Click it and Unblock the Notifications
ಬ್ಯಾಂಕ್ ಅಧಿಕಾರಿಗಳ ಸೋಗಿನಲ್ಲಿ ರಾಜ್ಯದ ಕುಲಪತಿಗೆ ವಂಚಿಸಿದ ಆನ್ಲೈನ್ ಖದೀಮರು!
ಬ್ಯಾಂಕ್ ಅಧಿಕಾರಿಗಳ ಸೋಗಿನಲ್ಲಿ ಕರೆ ಮಾಡಿ ವಂಚಿಸುವ ಆನ್ಲೈನ್ ಖದೀಮರ ಗಾಳಕೆ ಗದಗದ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ವಿಶ್ವವಿದ್ಯಾಲಯದ ಕುಲಪತಿ ಪ್ರೋ. ತಿಮ್ಮೇಗೌಡ ಅವರು ಬಲಿಯಾಗಿದ್ದಾರೆ. ಎಟಿಎಂ ಕಾರ್ಡ್ ಮಾಹಿತಿಗಳನ್ನು ಪಡೆದು, ಕ್ಷಣಮಾತ್ರದಲ್ಲಿ ಖಾತೆಯಿಂದ 69,997 ರೂ. ಲಪಟಾಯಿಸಲಾಗುವ ಪ್ರಕರಣ ಬೆಳಕಿಗೆ ಬಂದಿದೆ.
ಈ ಸಂಬಂಧ ಬೆಂಗಳೂರಿನ ಸೈಬರ್ ಕ್ರೈಂ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಕರೆ ಮಾಡಿದ ಒಬ್ಬಾತ ಎಸ್ಬಿಐ ಅಧಿಕಾರಿ ಎಂದು ಪರಿಚಯಿಸಿಕೊಂಡು ಮೋಸ ಮಾಡಿರುವುದಾಗಿ ತಿಳಿಸಿದ್ದಾರೆ. ನಿಮ್ಮ ಮಗಳ ಎಟಿಎಂ ಕಾರ್ಡ್ ಅವಧಿ ತಾಂತ್ರಿಕ ಕಾರಣದಿಂದ ಮುಕ್ತಾಯವಾಗಿದ್ದು, ಕಾರ್ಡ್ನ ಮಾಹಿತಿ ನೀಡಿ ಸರಿಪಡಿಸಿಕೊಳ್ಳಿ ಎಂದು ಹೇಳಿ ಅವರಿಗೆ ವಂಚಿಸಲಾಗಿದೆ.
ಈ ಪ್ರಕರಣದ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದು, ಎಟಿಎಂ ಕಾರ್ಡ್ ಮಾಹಿತಿಯ ಜೊತೆಗೆ ಮೊಬೈಲ್ ಫೋನ್ಗೆ ಬಂದ ಒಟಿಪಿಯನ್ನು ಸಹ ನೀಡಿರುವುದು ಬ್ಯಾಂಕ್ ಖಾತೆಯಿಂದ ಹಣವನ್ನು ಲಪಟಾಯಿಸಲು ಕಾರಣ ಎಂದು ತಿಳಿಸಿದ್ದಾರೆ. ಹಾಗಾಗಿ, ಇಂತಹ ವಂಚನೆಗಳ ಬಗ್ಗೆ ನೀವು ಮತ್ತಷ್ಟು ಎಚ್ಚರಿಕೆ ವಹಿಸಲು ಈ ಕೆಳಗೆ ನೀಡಿರುವ ಸಲಹೆಗಳನ್ನ ಪಡೆದುಕೊಳ್ಳಿ.
ಬ್ಯಾಂಕ್ನಿಂದ ಯಾವುದೇ ಕರೆ ಬರುವುದಿಲ್ಲ!
ನಿಮ್ಮ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ಗಳು ಹಾಳಾಗಿವೆ. ಅವುಗಳನ್ನು ಬಹಲಿಸಬೇಕಿದೆ ಅಥವಾ ನಿಮ್ಮ ಕ್ರೆಡಿಟ್ ಕಾರ್ಡ್ ಸೆಕ್ಯುರಿಟಿ ಚೆಕ್ ಮಾಡಬೆಕಿದೆ ಎನ್ನುವ ಕಾಲ್ಗಳನ್ನು ಸೈಬರ್ಕ್ರಿಮಿನಲ್ಗಳು ಮಾಡಿರುತ್ತಾರೆ. ಅಂತವರಿಗೆ ನಿಮ್ಮ ಯಾವುದೇ ಡೀಟೆಲ್ಸ್ ಅನ್ನು ನಿಡಬೇಡಿ. ಯಾವುದೇ ಬ್ಯಾಂಕ್ನಲ್ಲಿಯೂ ಸಹ ಫೋನ್ ಮೂಲಕ ವ್ಯವಹರಿಸುವುದಿಲ್ಲ.
ನಕಲಿ ಫೋನ್, ಇ-ಮೇಲ್ಗಳ ಬಗ್ಗೆ ಎಚ್ಚರ!
