸುತ್ತದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ. ಕಿವಿಗೆ ಹತ್ತಿರವಾಗಿ ಮೊಬೈಲ್ ಹಿಡಿದು ಮಾತನಾಡುವಾಗ ಅದರಿಂದ ಬರುವ ರೇಡಿಯೋ ತರಂಗಗಳು ಮಿದುಳಿನಲ್ಲಿ ವ್ಯಾಪಿಸಿ ಕಲಿಕಾ ಸಾಮರ್ಥ್ಯವನ್ನು ದುರ್ಬಲಗೊಳಿಸುತ್ತವೆ ಎಂದು ಅಧ್ಯಯನವೊಂದರಲ್ಲಿ ಹೇಳಲಾಗಿದೆ.
ಭಾಗಶಃ ಕ್ಯಾನ್ಸರ್ಗೆ ಕಾರಣ
ವಿಶ್ವ ಆರೋಗ್ಯ ಸಂಸ್ಥೆಯು ಮೊಬೈಲ್ ವಿಕಿರಣ ಭಾಗಶಃ ಕ್ಯಾನ್ಸರ್ಗೆ ಕಾರಣವಾಗುತ್ತದೆ ಎಂದು ಹೇಳಿದೆ. ಕಿರಿಯರು ಶೇಕಡಾ 60ರಷ್ಟು ವಿಕಿರಣವನ್ನು ಹೀರಿಕೊಳ್ಳುತ್ತಾರೆ. ಅವರ ಮಿದುಳಿನ ತೆಳುವಾದ ಚರ್ಮ, ಅಂಗಾಂಶಗಳು ಮತ್ತು ಮೂಳೆಗಳು ವಯಸ್ಕರಿಗಿಂತ ಎರಡು ಪಟ್ಟು ವಿಕಿರಣವನ್ನು ಹೀರಿಕೊಳ್ಳುತ್ತವೆ. ಈ ವಿಕಿರಣಗಳು ಭಾಗಶಃ ಕ್ಯಾನ್ಸರ್ಗೆ ಕಾರಣವಾಗುತ್ತವೆ.
ಮೌಲ್ಯಯುತ ಹವ್ಯಾಸಗಳು ದೂರ!
ಮೊಬೈಲ್ ಗೀಳಿನಿಂದ ಮೌಲ್ಯಯುತ ಹವ್ಯಾಸಗಳು ಮತ್ತು ಪ್ರೀತಿಪಾತ್ರರಿಂದ ದೂರವಾಗುತ್ತಾರೆ. ಆಕ್ರಮಣಕಾರಿ ವರ್ತನೆಗಳು ಪ್ರಕಟಗೊಳ್ಳುತ್ತವೆ. ಇದರಿಂದ ಅವರಲ್ಲಿ ಆತಂಕ, ಒತ್ತಡ, ಖಿನ್ನತೆ, ಚಡಪಡಿಕೆ ಉಂಟಾಗುತ್ತದೆ. ಕುಟುಂಬ ಸದಸ್ಯರ ಚಿತ್ರಗಳು ಕೆಲವೊಮ್ಮೆ ಅಂತರ್ಜಾಲದಲ್ಲಿ ಸಿಲುಕಿ, ಅಶ್ಲೀಲ ಸೈಟ್ಗಳಿಗೆ ಪ್ರವೇಶಹೊಂದಿ ಅವಾಂತರ ತರುವ ಸಾಧ್ಯತೆಗಳಿರುತ್ತವೆ.
ನಿದ್ರಾಹೀನತೆಗೂ ಕಾರಣ
ಮೊಬೈಲ್ ಬಳಕೆ ನಿದ್ರಾಹೀನತೆಗೂ ಕಾರಣವಾಗುತ್ತದೆ. ನಿದ್ರಾಹೀನತೆಯಿಂದ ಸ್ಮರಣಶಕ್ತಿಯೂ ಕಡಿಮೆಯಾಗುತ್ತದೆ. ದೈಹಿಕ ಚಟುವಟಿಕೆಗಳಿಲ್ಲದೆ ಸ್ಥೂಲಕಾಯ ಉಂಟಾಗುತ್ತದೆ. ಆನ್ಲೈನ್ ಗೇಮ್ಗಳು ಯುವಕರ ಪ್ರಾಣಕ್ಕೆ ಕಂಟಕವಾಗಬಹುದು. ಮೊಬೈಲ್ ಕಾಣಿಸದಿದ್ದರೆ ಏನನ್ನೋ ಕಳೆದುಕೊಂಡವರಂತೆ ವರ್ತಿಸುವುದು ಮಾನಸಿಕ ಅಸಮತೋಲನಕ್ಕೆ ಕಾರಣವಂತೆ.
