ವಿಮಾನದಲ್ಲಿ ಹಾರಲು ಬೋರ್ಡಿಂಗ್ ಪಾಸ್ ಬೇಕಿಲ್ಲ: ಮುಖ ತೋರಿಸಿದರೆ ಸಾಕು...!

ಸ್ಮಾರ್ಟ್‌ಫೋನ್ ಮಾದರಿ ತಂತ್ರಜ್ಞಾನ:

ಸ್ಮಾರ್ಟ್‌ಫೋನ್‌ಗಳಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿರುವ ಫೇಸ್‌ ಅನ್‌ಲಾಕ್‌ ಮಾದರಿಯ ತಂತ್ರಜ್ಞಾನವನ್ನು ಬಳಕೆ ಮಾಡಿಕೊಂಡು ವಿಮಾನ ನಿಲ್ದಾಣದಲ್ಲೂ ಮುಖವನ್ನೇ ಪ್ರಯಾಣಿಕರ ಗುರುತಾಗಿ ಪರಿಗಣಿಸುವ ತಂತ್ರಜ್ಞಾನವನ್ನು ಅಭಿವೃದ್ಧಿ ಪಡಿಸಲಾಗಿದೆ.

ದೇಶದ ಮೊದಲ ವಿಮಾನ ನಿಲ್ದಾಣ:

ಫೇಸ್‌ ರೆಗ್ನೇಷನ್ ಸೇವೆಯನ್ನು ಆರಂಭಿಸುತ್ತಿರುವ ದೇಶದ ಮೊದಲ ವಿಮಾನ ನಿಲ್ದಾಣ ಎಂಬ ಹೆಗ್ಗಳಿಕೆಗೆ ಬೆಂಗಳೂರು ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಪಾತ್ರವಾಗಲಿದೆ. ಈ ಮೂಲಕ ತನ್ನ ಪ್ರಯಾಣಿಕರಿಗೆ ಜಾಗತಿಕ ದರ್ಜೆಯ ಅನುಭವನ್ನು ನೀಡಲು ಯೋಜನೆ ಸಿದ್ಧಪಡಿಸಿದೆ.

ಪೇಪರ್ ಲೇಸ್:

ಇನ್ನು ಕೆಲವೇ ದಿನಗಳಲ್ಲಿ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಪೇಪರ್ ಲೇಸ್ ಆಗಲಿದ್ದು, ಬೋರ್ಡಿಂಗ್‌ ಪಾಸ್‌ ಹಿಡಿದು ಸರತಿ ಸಾಲಿನಲ್ಲಿ ನಿಲ್ಲುವ ಪರಿಸ್ಥಿತಿ ತಪ್ಪಲಿದೆ. ಪ್ರತಿ ಹಂತದಲ್ಲೂ ಫೇಸ್ ರೆಕಗ್ನೇಷನ್ ಸ್ಕಾನರ್ ಮುಂದೆ ಮುಖ ತೋರಿಸಿದರೆ ಸಾಕು ಎನ್ನಲಾಗಿದೆ.

ತಂತ್ರಜ್ಞಾನದ ರಾಜಧಾನಿ:

ಬೆಂಗಳೂರನ್ನು ತಂತ್ರಜ್ಞಾನದ ರಾಜಧಾನಿ ಎಂದು ಕರೆಯಲಾಗುತ್ತಿದೆ. ಈ ಹಿನ್ನಲೆಯಲ್ಲಿ ಹೊಸ ಮಾದರಿಯ ತಂತ್ರಜ್ಞಾನವನ್ನು ವಿಮಾನ ನಿಲ್ದಾಣದಲ್ಲಿ ಅಳವಡಿಸಿರುವುದಕ್ಕೆ ಸಾಕಷ್ಟು ಮೆಚ್ಚುಗೆಯೂ ವ್ಯಕ್ತವಾಗಿದೆ ಎನ್ನಲಾಗಿದೆ. ಇದರಿಂದಾಗಿ ವಿಮಾನ ಪ್ರಯಾಣಿಕರ ಸಮಯವು ಉಳಿತಾಯವಾಗಲಿದೆ.