ಒಪ್ಪೋ ಕಂಪೆನಿಯ ಎನ್‌ಕೋ M31 ವಾಯರ್‌ಲೆಸ್‌ ನೆಕ್‌ಬ್ಯಾಂಡ್‌ ಇಯರ್‌ಫೋನ್‌ ಬಿಡುಗಡೆ!

ಹೌದು ಚೀನಾ ಮೂಲದ ಜನಪ್ರಿಯ ಸ್ಮಾರ್ಟ್‌ಫೋನ್‌ ಕಂಪೆನಿ ಒಪ್ಪೋ ತನ್ನ ಹೊಸ ಇಯರ್‌ಫೋನ್‌ ಅನ್ನು ಬಿಡುಗಡೆ ಮಾಡಿದೆ. ಸದ್ಯ ಭಾರತದಲ್ಲಿ ಬಿಡುಗಡೆ ಮಾಡಿರುವ ಈ ಇಯರ್‌ಫೊನ್‌ ಅನ್ನು ಒಪ್ಪೋ ಎನ್‌ಕೋ M31 ವಾಯರ್‌ಲೆಸ್‌ ನೆಕ್‌ಬ್ಯಾಂಡ್‌ ಇಯರ್‌ಫೋನ್‌ ಎಂದು ಹೆಸರಿಸಲಾಗಿದೆ.ಇನ್ನು ಈ ಇಯರ್‌ಫೋನ್‌ಗಳು ನೆಕ್‌ಬ್ಯಾಂಡ್‌ ಶೈಲಿಯಲ್ಲಿದ್ದು, ಈ ಮಾದರಿಯಲ್ಲಿ ಒಪ್ಪೋ ಕಂಪೆನಿಯೆ ಎರಡನೇ ಇಯರ್‌ಫೋನ್‌ ಇದಾಗಿದೆ. ಇದಕ್ಕೂ ಮುನ್ನ ಒಪ್ಪೋ ಎನ್ಕೋ Q1 ಇಯರ್‌ಫೋನ್‌ ಕೂಡ ನೆಕ್‌ಬ್ಯಾಂಡ್‌ ಶೈಲಿಯನ್ನ ಒಳಗೊಂಡಿತ್ತು.

ಇನ್ನು ಈ ಹೊಸ ಇಯರ್‌ಫೋನ್‌ ಹೈ-ರೆಸ್ ವೈರ್‌ಲೆಸ್ ಪ್ರಮಾಣೀಕರಣವನ್ನು ಹೊಂದಿದ್ದು, 990 ಕೆಬಿಪಿಎಸ್ ವರೆಗೆ ಪ್ರಸರಣ ವೇಗವನ್ನು ಹೊಂದಿದೆ. ಇದನ್ನು ಸಕ್ರಿಯಗೊಳಿಸಲು ಬ್ಲೂಟೂತ್ 5.0 ಮತ್ತು ಎಲ್‌ಡಿಎಸಿಗೆ ಬೆಂಬಲವನ್ನು ನೀಡುವ ಸಾಮರ್ಥ್ಯವನ್ನ ಈ ಇಯರ್‌ಫೊನ್‌ ಒಳಗೊಂಡಿದೆ. ಅಲ್ಲದೆ ಬಳಕೆದಾರರು " ಸಮತೋಲಿತ ಆಡಿಯೋವನ್ನ ಫುಲ್‌ ಫ್ರೀಕ್ವೆನ್ಸಿ ರೇಂಜ್‌ನಲ್ಲಿ ಪಡೆಯಲಿದ್ದಾರೆ. ಅಷ್ಟೇ ಅಲ್ಲ ಕ್ಲಿಯರ್‌ ಹೈ ಫ್ರೀಕ್ವೆನ್ಸಿ ರಿಚ್‌ ಮಿಡ್‌ ರೇಂಜ್‌ ಫ್ರೀಕ್ವೆನ್ಸಿ ಹಾಗೂ ಪವರ್ ಫುಲ್‌ ಲೋ ಫ್ರೀಕ್ವೆನ್ಸಿಯನ್ನ ಪಡೆಯಬಹುದಾಗಿದೆ.

