ಲಂಡನ್‌ನಲ್ಲಿಯೂ ಒಲಾ..! ಉಬರ್‌ಗೆ ಮತ್ತೊಂದು ಸುತ್ತಿನ ಹೊಡೆತ...!

ಮೊದಲಿಗೆ:

ಬ್ರಿಟನ್ ನ ಪ್ರಮುಖ ನಗರಗಳಾದ ಸೌಥ್ ವೇಲ್ಸ್ ಮತ್ತು ಮ್ಯಾಂಚೆಸ್ಟರ್ ನಲ್ಲಿ ಮೊದಲಿಗೆ ಈ ತಿಂಗಳ ಅಂತ್ಯದಲ್ಲಿ ಒಲಾ ಸೇವೆಯೂ ಆರಂಭವಾಗಲಿದೆ. ಇದಾದ ನಂತರದಲ್ಲಿ ಹಂತ ಹಂತವಾಗಿ ಇಡೀ ದೇಶದಲ್ಲಿಯೇ ತನ್ನ ಕ್ಯಾಬ್ ಜಾಲವನ್ನು ಒಲಾ ವಿಸ್ತರಿಸಲಿದೆ ಎಂಬ ಮಾಹಿತಿಯೂ ಲಭ್ಯವಾಗಿದೆ.

ಅಲ್ಲಿಯೂ ಉಬರ್‌ಗೆ ಸೆಡ್ಡು:

ಭಾರತ ಮಾತ್ರವಲ್ಲದೇ ಆಸ್ಟ್ರೇಲಿಯಾದಲ್ಲಿಯೂ ಉಬರ್‌ಗೆ ಸೆಡ್ಡು ಹೊಡೆದಿದ್ದ ಒಲಾ, ಈಗ ಮತ್ತೊಮ್ಮೆ ಉಬರ್‌ನೊಂದಿಗೆ ಸ್ಪರ್ದೇಗೆ ನಿಂತಿದೆ. ಸದ್ಯ ಬ್ರಿಟನ್‌ನಲ್ಲಿ ಉಬರ್ ಮತ್ತು ಟ್ಯಾಕ್ಸಿಫೈ ಆಪ್ ಆಧಾರಿತ ಟ್ಯಾಕ್ಸಿ ಸೇವೆಯನ್ನು ನೀಡುತ್ತಿದೆ. ಹೀಗಾಗಿ ಒಲಾ ಪ್ರವೇಶದ ನಂತರದಲ್ಲಿ ದೊಡ್ಡ ಪ್ರಮಾಣದ ಸ್ಪರ್ದೆಯನ್ನು ಅಲ್ಲಿಯೂ ಕಾಣಬಹುದಾಗಿದೆ.

ಭಾರತದಲ್ಲಿ ಪ್ರಾಬಲ್ಯ:

ಬೆಂಗಳೂರು ಮೂಲದ ಒಲಾ 2010ರಲ್ಲಿ ಸೇವೆಯನ್ನು ಆರಂಭಿಸಿತ್ತು, ದೇಶದಲ್ಲಿ ಆರಂಭಗೊಂಡ ಮೊದಲ ಆಪ್ ಆಧಾರಿತ ಟ್ಯಾಕ್ಸಿ ಸೇವೆ ಎನ್ನುವ ಖ್ಯಾತಿಯನ್ನು ಪಡೆದುಕೊಂಡಿತ್ತು. ಸದ್ಯ ಭಾರತದ 110 ಪ್ರಮುಖ ನಗರಗಳಲ್ಲಿ ಒಲಾ ಕ್ಯಾಬ್ ಸೇವೆಯನ್ನು ಕಾಣಬಹುದಾಗಿದೆ.