ಒಪ್ಪೋ F7 ಬರಲಿದೆಯಂತೆ 2 ವಿಭಿನ್ನ ಆವೃತ್ತಿಗಳಲ್ಲಿ, ಪೋಸ್ಟರ್ ನೀಡಿದೆ ಸುಳಿವು

25MP AI-ಸಾಮರ್ಥ್ಯದ ಸೆಲ್ಫೀ ಕ್ಯಾಮೆರಾ

ಒಪ್ಪೋ F7 ನ ಎರಡೂ ಆವೃತ್ತಿಗಳೂ 25MP AI- ಸಾಮರ್ಥ್ಯದ ಸೆಲ್ಫೀ ಕ್ಯಾಮೆರಾ ಹೊಂದಿರಲಿದೆ. ಒಪ್ಪೋ F5 ನಂತೆ ಇದರ ಕ್ಯಾಮೆರಾ ಕೂಡ ಕೃತಕ ಬುದ್ಧಿಮತ್ತೆ ಬಳಸಿ ಸೆಲ್ಫೀಗಳನ್ನು ಮತ್ತಷ್ಟು ಚಂದಗಾಣಿಸಲಿದೆ. ಒಪ್ಪೋ F5 ನಂತೆ ಇದೂ ಕೂಡ ವ್ಯಕ್ತಿಯ ಮೈಬಣ್ಣ, ಲಿಂಗ, ವಯಸ್ಸಿನ ಆಧಾರದ ಮೇಲೆ ಸೆಲ್ಫೀ ಶಾಟ್ ಸೆರೆಹಿಡಿಯುವಾಗ ಅಗತ್ಯ ಸೆಟ್ಟಿಂಗ್ ಗಳನ್ನು ಮಾಡಿಕೊಳ್ಳುತ್ತದೆ.

ಆಕರ್ಷಕ 128GB ಸ್ಟೋರೇಜ್ ಸಾಮರ್ಥ್ಯ

ಈಗಾಗಲೇ ಹೇಳಿರುವಂತೆ ಒಪ್ಪೋ F7 ನ ಮೂಲ ಆವೃತ್ತಿಯಲ್ಲಿ 128GB ಆಂತರಿಕ ಸ್ಟೋರೇಜ್ ಸಾಮರ್ಥ್ಯವಿರಲಿದೆ. ಈ ಸ್ಮಾರ್ಟ್ಫೋನ್ ಮಧ್ಯಮ ಶ್ರೇಣಿಯ ಮೊಬೈಲ್ ಆಗಿ ಮಾರುಕಟ್ಟೆಗೆ ಬರಲಿರುವ ಹಿನ್ನಲೆಯಲ್ಲಿ , ಈ ಶ್ರೇಣಿಯಲ್ಲಿ ಬೇರಾವುದೇ ಫೋನ್ ಇಷ್ಟೊಂದು ಸ್ಟೋರೇಜ್ ಸಾಮರ್ಥ್ಯ ಹೊಂದಿಲ್ಲ ಎನ್ನುವುದು ಗಮನಾರ್ಹ ವಿಷಯವಾಗಿದೆ.

ಐಫೋನ್ X ಮಾದರಿಯ 'ನಾಚ್' ಮತ್ತು ತೆಳುವಾದ ಅಂಚುಗಳು

ಒಪ್ಪೋ ಈ ಹಿಂದೆ ಬಿಡುಗಡೆಮಾಡಿರುವ ಟೀಸರ್ಗಳ ಅನುಸಾರ ಒಪ್ಪೋ F7 ನ ಮೇಲ್ಭಾಗದಲ್ಲಿ ಮಧ್ಯದಲ್ಲಿ ಐಫೋನ್ X ಮಾದರಿಯ ಡಿಸ್ಪ್ಲೇ ನಾಚ್ ಒಂದು ಇರಲಿದೆ. ಅಲ್ಲದೆ ಈ ಟೀಸರ್ ಗಳಲ್ಲಿ ಲಭ್ಯವಿರುವ ಚಿತ್ರಗಳ ಅನುಸಾರ ಈ ಸಾಧನ ಎಲ್ಲಾ ಬದಿಗಳಲ್ಲೂ ತೆಳುವಾದ ಅಂಚು ಅಥವಾ ಬೆಝೆಲ್ಗಳನ್ನು ಹೊಂದಿದೆ. ಲಭ್ಯವಿರುವ ಮಾಹಿತಿಗಳ ಅನುಸಾರ ಇದರ ಡಿಸ್ಪ್ಲೇ 6.2 ಇಂಚ್ ಇದ್ದು 2280X1080 ಪಿಕ್ಸೆಲ್ ಗಳ FHD+ ರೆಸೊಲ್ಯೂಶನ್ ಮತ್ತು 19:9 ಆಸ್ಪೆಕ್ಟ್ ಅನುಪಾತ ಹೊಂದಿರಲಿದೆ. ಅಷ್ಟೇ ಅಲ್ಲದೆ ಒಪ್ಪೋ F7 ನ ಸ್ಕ್ರೀನ್-ಟು-ಬಾಡಿ ಅನುಪಾತ 89:09% ಇರಲಿದೆ.