ಅಲ್ಲದೆ ನೆಕ್‌ಬ್ಯಾಂಡ್ ಶೈಲಿಯ ಈ ಇಯರ್‌ಫೋನ್‌ಗಳು 9.2 ಎಂಎಂ ಡೈನಾಮಿಕ್ ಆಡಿಯೋ ಡ್ರೈವರ್‌ಗಳನ್ನು ಒಳಗೊಂಡಿದೆ. ಜೊತೆಗೆ ಇದು AI- ಆಧಾರಿತ ಅಪ್‌ಲಿಂಕ್ ನಾಯಿಸ್‌ ಕ್ನಾನ್ಸಲೇಶನ್ ಹೊಂದಿದೆ. ಇನ್ನು ಈ ಇಯರ್‌ಫೋನ್‌ಗಳು ಬಳಕೆದಾರರ ಕಿವಿಯ ವಿನ್ಯಾಸಕ್ಕೆ ತಕ್ಕಂತೆ ಹೊಂದಿಕೊಳ್ಳುವ ಸಾಮರ್ಥ್ಯವನ್ನ ಹೊಂದಿದೆ. ಜೊತೆಗೆ ಉತ್ತಮ ಆಡಿಯೋ ಅನುಭವವನ್ನ ನೀಡಲಿದೆ. ಇದಲ್ಲದೆ ಎಂಕೋ W31 ಇಯರ್‌ಬಡ್‌ಗಳು ಧೂಳು ಮತ್ತು ನೀರು-ನಿರೋಧಕ ವಿನ್ಯಾಸವನ್ನು ಹೊಂದಿದ್ದು, ಬಾಸ್ ಮತ್ತು ಬ್ಯಾಲೆನ್ಸ್ ಮೋಡ್‌ಗಳನ್ನು ಒಳಗೊಂಡಂತೆ ಎರಡು ವಿಧಾನಗಳನ್ನ ಹೊಂದಿದೆ.

ಇನ್ನು ಒಪ್ಪೋ ಕಂಪೆನಿಯ ಮತ್ತೊಂದು ಇಯರ್‌ಫೊನ್ ಎನ್‌ಕೋ ಫ್ರೀ 13.4 ಎಂಎಂ "ಅಲ್ಟ್ರಾ-ಡೈನಾಮಿಕ್" ಸ್ಪೀಕರ್‌ಗಳನ್ನು ಹೊಂದಿದ್ದು. ಡ್ಯುಯಲ್ ಮ್ಯಾಗ್ನೆಟಿಕ್ ಸರ್ಕ್ಯೂಟ್‌ಗಳನ್ನ ಹೊಂದಿದೆ. ಒಪ್ಪೋ ಡಯಾಫ್ರಾಮ್‌ಗಾಗಿ ಮ್ಯಾಗ್ನಾಲಿಯಂ-ಟೈಟಾನಿಯಂ ಸಂಯೋಜನೆಯನ್ನು ಒಳಗೊಂಡಿದೆ. ಇದಲ್ಲದೆ ಒಪ್ಪೋ ಎನ್‌ಕೋ ಫ್ರೀ ಬೆಲೆ 7,999 ರೂ ಆಗಿತ್ತು. ಆದರೆ ಎನ್‌ಕೋ ಡಬ್ಲ್ಯು 31 ಕೇವಲ 4,499 ರೂ.ಗಳಿಗೆ ಲಭ್ಯವಾಗಲಿದೆ. ಸದ್ಯ ಈ ಹೊಸ ಇಯರ್‌ಫೋನ್‌ ಇದೇ ಮಾರ್ಚ್ 30 ರಂದು ಭಾರತದಲ್ಲಿ ಮಾರಾಟವಾಗಲಿದ್ದು, ಕಪ್ಪು ಮತ್ತು ಹಸಿರು ಎಂಬ ಎರಡು ಬಣ್ಣ ಆಯ್ಕೆಗಳಲ್ಲಿ ಖರೀದಿಗೆ ಲಭ್ಯವಿರುತ್ತವೆ.