ಕಾರ್ಯಾಚರಣೆ ಆರಂಭಿಸಿದ ಪೇಟಿಎಂ ಪೇಮೆಂಟ್ ಬ್ಯಾಂಕ್‌: ಭರ್ಜರಿ ಆರಂಭಿಕ ಕೊಡುಗೆ..!!!!

ದೆಹಲಿಯಲ್ಲಿ ಮೊದಲ ಶಾಖೆ:

ದೆಹಲಿಯಲ್ಲಿ ಪೇಟಿಎಂನ ಮೊದಲ ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ಶಾಖೆಯೂ ಕಾರ್ಯರಾಂಭ ಮಾಡಿದೆ. ಇಲ್ಲಿ ಗ್ರಾಹಕರು ಗರಿಷ್ಠ ₹1 ಲಕ್ಷದ ವರೆಗೂ ಠೇವಣಿ ಇಡಲು ಅವಕಾಶಕಾಶ ಮಾಡಿಕೊಡಲಾಗಿದೆ.

ಭಾರೀ ಯೋಜನೆ ಹಾಕಿರುವ ಪೇಟಿಎಂ:

ಕಾರ್ಯ ಆರಂಭಿಸಿದ ಮೊದಲ ವರ್ಷದಲ್ಲೇ ದೇಶದಲ್ಲಿ ಒಟ್ಟು 31 ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ಶಾಖೆಯನ್ನು ಆರಂಭಿಸಲಿದೆ, ಇದೇ ಮಾದರಿಯಲ್ಲಿ ಸುಮಾರು 3000 ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ಗ್ರಾಹಕ ಸೇವಾ ಕೇಂದ್ರವನ್ನು ತೆರೆಯುವ ಯೋಜನೆಯನ್ನು ಪೇಟಿಎಂ ಹಾಕಿಕೊಂಡಿದೆ ಎನ್ನಲಾಗಿದೆ.

ಭಾರೀ ಹೂಡಿಕೆಗೆ ಮುಂದಾದ ಪೇಟಿಎಂ:

ಮೊಬೈಲ್ ವ್ಯಾಲೆಟ್ ನಲ್ಲಿ ಯಶಸ್ಸು ಸಾಧಿಸಿರುವ ಪೇಟಿಎಂ, ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ನಲ್ಲಿ ಭಾರೀ ಮೊತ್ತದ ಹೊಡಿಕೆಯನ್ನು ಮಾಡುತ್ತಿದೆ. ಮೊದಲ ಹಂತವಾಗಿ ಸುಮಾರು 400 ಕೋಟಿ ಬಂಡಾವಳವನ್ನು ತೊಡಗಿಸಲಿದೆ ಎಂದು ವರದಿಯಾಗಿದೆ.

ಪೇಟಿಎಂ ಪೇಮೆಂಟ್ ಬ್ಯಾಂಕ್‌ನಿಂದ ಹಲವು ಆಫರ್‌ಗಳು:

ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ತನ್ನ ಗ್ರಾಹಕರಿಗೆ ಅನೇಕ ಆಫರ್ ಗಳನ್ನು ನೀಡುತ್ತಿದೆ. ವಾಲೆಟ್ ನಿಂದ ನಡೆಯುತ್ತಿದ್ದ ವಹಿವಾಟನ್ನು ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ವರ್ಗಾಯಿಸುತ್ತಿದೆ. ಇದರಲ್ಲಿ ಗ್ರಾಹಕರಿಕೆ ಶೂನ್ಯ ಬಾಕಿ ಖಾತೆ, ಉಚಿತ ಆನ್‌ಲೈನ್‌ ವಹಿವಾಟು ಸೇವೆ ಒದಗಿಸಲಿದೆ ಎಂದು ತಿಳಿಸಿದೆ.

ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ನಿಂದ ಶೇ 4ರಷ್ಟು ಬಡ್ಡಿ :

ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ಗ್ರಾಹಕರಿಗೆ ಬ್ಯಾಂಕ್‌ ಉಳಿತಾಯ ಖಾತೆಯಲ್ಲಿನ ಠೇವಣಿಗೆ ಶೇ 4ರಷ್ಟು ಬಡ್ಡಿ ಯನ್ನು ನೀಡುವುದಾಗಿ ತಿಳಿಸಿದೆ. ಇದರ ಮೂಲಕ ಗ್ರಾಹಕರನ್ನು ಆಕರ್ಷಿಸಲಿದೆ.

ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ಡೆಬಿಟ್ ಕಾರ್ಡ್‌:

ಸಾಮಾನ್ಯ ಬ್ಯಾಂಕ್ ಮಾದರಿಯಲ್ಲಿ ಪೇಟಿಎಂ ಪೇಮೆಂಟ್ ಬ್ಯಾಂಕ್‌ ತನ್ನ ಗ್ರಾಹಕರಿಗೆ ರುಪೇ ಡೆಬಿಟ್ ಕಾರ್ಡ್‌ ನೀಡಲಿದೆ. ಎಟಿಎಂ ಮೂಲಕ 5 ಬಾರಿ ಉಚಿತವಾಗಿ ಹಣ ಪಡೆಯುವ ಅವಕಾಶ ಮಾಡಿಕೊಡಲಿದ್ದು, ಉಚಿತ ಸೇವೆಯ ನಂತರ ಪ್ರತಿ ವಹಿವಾಟಿಗೆ ಶುಲ್ಕ ವಿಧಿಸಲಿದೆ.