Oppo; ಶೀಘ್ರದಲ್ಲೇ ಜಾಗತಿಕ ಮಾರುಕಟ್ಟೆಗೆ ಎಂಟ್ರಿ ಕೊಡಲಿದೆ Oppo Reno 12F ಮೊಬೈಲ್! AI ವೈಶಿಷ್ಟ್ಯದ ನಿರೀಕ್ಷೆ

ಒಪ್ಪೋ (Oppo) ಮೊಬೈಲ್‌ಗಳಿಗೆ ಜಾಗತಿಕ ಮಾರುಕಟ್ಟೆಯಲ್ಲಿ ವಿಶೇಷ ಬೇಡಿಕೆ ಇದೆ. ಇದು ಬಜೆಟ್‌ ಸ್ನೇಹಿ ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸುವ ಮೂಲಕ ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿವೆ. ಆಗಾಗ ನೂತನ ಸರಣಿಯ ಸ್ಮಾರ್ಟ್‌ಫೋನ್‌ಗಳನ್ನು ಮೊಬೈಲ್‌ ಮಾರುಕಟ್ಟೆಗೆ ಪರಿಚಯಿಸುವ ಮೂಲಕ ದೊಡ್ಡ ದೊಡ್ಡ ಬ್ರಾಂಡ್‌ನ ಮೊಬೈಲ್‌ಗಳಿಗೆ ಪೈಪೋಟಿ ನೀಡುವಲ್ಲಿಯೂ ಒಪ್ಪೋ ಸಂಸ್ಥೆ ಯಶಸ್ವಿಯಾಗಿದೆ. ಇದೀಗ ಒಪ್ಪೋ ಸಂಸ್ಥೆ ತನ್ನ ನೂತ ಸ್ಮಾರ್ಟ್‌ಫೋನ್‌ ಒಂದನ್ನು ಜಾಗತಿಕವಾಗಿ ಬಿಡುಗಡೆ ಮಾಡಲು ಸಿದ್ದವಾಗಿದ್ದು, ಅದು ಬಿಡುಗಡೆಗೂ ಮುನ್ನವೇ ಫೀಚರ್ಸ್‌, ವಿನ್ಯಾಸ ಸೇರಿ ಅನೇಕ ಅಂಶಗಳು ಸೋರಿಕೆಯಾಗಿವೆ. ಹಾಗಿದ್ರೆ ಒಪ್ಪೋದ ನೂತನ ಸ್ಮಾರ್ಟ್‌ಫೋನ್‌ ಕುರಿತು ತಿಳಿಯಲು ಈ ಸುದ್ದಿ ಪೂರ್ತಿ ಓದಿ.

Oppo Reno 12F 5G ಸ್ಮಾರ್ಟ್‌ಫೋನ್‌ ಅನ್ನು Oppo Reno 12 5G ಸರಣಿಯ ಜೊತೆಗೆ ಜಾಗತಿಕವಾಗಿ ಜೂನ್ 18 ರಂದು ಬಿಡುಗಡೆ ಮಾಡುವ ನಿರೀಕ್ಷೆ ಇದೆ. ಈ ಉದ್ದೇಶಿತ ಹ್ಯಾಂಡ್‌ಸೆಟ್ ಕುರಿತು ಹಲವಾರು ಪ್ರಮಾಣೀಕೃತ ಸೈಟ್‌ಗಳಲ್ಲಿ ಗುರುತಿಸಲ್ಪಟ್ಟಿದೆ ಮತ್ತು ಫೋನ್‌ನ ಕೆಲವು ಪ್ರಮುಖ ವೈಶಿಷ್ಟ್ಯಗಳು ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿವೆ. ಇದೀಗ ಬಂದಿರುವ ವದಂತಿಯು ಸ್ಮಾರ್ಟ್‌ಫೋನ್‌ನ ವಿನ್ಯಾಸ, ಬೆಲೆ ಮತ್ತು ಪ್ರಮುಖ ವಿಶೇಷತೆಗಳ ಕುರಿತು ಮಾಹಿತಿ ನೀಡಿದೆ.

Oppo Reno 12F 5G ನಿರೀಕ್ಷಿತ ಬೆಲೆ, ವಿನ್ಯಾಸ:
PassionateGeekz ವರದಿಯ ಪ್ರಕಾರ, ಈ ಸ್ಮಾರ್ಟ್‌ಫೋನ್ ಜೂನ್ 18 ರಂದು Oppo Reno 12 5G ಮತ್ತು Oppo Reno 12 Pro 5G ಜೊತೆಗೆ ಆಯ್ದ ಮಾರುಕಟ್ಟೆಗಳಲ್ಲಿ ಮಾರಾಟವಾಗುವ ಸಾಧ್ಯತೆಯಿದೆ. ಫೋನ್ 8GB RAM + 256GB ಯ ಸ್ಟೋರೇಜ್‌ನ ಒಂದೇ ಕಾನ್ಫಿಗರೇಶನ್‌ನಲ್ಲಿ ಲಭ್ಯವಿರುತ್ತದೆ ಎಂದು ಹೇಳಲಾಗಿದೆ. ಇದರ ಬೆಲೆ EUR 329.99 ಅಂದರೆ ಸುಮಾರು 29,500 ರೂ. ಆಗಿರಬಹುದು ಎಂದು ಹೇಳಲಾಗಿದೆ.

