Nothing: ಶೀಘ್ರದಲ್ಲೇ ಲಾಂಚ್ ಆಗಲಿದೆ CMF Phone 1 ! ಭಾರತದಲ್ಲಿ ಬೆಲೆ ಎಷ್ಟು ?

ತನ್ನದೇ ಆದ ವಿಭಿನ್ನ ಫಿಚರ್ಸ್‌ ಮೂಲಕ ಮಾರುಕಟ್ಟೆಯಲ್ಲಿ ನಥಿಂಗ್‌ (Nothing) ಸಂಸ್ಥೆ ಫೋನ್‌ಗಳು ಕೂಡ ದೊಡ್ಡ ದೊಡ್ಡ ಬ್ರಾಂಡ್‌ಗಳಿಗೆ ಭಾರೀ ಪೈಪೋಟಿ ನೀಡುತ್ತಿರುವುದನ್ನು ನಾವು ಗಮನಿಸಿದ್ದೇವೆ. ಈ ನಡುವೆ ನಥಿಂಗ್ (Nothing) ಸಂಸ್ಥೆ CMF ಬ್ರ್ಯಾಂಡ್ ಅಡಿಯಲ್ಲಿ ನೂತನ ಸ್ಮಾರ್ಟ್‌ಫೋನ್ ಒಂದನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲಿದೆ ಎಂದು ತಿಳಿದು ಬಂದಿದೆ. ಹೌದು, ಸ್ಮಾರ್ಟ್‌ಫೋನ್ ಬಿಡುಗಡೆಯ ದಿನಾಂಕದ ಮಾಹಿತಿ ನೀಡದಿದ್ದರೂ, ಕಂಪನಿಯು ಹೊಸ CMF ಫೋನ್ ಬರುತ್ತಿದೆ ಎಂದು ದೃಢೀಕರಿಸುವ ಟೀಸರ್‌ಗಳನ್ನು ಪೋಸ್ಟ್ ಮಾಡಲು ಪ್ರಾರಂಭಿಸಿದೆ. ಹಾಗಿದ್ರೆ ಬನ್ನಿ ನಥಿಂಗ್ ಬಿಡುಗಡೆ ಮಾಡಲಿರುವ ಈ ಸ್ಮಾರ್ಟ್‌ಫೋನ್‌ ಕುರಿತಾದ ಹೆಚ್ಚಿನ ಮಾಹಿತಿಯನ್ನು ತಿಳಿಯೋಣ.

ಹೈಲೈಟ್ಸ್‌:

*CMF ಫೋನ್ 1 ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆಯಾಗಲಿದೆ.
*ಬಜೆಟ್ ಫ್ರೆಂಡ್ಲಿ ಸ್ಮಾರ್ಟ್‌ಫೋನ್‌ ಆಗಿರುವ ಇದರ ಬೆಲೆ ರೂ 20,000 ಕ್ಕಿಂತ ಕಡಿಮೆ ಇರಲಿದೆ.
*CMF ಫೋನಿನ ಬಾಕ್ಸ್ ಬೆಲೆ 19,999 ರೂ. ಗಳು ಎಂದು ಹೇಳಲಾಗುತ್ತಿದೆ.

ಹೌದು, ನಥಿಂಗ್ ಸಂಸ್ಥೆ ಇದೀಗ CMF ಫೋನ್ 1 ಹೆಸರಿನ ನೂತನ ಮೊಬೈಲ್‌ ಅನ್ನು ಬಿಡುಗಡೆ ಮಾಡಲು ಸಿದ್ದತೆ ಮಾಡಿಕೊಂಡಿದೆ. ಈ ಕುರಿತು ಬಿಡುಗಡೆಯಾಗುವ ಮುನ್ನವೇ ಟಿಪ್‌ಸ್ಟರ್‌ ಈ ಸ್ಮಾರ್ಟ್‌ಫೋನ್‌ನ ಬೆಲೆಯನ್ನು ಆನ್‌ಲೈನ್‌ನಲ್ಲಿ ಸೋರಿಕೆ ಮಾಡಿದೆ. ಇಂಡಿಯಾ ಟುಡೇ ಕೂಡ ಮುಂಬರುವ CMF Phone 1 ಮೊಬೈಲ್‌ 20,000 ರೂ. ಗಳಿಗಿಂತ ಕಡಿಮೆ ಬೆಲೆ ಹೊಂದಿರಬಹುದು ಎಂದು ಭವಿಷ್ಯ ನುಡಿದಿದೆ.

