ಪಿಟ್ರಾನ್‌ ಸಂಸ್ಥೆಯಿಂದ ನೆಕ್‌ಬ್ಯಾಂಡ್‌ ಶೈಲಿಯ ಹೊಸ ಇಯರ್‌ಫೋನ್‌ ಲಾಂಚ್‌!

ಹೌದು, ಪಿಟ್ರಾನ್‌ ಕಂಪೆನಿ ಹೊಸ ಪಿಟ್ರಾನ್ ಟ್ಯಾಂಜೆಂಟ್ ಪ್ಲಸ್ ವಿ2 ವಾಯರ್‌ಲೆಸ್ ಇಯರ್‌ಫೋನ್‌ ಬಿಡುಗಡೆ ಮಾಡಿದೆ. ಇದು 220mAh ಬ್ಯಾಟರಿಯನ್ನು ಹೊಂದಿದ್ದು, ಯುಎಸ್‌ಬಿ ಟೈಪ್-ಸಿ ಫಾಸ್ಟ್ ಚಾರ್ಜಿಂಗ್ ಬೆಂಬಲಿಸಲಿದೆ. ಒಂದು ಗಂಟೆಯಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ ಎಂದು ಹೇಳಲಾಗಿದೆ. ಇನ್ನು ಈ ಪಿಟ್ರಾನ್ ಟ್ಯಾಂಜೆಂಟ್ ಪ್ಲಸ್ ವಿ 2 ಒಂದೇ ಚಾರ್ಜ್‌ನಲ್ಲಿ 18 ಗಂಟೆಗಳ ಪ್ಲೇಬ್ಯಾಕ್ ನೀಡುತ್ತದೆ ಎನ್ನಲಾಗಿದೆ. ಇನ್ನುಳಿದಂತೆ ಈ ಇಯರ್‌ಫೋನ್‌ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಪಿಟ್ರಾನ್‌ ಟ್ಯಾಂಜೆಂಟ್ ಪ್ಲಸ್ ವಿ2 ವಾಯರ್‌ಲೆಸ್ ಇಯರ್‌ಫೋನ್‌ ನೆಕ್‌ಬ್ಯಾಂಡ್-ಶೈಲಿಯನ್ನು ಹೊಂದಿದೆ. ಇನ್ನು ಈ ಹೆಡ್‌ಫೋನ್‌ 10ಎಂಎಂ ಡೈನಾಮಿಕ್ ಆಡಿಯೋ ಡ್ರೈವರ್‌ಗಳನ್ನು ಒಳಗೊಂಡಿದೆ. ಇದು ಹೈ-ಫೈ ಸ್ಟಿರಿಯೊ ವಾಯ್ಸ್‌ ಅನ್ನು ಡೀಪ್ ಬಾಸ್‌ನೊಂದಿಗೆ ತಲುಪಿಸುತ್ತದೆ ಎಂದು ಹೇಳಲಾಗಿದೆ. ಜೊತೆಗೆ ಫಾಸ್ಟ್‌ ಚಾರ್ಜಿಂಗ್ ಸಾಮರ್ಥ್ಯದೊಂದಿಗೆ, ಕೇವಲ 10 ನಿಮಿಷಗಳ ಚಾರ್ಜಿಂಗ್‌ನೊಂದಿಗೆ ಆರು ಗಂಟೆಗಳ ಪ್ಲೇಬ್ಯಾಕ್ ಅನ್ನು ಒದಗಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಅಲ್ಲದೆ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಮೂಲಕ ಹೆಡ್‌ಫೋನ್‌ ಅನ್ನು ಒಂದು ಗಂಟೆಯಲ್ಲಿ 0 ರಿಂದ 100%ವರೆಗೆ ಚಾರ್ಜ್ ಮಾಡಬಹುದು. ಇದು 18 ಗಂಟೆಗಳ ಮ್ಯೂಸಿಕ್‌ ಪ್ಲೇಬ್ಯಾಕ್ ಅನ್ನು ಒದಗಿಸುತ್ತದೆ. ಇನ್ನು ಈ ಇಯರ್‌ಫೋನ್‌ ಗೂಗಲ್ ಅಸಿಸ್ಟೆಂಟ್, ಅಮೆಜಾನ್ ಅಲೆಕ್ಸಾ ಮತ್ತು ಆಪಲ್ ಸಿರಿ ಬೆಂಬಲವನ್ನು ಒಳಗೊಂಡಿದೆ. ಇದಲ್ಲದೆ ಈ ಹೆಡ್‌ಫೋನ್‌ 10 ಮೀಟರ್ ವರೆಗೆ ವಾಯರ್‌ಲೆಸ್‌ ಕನೆಕ್ಟಿವಿಟಿಯೊಂದಿಗೆ ಬ್ಲೂಟೂತ್ ವಿ 5.0 ಅನ್ನು ಬೆಂಬಲಿಸಲಿದೆ. ಅಲ್ಲದೆ ಕರೆಗಳಿಗಾಗಿ ಇಂಟರ್‌ಬಿಲ್ಟ್‌ ಹೆಚ್‌ಡಿ ಮೈಕ್ ಅನ್ನು ಹೊಂದಿವೆ.

ಸದ್ಯ ಪಿಟ್ರಾನ್ ಟ್ಯಾಂಜೆಂಟ್ ಪ್ಲಸ್ ವಿ 2 ಇಯರ್‌ಫೋನ್‌ ಬೆಲೆ 999.ರೂ ಹೊಂದಿದೆ. ಈ ವಾಯರ್‌ಲೆಸ್‌ ನೆಕ್‌ಬ್ಯಾಂಡ್ ಶೈಲಿಯ ಹೆಡ್‌ಫೋನ್‌ಗಳು ಪ್ರಸ್ತುತ ಅಮೆಜಾನ್ ಮೂಲಕ 899.ರೂ ಗೆ ಲಭ್ಯವಾಗಲಿದೆ. ಇನ್ನು ಈ ಹೆಡ್‌ಫೋನ್‌ಗಳು ಬ್ಲೀಡಿಂಗ್ ಬ್ಲೂ, ರಡ್ಡಿ ರೆಡ್ ಮತ್ತು ಟೈಟಾನಿಯಂ ಗ್ರೇ ಬಣ್ಣ ಆಯ್ಕೆಗಳಲ್ಲಿ ಖರೀದಿಸಬಹುದಾಗಿದೆ.