ಒಪ್ಪೋ ಸಂಸ್ಥೆಯಿಂದ ಭಾರತದಲ್ಲಿ ಹೊಸ ಮಾದರಿಯ ಪ್ರೀಮಿಯಂ ಫೋನ್ ಬಿಡುಗಡೆಗೆ ಸಿದ್ದತೆ!

ಹೌದು, ಜನಪ್ರಿಯ ಸ್ಮಾರ್ಟ್‌ಫೋನ್‌ ಕಂಪೆನಿ ಒಪ್ಪೋ ತನ್ನ ಮತ್ತೊಂದು ಪ್ರೀಮಿಯಂ ಸ್ಮಾರ್ಟ್‌ಫೋನ್‌ ಪರಿಚಯಿಸಲಿದೆ ಎಂದು ವರದಿ ಆಗಿದೆ. ಇದೀಗ ಒಪ್ಪೋ ಕಂಪನಿಯು ಮುಂದಿನ ತಿಂಗಳು ಫೈಂಡ್ ಎಕ್ಸ್ 2 ಅನ್ನು ಬಿಡುಗಡೆ ಮಾಡಲಿದೆ, ಇದಾದ ನಂತರ ದಿನಗಳಲ್ಲಿ ಒಪ್ಪೋ ರೆನೋ 4 ಸರಣಿಯಲ್ಲಿ ಸ್ಮಾರ್ಟ್‌ಫೋನ್‌ಗಳನ್ನ ಬಿಡುಗಡೆ ಮಾಡಲು ಪ್ಲ್ಯಾನ್‌ ಮಾಡಿಕೊಂಡಿದೆ. ಇದರ ನಡುವೆ ಇದೀಗ ಕಂಪೆನಿ ಬಿಡುಗಡೆ ಮಾಡಿರುವ ಹೊಸ ಟೀಸರ್ ಪ್ರಕಾರ, ಮತ್ತೊಂದು ಪ್ರೀಮಿಯಂ ಫೋನ್ ಬಿಡುಗಡೆ ಮಾಡಲಿದೆ ಎನ್ನಲಾಗ್ತಿದೆ.

ಸದ್ಯ ಒಪ್ಪೋ ರೆನೋ 4 ಪ್ರೊ ಬಿಡುಗಡೆ ಆಗಿ ಯಶ್ವಸಿಯಾದ ನಂತರ ಮತ್ತೊಂದು ಪ್ರೀಮಿಯಂ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಗೆ ಎಂಟ್ರಿ ನೀಡಲಿದೆ ಎಂದು ಒಪ್ಪೋ ಕಂಪೆನಿ ಟ್ವಿಟ್ಟರ್‌ನಲ್ಲಿಹೇಳಿಕೊಂಡಿದೆ. ಅಲ್ಲದೆ ಕಂಪೆನಿಯ ಟ್ವೀಟ್ ಪ್ರಕಾರ, ಇನ್ನೂ ಹೆಸರಿಸದ ಈ ಹೊಸ ಸ್ಮಾರ್ಟ್‌ಫೋನ್‌ ರೆನೋ 4 ಸರಣಿಯ ಸ್ಮಾರ್ಟ್‌ಫೋನ್‌ ಜೊತೆಗೆ ಬಿಡುಗಡೆ ಆಗುವ ಸಾಧ್ಯತೆಯಿದೆ. ಆದರೆ ಭಾರತದಲ್ಲಿ ಒಪ್ಪೋ ರೆನೋ ಸರಣಿಯ ಸ್ಮಾರ್ಟ್‌ಫೋನ್‌ ಬಿಡುಗಡೆಯ ದಿನಾಂಕವನ್ನ ಇನ್ನೂ ಬಹಿರಂಗ ಪಡಿಸದ ಕಾರಣ ಈ ಪ್ರೀಮಿಯಂ ಸ್ಮಾರ್ಟ್‌ಫೋನ್‌ ಬಿಡುಗಡೆ ಯಾವಾಗ ಎನ್ನುವುದರ ಬಗ್ಗೆ ಇನ್ನು ದಿನಾಂಕ ನಿಗಧಯಾಗಿಲ್ಲ.

ಇನ್ನು ಈಗಾಗಲೇ ಕೆಲವು ದಿನಗಳ ಹಿಂದೆಯಷ್ಟೇ ಭಾರತಕ್ಕೆ ತಕ್ಕಂತೆ ಫೀಚರ್ಸ್‌ಗಳನ್ನ ಹೊಂದಿರುವ ರೆನೋ 4 ಸರಣಿಯನ್ನು ಬಿಡುಗಡೆ ಮಾಡುವುದಾಗಿ ಒಪ್ಪೋ ಹೇಳಿಕೊಂಡಿತ್ತು. ಅಲ್ಲದೆ ಒಪ್ಪೊ ರೆನೋ 4 ಮತ್ತು ರೆನೋ 4 ಪ್ರೊ ಅನ್ನು ಈಗಾಗಲೇ ಚೀನಾದಲ್ಲಿ ಬಿಡುಗಡೆ ಮಾಡಲಾಗಿದೆ. ಆದರೆ ಭಾರತದಲ್ಲಿ ಇನ್ನು ಕೆಲವೇ ದಿನಗಳಲ್ಲಿ ಬಿಡುಗಡೆ ಆಗಲಿದೆಯಾ ಅನ್ನೊದನ್ನ ಕಾದು ನೊಡಬೇಕಿದೆ. ಜೊತೆಗೆ ಒಪ್ಪೋ ರೆನೋ 4 ಸರಣಿಯ ಸ್ಮಾರ್ಟ್‌ಫೋನ್‌ಗಳು ಎರಡು ವಿಧದ ವೇರಿಯೆಂಟ್‌ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ ಎನ್ನಲಾಗ್ತಿದೆ.

ಸದ್ಯ ಚೀನಾದಲ್ಲಿ ಬಿಡುಗಡೆ ಆಗಿರುವ ರೆನೋ 4 ಮತ್ತು ರೆನೋ 4 ಪ್ರೊ ಸ್ಮಾರ್ಟ್‌ಫೋನ್‌ ಕ್ರಮವಾಗಿ 6.43-ಇಂಚಿನ ಮತ್ತು 6.55-ಇಂಚಿನ AMOLED ಡಿಸ್ಪ್ಲೇಗಳನ್ನು ಹೊಂದಿದೆ. ಅಲ್ಲದೆ ಈ ಡಿಸ್‌ಪ್ಲೇ ಸ್ಕ್ರೀನ್‌ 90Hz ರಿಫ್ರೆಶ್ ರೇಟ್‌ ಮತ್ತು ಫುಲ್‌ HD + ರೆಸಲ್ಯೂಶನ್ ಅನ್ನು ಬೆಂಬಲಿಸಲಿವೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 765G ಪ್ರೊಸೆಸರ್ ಹೊಂದಿದ್ದು, ಆಂಡ್ರಾಯ್ಡ್ 10 ಆಧಾರಿತ ಇತ್ತೀಚಿನ ಕಲರ್ಓಎಸ್ 7.2 ಆವೃತ್ತಿಯ ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿವೆ.