ಭಾರತದ ಮಾರುಕಟ್ಟೆಯಲ್ಲಿ ರಿಯಲ್‌ಮಿಯ ಹೊಸ ಇಯರ್‌ಫೋನ್‌ ಬಿಡುಗಡೆ!

ಹೌದು, ರಿಯಲ್‌ಮಿ ಸಂಸ್ಥೆ ತನ್ನ ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮತ್ತು ಬಡ್ಸ್ ವಾಯರ್‌ಲೆಸ್ ಪ್ರೊ ಇಯರ್‌ಫೋನ್‌ಗಳನ್ನು ಭಾರತದ ಮಾರುಕಟ್ಟೆಗೆ ಪರಿಚಯಿಸಿದೆ. ಈ ಇಯರ್‌ಫೋನ್‌ಗಳು ಕ್ರಮವಾಗಿ 3,999 ರೂ ಮತ್ತು 4,999 ರೂ. ಬೆಲೆಯನ್ನು ಹೊಂದಿದೆ. ಇನ್ನು ಈ ಎರಡೂ ಹೊಸ ಜೋಡಿ ಇಯರ್‌ಫೋನ್‌ಗಳು ಆಕ್ಟಿವ್‌ ನಾಯ್ಸ್‌ ಕ್ಯಾನ್ಸಲೇಶನ್‌ ಸಿಸ್ಟಂ ಅನ್ನು ಹೊಂದಿವೆ. ಅಲ್ಲದೆ ಕಿವಿಯ ವಿನ್ಯಾಸಕ್ಕೆ ಹೊಂದಿಕೊಳ್ಳುವ ಸಾಮರ್ಥ್ಯವನ್ನು ಸಹ ಹೊಂದಿದೆ. ಇನ್ನುಳಿದಂತೆ ಈ ಇಯರ್‌ಫೋನ್‌ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿದುಕೊಳ್ಳೋಣ ಬನ್ನಿರಿ.

ರಿಯಲ್‌ಮಿ ಬಡ್ಸ್ ಏರ್ ಪ್ರೊ

ಇದು ಆಕ್ಟಿವ್‌ ನಾಯ್ಸ್‌ ಕ್ಯಾನ್ಸಲೇಶನ್‌ ಸಿಸ್ಟಂ ಅನ್ನು ಹೊಂದಿರುವ ರಿಯಲ್‌ಮಿ ಸಂಸ್ಥೆಯ ಮೊದಲ ವಾಯರ್‌ಲೆಸ್‌ ಇಯರ್‌ಫೋನ್‌ ಆಗಿದೆ. ಇನ್ನು ಈ ಬಡ್ಸ್ ಏರ್ ಪ್ರೊ 35DB ವರೆಗಿನ ಶಬ್ದ ಕಡಿತವನ್ನು ಭರವಸೆ ನೀಡುತ್ತದೆ. ಅಲ್ಲದೆ ಎಎನ್‌ಸಿ ಮತ್ತು ವಾಯ್ಸ್‌ ಕಾಲ್‌ಗಳಿಗಾಗಿ ಡ್ಯುಯಲ್-ಮೈಕ್ರೊಫೋನ್ ವ್ಯವಸ್ಥೆಯನ್ನು ಹೊಂದಿದೆ. ಜೊತೆಗೆ 94ms ಕಡಿಮೆ ಲೇಟೆನ್ಸಿ ಮೋಡ್, ಪಾರದರ್ಶಕತೆ ಮೋಡ್, ಇಯರ್‌ಫೋನ್‌ ಮತ್ತು ಕೇಸ್‌ನಲ್ಲಿ 25 ಗಂಟೆಗಳ ಬ್ಯಾಟರಿ ಅವಧಿಯನ್ನು ಹೊಂದಿದೆ. ವೇಗದ ಚಾರ್ಜಿಂಗ್, ಟಚ್ ಕಂಟ್ರೋಲ್‌ ಮತ್ತು IPX4 ವಾಟರ್‌ resistance ಅನ್ನು ಒಳಗೊಂಡಿದೆ.

ರಿಯಲ್‌ಮಿ ಬಡ್ಸ್ ವಾಯರ್‌ಲೆಸ್ ಪ್ರೊ

ಬಡ್ಸ್ ವಾಯರ್‌ಲೆಸ್ ಪ್ರೊ, ಆಕ್ಟಿವ್‌ ನಾಯ್ಸ್‌ ಕ್ಯಾನ್ಸಕೇಶನ್‌ ಅನ್ನು ಹೊಂದಿದೆ. ಇದು ಪಾರದರ್ಶಕತೆ ಮೋಡ್, ಲೋ ಲೇಟೆನ್ಸಿ ಮೋಡ್, ಐಪಿಎಕ್ಸ್ 4 ವಾಟರ್ ರೆಸಿಸ್ಟೆನ್ಸ್ ಮತ್ತು ಫಾಸ್ಟ್ ಚಾರ್ಜಿಂಗ್ ಅನ್ನು ಸಹ ಒಳಗೊಂಡಿದೆ. ಇದಲ್ಲದೆ, ನೆಕ್‌ಬ್ಯಾಂಡ್ ಶೈಲಿಯ ಈ ಇಯರ್‌ಫೋನ್‌ ಪ್ರತಿ ಚಾರ್ಜ್‌ಗೆ 22 ಗಂಟೆಗಳವರೆಗೆ ಕ್ಲೈಮ್ ಮಾಡಲಾದ ಬ್ಯಾಟರಿ ಅವಧಿಯನ್ನು ಹೊಂದಿದೆ. ಹಾಗೇಯೇ 13.6 ಎಂಎಂ ಡೈನಾಮಿಕ್ ಆಡಿಯೋ ಡ್ರೈವರ್‌ಗಳಿಂದ ನಿಯಂತ್ರಿಸಲ್ಪಡುತ್ತವೆ. ಇನ್ನು ಈ ನೆಕ್‌ಬ್ಯಾಂಡ್‌ ಇಯರ್‌ಫೋನ್‌‌ ಎಲ್‌ಡಿಎಸಿ ಬ್ಲೂಟೂತ್ ಕೊಡೆಕ್‌ಗೆ ಬೆಂಬಲಿಸಲಿದ್ದು, ದೊಡ್ಡ ಡೇಟಾ ಸ್ಟ್ರೀಮ್‌ಗಳನ್ನು ನಿರ್ವಹಿಸುವ ಸಾಮರ್ಥ್ಯಕ್ಕೆ ಉತ್ತಮ ಧ್ವನಿ ಗುಣಮಟ್ಟವನ್ನು ನೀಡಲಿದೆ.

ಬೆಲೆ ಮತ್ತು ