ಪೋಸ್ಟ್‌ಪೇಯ್ಡ್ ಬಳಕೆದಾರರಿಗೆ ಹೊಸ ಪಾವತಿ ವಿಧಾನ ಪರಿಚಯಿಸಿದ ಪೇಟಿಎಂ!

ಹೌದು, ಪೇಟಿಎಂ ಕಂಪೆನಿ ಪೋಸ್ಟ್‌ಪೇಯ್ಡ್‌ ಬಳಕೆದಾರರಿಗೆ ಹೊಸ ಫೀಚರ್ಸ್‌ ಅನ್ನು ಬಿಡುಗಡೆ ಮಾಡಿದೆ. ಇನ್ನು ಈ ಬಿಲ್ EMIನ ಫೀಚರ್ಸ್‌ ಪೋಸ್ಟ್‌ಪೇಯ್ಡ್ ಬಳಕೆದಾರರಿಗೆ ತಮ್ಮ ಒಟ್ಟು ಖರ್ಚುಗಳನ್ನು ತಕ್ಕಂತೆ ಹೊಂದಿಕೊಳ್ಳುವ ಇಎಂಐಗಳಾಗಿ ಪರಿವರ್ತಿಸಲು ಅನುವು ಮಾಡಿಕೊಡುತ್ತದೆ, ಇದು ಅತ್ಯಲ್ಪ ಬಡ್ಡಿದರಗಳೊಂದಿಗೆ ಪಾವತಿಸಲ್ಪಡುತ್ತದೆ. ಇನ್ನುಳಿದಂತೆ ಈ ಹೊಸ ಪಾವತಿ ವಿದಾನದ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಪೇಟಿಎಂ ಕಂಪೆನಿ ಪ್ರತಿ ತಿಂಗಳು, ತಮ್ಮ ಖರ್ಚನ್ನು EMI ಮಾದರಿಯಲ್ಲಿ ಬಳಸುವುದಕ್ಕೆ ಅವಕಾಸವನ್ನು ನೀಡಿದೆ. ಈ ಮೂಲಕ ಬಳಕೆದಾರರು ತಮ್ಮ ಎಲ್ಲಾ ಖರ್ಚುಗಳನ್ನು ಪೋಸ್ಟ್‌ಪೇಯ್ಡ್ ಮೂಲಕ ಪತ್ತೆಹಚ್ಚಲು ಒಂದೇ ಬಿಲ್‌ ಅನ್ನು ನೀಡಲಾಗುತ್ತದೆ. ಬಿಲ್ ಜನರೇಟ್‌ ಆದ ಮೊದಲ 7 ದಿನಗಳಲ್ಲಿ, ಪೋಸ್ಟ್‌ಪೇಯ್ಡ್ ಬಿಲ್‌ ಅನ್ನು ಸೆಟ್‌ ಮಾಡಿಕೊಳ್ಳುವ EMI ಗಳಾಗಿ ಪರಿವರ್ತಿಸುವ ಆಯ್ಕೆಯನ್ನು ನೀಡಿದೆ. ಇನ್ನು ಪೋಸ್ಟ್‌ಪೇಯ್ಡ್ ಕ್ರೆಡಿಟ್‌ ಲಿಮಿಟ್‌ ಅನ್ನು 1 ಲಕ್ಷ,ರೂ ಮರುಪಾವತಿಯೊಂದಿಗೆ ಹೆಚ್ಚಿಸಬಹುದಾಗಿದೆ.

ಇನ್ನು Paytm ಅಪ್ಲಿಕೇಶನ್ ಬಳಕೆದಾರರಿಗೆ ವಿವಿಧ ಪಾವತಿಗಳಿಗಾಗಿ ತ್ವರಿತ ಕ್ರೆಡಿಟ್ ಲೈನ್ ಹೊಂದಿರುವ ಎರಡು ಪ್ರಮುಖ NBFC ಗಳ ಸಹಭಾಗಿತ್ವದಲ್ಲಿ ಇದನ್ನು ನೀಡಲಾಗುತ್ತದೆ. ಇತ್ತೀಚೆಗೆ, Paytm ಪೋಸ್ಟ್‌ಪೇಯ್ಡ್ ಖಾತೆಯನ್ನು ಬಳಸಿಕೊಂಡು ಸವಾರರಿಗೆ ಪಾವತಿಸಲು Paytm ಉಬರ್ ಜೊತೆ ಪಾಲುದಾರಿಕೆ ಹೊಂದಿದೆ. ಇದರರ್ಥ ಬಳಕೆದಾರರು ಉಬರ್ ಸವಾರಿ ಮಾಡಬಹುದು ಮತ್ತು ಅದಕ್ಕಾಗಿ ನಂತರ ಪಾವತಿಸಬಹುದು. ಪೋಸ್ಟ್‌ಪೇಯ್ಡ್ ಸೇವಾ ಏಕೀಕರಣವು ಉಬರ್‌ನ ಪ್ಲಾಟ್‌ಫಾರ್ಮ್‌ನಲ್ಲಿ ಡಿಜಿಟಲ್ ವಹಿವಾಟುಗಳನ್ನು ಮತ್ತಷ್ಟು ಉತ್ತೇಜಿಸುತ್ತದೆ ಮತ್ತು ಗ್ರಾಹಕರ ಅನುಭವವನ್ನು ಹೆಚ್ಚಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಈ ಸೌಲಭ್ಯವನ್ನು ಪಡೆಯಲು, ನೋಂದಾಯಿತ ಬಳಕೆದಾರರು ಪ್ರವಾಸವನ್ನು ಪೂರ್ಣಗೊಳಿಸಿದ ನಂತರ ತಮ್ಮ ಸಕ್ರಿಯ ಪೋಸ್ಟ್‌ಪೇಯ್ಡ್ ಖಾತೆಯಿಂದ ಹಣವನ್ನು ಪಾವತಿಸಿ Paytm ಅಪ್ಲಿಕೇಶನ್ ಮೂಲಕ ಪಾವತಿಸಬಹುದು. ಮಾಸಿಕ ಆಧಾರದ ಮೇಲೆ ಜನರೇಟ್‌ ಆಗುವ ತನ್ನ Paytm ಪೋಸ್ಟ್‌ಪೇಯ್ಡ್ ಬಿಲ್ ಪಾವತಿಸುವ ಮೂಲಕ ಬಳಕೆದಾರನು ನಂತರ ತನ್ನ ಅನುಕೂಲಕ್ಕೆ ತಕ್ಕಂತೆ ಮರುಪಾವತಿ ಮಾಡಬಹುದಾಗಿದೆ.