ಕೋವಿಡ್ -19 ವ್ಯಾಕ್ಸಿನ್‌ ಫೈಂಡರ್ ಫೀಚರ್ಸ್‌ ಪರಿಚಯಿಸಿದ ಪೇಟಿಎಂ!

ಹೌದು, ಕೋವಿಡ್‌-19 ಲಸಿಕೆ ಪಡೆದುಕೊಳ್ಳಲು ನಿಮ್ಮ ಹತ್ತಿರದ ಕೋವಿಡ್‌ ಸೆಂಟರ್‌ ಅನ್ನು ತಿಳಿದುಕೊಳ್ಳುವು ಅತಿ ಅವಶ್ಯಕ. ಇದಕ್ಕಾಗಿ ನೀವು ಆರೋಗ್ಯಾ ಸೇತು, ಕೋವಿನ್‌ ಪೋರ್ಟಲ್‌ ಸೇರಿದಂತೆ ಅನೇಕ ಅಪ್ಲಿಕೇಶನ್‌ಗಳನ್ನು ಬಳಸಬಹುದು. ಇದೀಗ ಜನಪ್ರಿಯ ಯುಪಿಐ ಪಾವತಿ ಅಪ್ಲಿಕೇಶನ್‌ ಪೇಟಿಎಂ ತನ್ನ ಮಿನಿ ಆಪ್ ಸ್ಟೋರ್‌ನಲ್ಲಿ ಕೋವಿಡ್ -19 ವ್ಯಾಕ್ಸಿನ್‌ ಫೈಂಡರ್ ಬಿಡುಗಡೆ ಮಾಡುವುದಾಗಿ ಪ್ರಕಟಿಸಿದೆ. ಇದರ ಮೂಲಕ ನಿಮ್ಮ ಹತ್ತಿರದ ಕೋವಿಡ್‌ ಲಸಿಕೆ ಸೆಂಟರ್‌ ಅನ್ನು ಸರ್ಚ್‌ ಮಾಡಬಹುದು. ಹಾಗಾದ್ರೆ ಪೇಟಿಎಂ ಮೂಲಕ ನಿಮ್ಮ ಹತ್ತಿರದ ಕೋವಿಡ್‌ ಲಸಿಕೆ ಸೆಂಟರ್‌ ಅನ್ನು ಸರ್ಚ್‌ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

Paytm ಅಪ್ಲಿಕೇಶನ್‌ ಮೂಲಕ ನಿಮ್ಮ ಹತ್ತಿರದ ಕೋವಿಡ್‌-19 ವ್ಯಾಕ್ಸಿನೇಷನ್‌ ಸೆಂಟರ್‌ ಹುಡುಕುವುದು ಸುಲಭವಾಗಿದೆ. ಇದಕ್ಕಾಗಿ ಪೇಟಿಎಂ ವ್ಯಾಕ್ಸಿನ್‌ ಫೈಂಡರ್‌ ಫೀಚರ್ಸ್‌ ಪರಿಚಯಿಸಿದೆ. ಇದರ ಮೂಲಕ ನಿಮ್ಮ ಹತ್ತಿರದ ಕೋವಿಡ್‌-19 ವ್ಯಾಕ್ಸಿನೇಷನ್‌ ಸೆಂಟರ್‌ ಲಭ್ಯತೆಯ ಬಗ್ಗೆ ಮಾಹಿತಿಯನ್ನು ಪಡೆಯಲು ಬಳಕೆದಾರರು ಅಪ್ಲಿಕೇಶನ್‌ನಲ್ಲಿ ರಿಯಲ್‌ ಟೀ ಆಲರ್ಟ್‌ ಅನ್ನು ಆರಿಸಿಕೊಳ್ಳಬಹುದು. ಇನ್ನು ಈ ಹೊಸ ಸ್ಲಾಟ್‌ಗಳನ್ನು ಪದೇ ಪದೇ ಪರಿಶೀಲಿಸಲು ಪ್ಲಾಟ್‌ಫಾರ್ಮ್‌ ರಿಫ್ರೆಶ್ ಮಾಡುವ ತೊಂದರೆಯನ್ನು ಕಡಿಮೆ ಮಾಡಲು ಈ ಪ್ರಕ್ರಿಯೆಯು ಸಹಾಯ ಮಾಡುತ್ತದೆ ಎಂದು ಕಂಪನಿ ಹೇಳಿದೆ. ಕೋವಿನ್ ಎಪಿಐನಿಂದ ಡೇಟಾವನ್ನು ರಿಯಲ್‌-ಟೈಂ ಆಧಾರದ ಮೇಲೆ ಪಡೆಯಲಾಗುತ್ತದೆ ಎಂದು ಪೇಟಿಎಂ ಸ್ಪಷ್ಟಪಡಿಸಿದೆ.