ವರದಿಯಲ್ಲಿ ಹಂಚಿಕೊಂಡಿರುವ ಸೋರಿಕೆಯಾದ ವಿನ್ಯಾಸದ ಮಾಹಿತಿಯು ಈ ಸ್ಮಾರ್ಟ್‌ಫೋನ್ ಹಸಿರು ಮತ್ತು ಕಿತ್ತಳೆ ಎರಡು ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿರಲಿದೆ ಎಂದು ತಿಳಿಸಿದೆ. ಮೂರು ಕ್ಯಾಮೆರಾ ಸೆನ್ಸಾರ್ ಮತ್ತು ಹ್ಯಾಲೊ ಲೈಟ್ ಘಟಕವನ್ನು ಹೊಂದಿರುವ ವೃತ್ತಾಕಾರದ ಹಿಂದಿನ ಕ್ಯಾಮೆರಾ ಮಾಡ್ಯೂಲ್‌ನೊಂದಿಗೆ ಫೋನ್ ಕಾಣಿಸಿಕೊಳ್ಳಲಿದೆ. ವರದಿ ಪ್ರಕಾರ ಗೇಮಿಂಗ್ ಮೋಡ್, ಚಾರ್ಜಿಂಗ್ ಸ್ಥಿತಿ, ಮೆಸೇಜ್ ಅಲೆರ್ಟ್ ಮತ್ತು ಒಳಬರುವ ಕರೆಗಳನ್ನು ಸೂಚಿಸಲು ಹ್ಯಾಲೊ ಲೈಟ್ ವೈಶಿಷ್ಟ್ಯವನ್ನು ಕಸ್ಟಮೈಸ್ ಮಾಡಬಹುದು.

Oppo Reno 12F 5G ನಿರೀಕ್ಷಿತ ಫೀಚರ್ಸ್:
ಇದು 6.67 ಇಂಚಿನ ಫುಲ್ HD+ AMOLED 2.5D ಡಿಸ್‌ಪ್ಲೇ 120Hz ನ ರಿಫ್ರೆಶ್ ರೇಟ್‌ ಜೊತೆಗೆ 240Hz ಟಚ್ ಮಾದರಿ ರೇಟ್, 600 ನಿಟ್ಸ್‌ಗಳ ಗರಿಷ್ಠ ಬ್ರೈಟ್‌ನೆಸ್ ಮಟ್ಟ, 100 ಪ್ರತಿಶತ DCI-P3 ಬಣ್ಣದ ಕವರ್ ಮತ್ತು AGC DT-Star 2 ರಕ್ಷಣೆ ಹೊಂದಿರಲಿದೆ ಎಂದು ಹೇಳಲಾಗಿದೆ.

ವರದಿಯ ಪ್ರಕಾರ, Oppo Reno 12F 5G ಅನ್ನು ಮೀಡಿಯಾ ಟೆಕ್ ಡೈಮೆನ್ಸಿಟಿ 6300 ಎನರ್ಜಿ SoC ಯಿಂದ 512GB UFS ಆನ್‌ಬೋರ್ಡ್ ಸ್ಟೋರೆಜ್ ಮತ್ತು 12GB LPRRR4X RAM ನೊಂದಿಗೆ ಜೋಡಿಸಲಾಗುತ್ತದೆ. ಹ್ಯಾಂಡ್‌ಸೆಟ್ 45W SuperVOOC ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5,000mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ ಎಂದು ಹೇಳಲಾಗುತ್ತದೆ.

ಕ್ಯಾಮರಾ: Oppo Reno 12F 5G ಇದು ಟ್ರಿಪಲ್ ಬ್ಯಾಕ್ ಕ್ಯಾಮರಾ ಘಟಕ ಹೊಂದಿರಲಿದೆ. 50MP OmniVision OVD50D ಪ್ರಾಥಮಿಕ ಸೆನ್ಸಾರ್ ಕ್ಯಾಮರಾ, 8MP IMX355 ಸೆನ್ಸಾರ್ ಕ್ಯಾಮರಾ ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 2 MP ಶೂಟರ್‌ಪಿಕ್ಸೆಲ್‌ನೊಂದಿಗೆ ಬರುವ ಸಾಧ್ಯತೆ ಇದೆ. 32MP ಫ್ರಂಟ್ ಸೆನ್ಸಾರ್‌ ಕ್ಯಾಮೆರಾ ಹೊಂದಿರಲಿದೆ ಎಂದು ವರದಿ ತಿಳಿಸಿದೆ.

Oppo Reno 12F 5G AI ಎರೇಸರ್‌ನಂತಹ ಹಲವಾರು AI ವೈಶಿಷ್ಟ್ಯಗಳೊಂದಿಗೆ ಬರಲಿದೆ ಎಂದು ವರದಿ ತಿಳಿಸಿದೆ, ಇದು ಫೋಟೋಗಳಿಂದ ಅನಗತ್ಯ ಜನರು ಅಥವಾ ವಸ್ತುಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಇದು AI ಸ್ಮಾರ್ಟ್ ಇಮೇಜ್ ಮ್ಯಾಟಿಂಗ್ ಮತ್ತು AI ಸ್ಟುಡಿಯೋ ಪರಿಕರಗಳನ್ನು ಸಹ ಹೊಂದಿರುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.