ಟಿಪ್‌ಸ್ಟರ್ ಪ್ರಕಾರ ಈ ಡಿವೈಸ್ ಬಾಕ್ಸ್ ಪೀಸ್‌ನ ಬೆಲೆ 19,999 ರೂ. ಇರಲಿದ್ದು ಇದು ನಥಿಂಗ್ ಬ್ರ್ಯಾಂಡ್‌ನಿಂದ ಬಜೆಟ್ ಫ್ರೆಂಡ್ಲಿ ಕೊಡುಗೆಯಾಗಿರಬಹುದು ಎಂದು ತಿಳಿಸಿದೆ. ಏಕೆಂದರೆ ಈ ಹಿಂದಿನ ನಥಿಂಗ್ ಡಿವೈಸ್‌ಗಳು ಮೂಲ ಬೆಲೆ 40,000 ರೂ.ಗಿಂತ ಹೆಚ್ಚಿನ ಬೆಲೆ ಹೊಂದಿರುವುದನ್ನು ಗಮನಿಸಬಹುದಾಗಿದೆ, ಬಿಡುಗಡೆಯಾದ ಕೆಲವು ತಿಂಗಳ ನಂತರ ಈ ಬೆಲೆ ಸುಮಾರು 30,000 ರೂ.ಗೆ ಇಳಿದಿದೆ. ಇದು ನಥಿಂಗ್ ಪ್ರಾಡಕ್ಟ್‌ ಬಳಸುವ ಬಳಕೆದಾರರಿಗೆ ಕೈಗೆಟುಕುವ ಆಯ್ಕೆಯಾಗಿರಲಿದೆ ಎಂದು CMF ಸರಣಿಯನ್ನು ಪ್ರಚಾರ ಮಾಡಲಾಗುತ್ತಿದೆ. ಇತ್ತೀಚೆಗೆ ಫೋನ್ 2a ಹೆಸರಿನ ಹೊಸ ಸರಣಿಯನ್ನು ಪರಿಚಯಿಸಿದ್ದು ಇದಯ ರೂ 25,000 ಹೊಂದಿರುವುದನ್ನು ಗಮನಿಸಬಹುದಾಗಿದೆ. ಹಾಗಾಗಿ CMF ಫೋನ್ 1ರ ಬೆಲೆ 20,000 ರೂ.ಗಿಂತ ಕಡಿಮೆ ಇರಬಹುದು ಎಂದು ಊಹಿಸಲಾಗಿದೆ. ಆದರೆ, ಇನ್ನೂ ಯಾವುದೂ ದೃಢಪಟ್ಟಿಲ್ಲ.