ನಿಮ್ಮ ಹತ್ತಿರದ ಪ್ರದೇಶದಲ್ಲಿ COVID ಲಸಿಕೆ ಸ್ಲಾಟ್‌ಗಳನ್ನು ಕಂಡುಹಿಡಿಯಲು ನಾವು ಹೊಸ ಫೀಚರ್ಸ್‌ ಪರಿಚಯಿಸಿದ್ದೇವೆ. ಇದರಲ್ಲಿ ಹೊಸ ಸ್ಲಾಟ್‌ಗಳು ತೆರೆದಾಗ ಆಲರ್ಟ್‌ಗಳನ್ನು ಸೆಟ್‌ ಮಾಡಿದ್ದೇವೆ ಎಂದು ಪೇಟಿಎಂ ಸಂಸ್ಥೆ ಹೇಳಿಕೊಂಡಿದೆ. ಆದರೆ ಪೇಟಿಎಂ ಅಪ್ಲಿಕೇಶನ್‌ನಿಂದ ವ್ಯಾಕ್ಸಿನೇಷನ್‌ಗಾಗಿ ಅಪಾಯಿಂಟ್ಮೆಂಟ್ ಕಾಯ್ದಿರಿಸಲು ಸಾಧ್ಯವಿಲ್ಲ. ಇದಕ್ಕಾಗಿ ನೀವು ಸರ್ಕಾರಿ ಅಪ್ಲಿಕೇಶ್‌ಗಳಾದ ಆರೋಗಾ ಸೇತು, ಉಮಾಂಗ್, ಮತ್ತು ಕೋವಿನ್ ಮೂಲಕ ಲಭ್ಯವಿದೆ.

Paytm ಮೂಲಕ ನಿಮ್ಮ ಹತ್ತಿರದ ಕೋವಿಡ್‌ ಲಸಿಕೆ ಕೇಂದ್ರವನ್ನು ತಿಳಿಯುವುದು ಹೇಗೆ?

ಹಂತ:1 ನಿಮ್ಮ ಫೋನ್‌ನಲ್ಲಿ Paytm ಅಪ್ಲಿಕೇಶನ್ ತೆರೆಯಿರಿ. ಮಿನಿ ಆಪ್ ಸ್ಟೋರ್ ವಿಭಾಗಕ್ಕೆ ಹೋಗಿ.

ಹಂತ:2 ವ್ಯಾಕ್ಸಿನ್‌ ಫೈಂಡರ್ ಐಕಾನ್ ಮೇಲೆ ಟ್ಯಾಪ್ ಮಾಡಿ.

ಹಂತ:3 ನಿಮ್ಮ ಪ್ರದೇಶದಲ್ಲಿ ಲಭ್ಯತೆ ಇದೆಯೇ ಎಂದು ಪರಿಶೀಲಿಸಲು ನಿಮ್ಮ ಪಿನ್ ಕೋಡ್ ನಮೂದಿಸಿ.

ಹಂತ:4 ಹೆಚ್ಚಿನ ಹುಡುಕಾಟಕ್ಕಾಗಿ "ಸರ್ಚ್‌ ಬೈ ಡಿಸ್ಟ್ರಿಕ್ಟ್‌" ಟ್ಯಾಪ್ ಮಾಡಿ.

ಹಂತ:5 ನಿಮ್ಮ ಪ್ರದೇಶದಲ್ಲಿ "Notify me when slots are available" ಗಾಗಿ ನೀವು ಸೈನ್ ಅಪ್ ಮಾಡಬಹುದು.