ಟ್ವಿಟರ್ ಟ್ರೋಲ್: ಪೆಟ್ರೋಲ್ ಬೆಲೆ ರೂ.99.99 ದಾಟಲ್ಲ ಚಾಲೆಂಜ್...!

ರೂಪಾಯಿ ಮೌಲ್ಯ ಕುಸಿತ:

ದಿನೇ ದಿನೇ ಮಾರುಕಟ್ಟೆಯಲ್ಲಿ ಪೆಟ್ರೋಲ್ ಬೆಲೆಯೂ ಏರಿಕೆಯಾಗುತ್ತಿರುವ ಹಿನ್ನಲೆಯಲ್ಲಿ ಡಾಲರ್‌ ಮುಂದೆ ರೂಪಾಯಿ ಮೌಲ್ಯ ಸಹ ಕುಸಿಯುತ್ತಿದೆ. ಇದರಡು ಒಂದೇ ಸಮಯದಲ್ಲಿ ಸೇರಿಕೊಂಡಿರುವ ಹಿನ್ನಲೆಯಲ್ಲಿ ಪೆಟ್ರೋಲ್‌ ದರ ಶತಕವನ್ನು ದಾಟಲಿದೆ. ಈ ಹಿನ್ನಲೆಯಲ್ಲಿ ಟ್ವಿಟರ್ ನಲ್ಲಿ ಈ ಕುರಿತು ಟ್ರೋಲ್ ಮಾಡಲಾಗುತ್ತಿದೆ.

ಪಂಪ್‌ಗಳು ಸಪೋರ್ಟ್ ಮಾಡುತ್ತಿಲ್ಲ:

ಈಗಾಗಲೇ ಬೆಂಗಳೂರಲ್ಲಿ ಪೆಟ್ರೋಲ್‌ ದರ ರೂ.84 ದಾಟಿದೆ. ಅಲ್ಲದೇ ಮುಂಬೈನಲ್ಲಿ ಲೀಟರ್ ಪೆಟ್ರೋಲ್ ರೂ. 90ಕ್ಕೆ ಲಭ್ಯವಿದೆ. ಈ ಹಿನ್ನಲೆಯಲ್ಲಿ ಟ್ವಿಟಿಗರು ಮಾರುಕಟ್ಟೆಯಲ್ಲಿ ಪೆಟ್ರೋಲ್‌ ದರ ಶತಕ ಬಾರಿಸುತ್ತದೆ ಆದರೆ ಇದಕ್ಕೆ ಪೆಟ್ರೋಲ್‌ ಪಂಪ್‌ಗಳು ಸಪೋರ್ಟ್ ಮಾಡುತ್ತಿಲ್ಲ, ಅವು ಬಂದ್ ಮಾಡುತ್ತಿವೆ ಎಂದು ಟ್ರೋಲ್‌ ಮಾಡುತ್ತಿದ್ದಾರೆ.

ರೂ.0.33ಕ್ಕೆ ಲೀಟರ್ ಪೆಟ್ರೋಲ್:

ಈಗಾಗಲೇ ಮಾರುಕಟ್ಟೆಯಲ್ಲಿ ಆಕ್ಟೇನ್‌ ಗುಣಮಟ್ಟದ ಪೆಟ್ರೋಲ್‌ ದರ ಸೆಪ್ಟಂಬರ್‌ 8ರಂದೇ ರೂ.100 ಅನ್ನು ಮೀರಿಸಿದೆ. ಸದ್ಯದ ದರ ರೂ.100.33 ಇದೆ. ಆದರೆ ಪೆಟ್ರೋಲ್ ಪಂಪ್‌ಗಳಲ್ಲಿ ರೂ.0.33 ಎಂದು ತೋರಿಸುತ್ತದೆ. ಈ ಹಿನ್ನಲೆಯಲ್ಲಿ ಲೀಟರ್ ಪೆಟ್ರೋಲ್ ರೂ.0.33ಕ್ಕೆ ಎಂದು ಕಾಲೆಳೆಯುತ್ತಿದ್ದಾರೆ.