ನಥಿಂಗ್‌ನಿಂದ ಪೋಸ್ಟ್ ಮಾಡಲಾದ ಕಿರು ವೀಡಿಯೊವು CMF ಫೋನ್ 1 ಹಿಂಭಾಗದಲ್ಲಿ ಚಲಿಸುವ ಚಕ್ರದೊಂದಿಗೆ ಸರಳ ಹಿಂಭಾಗದ ಫಲಕವನ್ನು ಹೊಂದಿರುತ್ತದೆ ಎಂಬ ಅಂಶದ ಹೊರತಾಗಿ ಹೆಚ್ಚಿನದನ್ನು ಬಹಿರಂಗಪಡಿಸಿಲ್ಲ. ಇಲ್ಲಿಯವರೆಗಿನ ಟೀಸರ್‌ಗಳನ್ನು ಗಮನಿಸಿದರೆ ತೆಗೆಯಬಹುದಾದ ಬ್ಯಾಕ್ ಪ್ಯಾನೆಲ್ ಅನ್ನು ಕಂಪನಿ ನೀಡಲಿದೆ ಎಂದು ಊಹಿಸಲಾಗಿದೆ. ಆದರೆ ಇನ್ನೂ ಯಾವುದನ್ನೂ ದೃಢೀಕರಿಸಲಾಗಿಲ್ಲ. ಮುಂದಿನ ದಿನಗಳಲ್ಲಿ ಪೂರ್ಣ ವಿನ್ಯಾಸವನ್ನು ನಥಿಂಗ್ ಸಂಸ್ಥೆ ತೋರಿಸುವವರೆಗೂ ನಾವು ಇದರ ವಿನ್ಯಾಸದ ಕುರಿತು ತಿಳಿದುಕೊಳ್ಳಲು ಕಾಯಬೇಕು.

ಇದರ ಜೊತೆಗೆ, ಕಿರು ವೀಡಿಯೊ ಕ್ಲಿಪ್‌ನಲ್ಲಿ ಹೆಚ್ಚಿನ CMF ಉತ್ಪನ್ನಗಳು ಪೈಪ್‌ಲೈನ್‌ನಲ್ಲಿರಬಹುದು ಎಂದು ಸೂಚಿಸಿದೆ. ಇದು 3 ವಿಭಿನ್ನ ಚಕ್ರ ವಿನ್ಯಾಸಗಳನ್ನು ತೋರಿಸುತ್ತದೆ ಮತ್ತು ಅವುಗಳಲ್ಲಿ ಒಂದು CMF ಬಡ್ಸ್‌ನಂತಿದೆ. ವೀಡಿಯೊದಲ್ಲಿ ತೋರಿಸಿರುವ ಎರಡನೇ ವೀಲ್‌ ಅನ್ನು ಕೂಡ ಚಿತ್ರದಲ್ಲಿ ಕಾಣಬಹುದು. ಮೊದಲ ಚಿತ್ರವು CMF ಫೋನ್‌ನ ಸಾಧ್ಯತೆಯಿದೆ ಏಕೆಂದರೆ ಸಿಮ್ ಎಜೆಕ್ಟರ್ ಕೂಡ ಇದೆ. ಮೂರನೆಯದು ವಾಚ್ ಆಗಿರಬಹುದು, ಆದರೆ ಯಾವುದನ್ನೂ ಇನ್ನೂ ಅಧಿಕೃತವಾಗಿ ದೃಢೀಕರಿಸಿಲ್ಲ.

Nothing ನ ಈ ಹ್ಯಾಂಡ್‌ಸೆಟ್ 120Hz ರಿಫ್ರೆಶ್ ರೇಟ್‌ ಜೊತೆಗೆ 6.7 ಇಂಚಿನ OLED ಡಿಸ್‌ಪ್ಲೇ ಹೊಂದಿರಲಿದೆ ಎಂದು ಹೇಳಲಾಗುತ್ತಿದೆ. ಡಿಸ್‌ಪ್ಲೇ ಏಕರೂಪದ ಮತ್ತು ದಪ್ಪ ಬೆಜೆಲ್‌ಗಳನ್ನು ಹೊಂದಿರಲಿದೆ ಎಂಬ ವದಂತಿಗಳಿವೆ. ಇದು ಮೀಡಿಯಾ ಟೆಕ್ ಡೈಮೆನ್ಸಿಟಿ 7300 ಚಿಪ್‌ಸೆಟ್‌ನಿಂದ ಚಾಲಿತವಾಗುವ ನಿರೀಕ್ಷೆಯಿದೆ. Oppo Reno 12 Pro ಈಗಾಗಲೆ ಇದನ್ನು ಬಳಸುತ್ತದೆ. ಹುಡ್ ಅಡಿಯಲ್ಲಿ ನಾವು 33W ವೈರ್ಡ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ನೋಡಬಹುದು.