ಟ್ಯೂಮರ್ ಬೆಳೆಯುವ ಸಾಧ್ಯತೆ!
ದಿ ಜರ್ನಲ್ ಆಫ್ ಅಮೆರಿಕನ್ ಮೆಡಿಕಲ್ ಅಸೋಸಿಯೇಷನ್ ನಡೆಸಿದ ಅಧ್ಯಯನವೊಂದು ಮಕ್ಕಳ ಮೇಲೆ ಮೊಬೈಲ್ ಬಳಕೆಯಿಂದಾಗುವ ಪರಿಣಾಮಗಳ ಬಗ್ಗೆ ಆತಂಕ ವ್ಯಕ್ತಪಡಿಸಿದೆ. ಮೊಬೈಲ್ ಬಳಸುವವರ ಮಿದುಳು ಮತ್ತು ಕಿವಿಯಲ್ಲಿ ಮಾರಣಾಂತಿಕ ಟ್ಯೂಮರ್ ಬೆಳೆಯುವ ಸಾಧ್ಯತೆಯನ್ನು ಅಮೆರಿಕನ್ ಮೆಡಿಕಲ್ ಅಸೋಸಿಯೇಷನ್ ಅಧ್ಯಯನ ತೋರಿಸಿದೆ.
ನೊಮೋಫೋಬಿಯಾದಿಂದ ಮುಕ್ತವಾಗುವುದು ಹೇಗೆ ?
ದೈಹಿಕ ಶ್ರಮದ ಆಟಗಳಲ್ಲಿ ತೊಡಗಿಸಿಕೊಳ್ಳುವ ಮೂಲಕ, ಹೊಸ ಸೃಜನಾತ್ಮಕ ಹವ್ಯಾಸಗಳಲ್ಲಿ ತೊಡಗಿಸಿಕೊಳ್ಳುವ ಮೂಲಕ, ಕುಟುಂಬದ ಸದಸ್ಯರೊಡನೆ ಹೆಚ್ಚು ಬೆರೆಯುವ ಮೂಲಕ ನೊಮೋಫೋಬಿಯಾದಿಂದ ಮುಕ್ತವಾಗಬಹುದಾಗಿದೆ. ಹಾಡುಗಾರಿಕೆ, ನೃತ್ಯ, ಯೋಗ, ಚಿತ್ರಕಲೆ ಸೇರಿದಂತರ ಒಳಾಂಗಣ ಕ್ರೀಡೆಗಳು ಸಹ ಗೀಳಿನಿಂದ ಹೊರಬರಲು ಸಹಾಯವಾಗುತ್ತವೆ.
ನೊಮೋಫೋಬಿಯಾದಿಂದ ಮುಕ್ತಗೊಳ್ಳುವ ಮಾರ್ಗಗಳು!
ಪ್ರಯಾಣದ ವೇಳೆ ಮೊಬೈಲ್ ಬಳಸಬೇಡಿ, ರಾತ್ರಿ ಮಲಗುವಾಗ ಹತ್ತಿರ ಮೊಬೈಲ್ ಬೇಡ, ಮೊಬೈಲ್ನಲ್ಲಿ ಓಪನ್ ಸ್ಪೀಕರ್ ಹಾಕಿ ಮಾತನಾಡಿ, ಯಾವಾಗಲೂ ಇಂಟರ್ನೆಟ್ ಬಳಸಬೇಡಿ. ನೋಟಿಫಿಕೇಶನ್ಗಳನ್ನು ಆಫ್ ಮಾಡಿ, ಸಾಮಾಜಿಕ ಜಾಲ ತಾಣಗಳಾದ ಫೇಸ್ಬುಕ್, ವಾಟ್ಸಪ್ಗಳನ್ನು ಅಗತ್ಯಕ್ಕೆ ತಕ್ಕಷ್ಟು ಬಳಸಿ ಮತ್ತು ಮೊಬೈಲ್ ಮೇಲೆ ಅವಲಂಬಿತವಾಗದಿರಿ.
-
1,29,999
-
22,999
-
64,999
-
99,999
-
29,999
-
39,999
-
-
63,999
-
1,56,900
-
96,949
-
1,39,900
-
1,29,900
-
79,900
-
65,900
-
12,999
-
96,949
-
16,499
-
38,999
-
30,700
-
49,999
-
19,999
-
17,970
-
21,999
-
13,474
-
18,999
-
22,999
-
19,999
-
17,999
-
26,999
-
5,999