ನಿಮ್ಮ ಮೊಬೈಲ್ ನಂಬರ್ಗೆ ಗಿಫ್ಟ್ ಬಂದಿದೆ. ನಿಮಗೆ ಫಾರಿನ್ ಟ್ರಿಪ್ ಟಿಕೆಟ್ ಉಚಿತವಾಗಿ ಸಿಕ್ಕಿದೆ. ಉತ್ತಮ ಕೆಲಸ ಕೊಡಿಸುತ್ತೇನೆ ಎಂದು ಫೋನ್ ಅಥವಾ ಇಮೇಲ್ಗಳ ಮೂಲಕ ಸಂಪರ್ಕಿಸುವವರ ಬಗ್ಗೆ ಎಚ್ಚರವಾಗಿ. ಅವರೆಲ್ಲರೂ ನಿಮ್ಮ ಬಳಿ ಹಣವನ್ನು ದೂಚುವ ಸಲುವಾಗಿಯೇ ನಾಟಕವಾಡುತ್ತಿರುತ್ತಾರೆ.
ಪಿನ್ಸಂಖ್ಯೆಯನ್ನು ಯಾರಿಗೂ ಹಂಚಿಕೊಳ್ಳಬೇಡಿ
ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ನಿಮ್ಮಲ್ಲಿಯೇ ಇದ್ದರೂ ಸೈಬರ್ಗಳಿಗೆ ನಿಮ್ಮ ಪಿನ್ ಸಂಖ್ಯೆ ಸಿಕ್ಕರೆ ಸಾಕು, ನಿಮ್ಮ ಹಣಕ್ಕೆ ಪಂಗನಾಮ ಹಾಕುತ್ತಾರೆ.ನಿಮ್ಮ ಎಟಿಎಂ ಕಾರ್ಡ್ ನಂಬರ್ಗಳನ್ನು ಯಾವುದಾದರೂ ಮೂಲದಿಂದ ಸಂಗ್ರಹ ಮಾಡಿಕೊಳ್ಳುವ ಅವರಿಗೆ ನಿಮ್ಮ ಎಟಿಎಂ ಪಿನ್ ಹಣ ದೋಚಲು ಸಾಕಾಗುತ್ತದೆ.!
ಪಾಸ್ವರ್ಡ್ ಬದಲಿಸುತ್ತಿರಿ.
ಬ್ಯಾಂಕಿಂಗ್ ಮತ್ತು ಆನ್ಲೈನ್ ಪ್ರಪಂಚದಲ್ಲಿ ಪಾಸ್ವರ್ಡ್ಗಳೇ ಮುಖ್ಯ.! ಹಾಗಾಗಿ, ಆನ್ಲೈನ್ ಬ್ಯಾಂಕಿಂಗ್ ಪಾಸ್ವರ್ಡ್ ಹಾಗೂ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ಗೆ ನೀಡಿರುವ ಪಿನ್ ಸಂಖ್ಯೆಯನ್ನು ಯಾವಾಗಲೂ ಬದಲಿಸುತ್ತಿರಿ. ಹೀಗೆ ಮಾಡುವುದರಿಂದ ಸೈಬರ್ ಕಳ್ಳರಿಗೆ ನಿಮ್ಮ ಪಾಸ್ವರ್ಡ್ ಕದಿಯಲು ಸಾಧ್ಯವಾಗುವುದಿಲ್ಲ.
ಆಂಟಿವೈರೆಸ್ ಸಾಫ್ಟವೇರ್ ಬಳಸಿ.
ಮೊಬೈಲ್ ಅಥವಾ ಲ್ಯಾಪ್ಟಾಪ್ ಮೂಲಕವೇ ನೀವು ಹೆಚ್ಚು ಆನ್ಲೈನ್ ಬ್ಯಾಂಕಿಂಗ್ ವ್ಯವಹಾರ ಹೆಚ್ಚು ಮಾಡುತ್ತಿದ್ದರೆ ಅವುಗಳ ಸೆಕ್ಯುರಿಟಿ ಬಗ್ಗೆ ಎಚ್ಚರವಾಗಿರಿ. ಮೊಬೈಲ್ ಮತ್ತು ಲ್ಯಾಪ್ಟಾಪ್ಗಳಿಗೆ ಉತ್ತಮ ಗುಣಮಟ್ಟದ ಆಂಟಿವೈರೆಸ್ ಸಾಫ್ಟ್ವೇರ್ ಬಳಸಿದರೆ ಸೈಬರ್ ಫೈಲ್ಗಳು ನಿಮ್ಮ ಡಿವೈಸ್ ಅನ್ನು ಕ್ರಾಕ್ ಮಾಡಲು ಸಾಧ್ಯವಿಲ್ಲ.
-
1,29,999 -
22,999 -
64,999 -
99,999 -
29,999 -
39,999 -
-
63,999 -
1,56,900 -
96,949
-
1,39,900 -
1,29,900 -
79,900 -
65,900 -
12,999 -
96,949
-
16,499 -
38,999 -
30,700 -
49,999
-
19,999 -
17,970 -
21,999 -
13,474 -
18,999 -
22,999 -
19,999 -
17,999 -
26,999 -
5,999
-1763362932432.svg){kind=logo}
Continue with Google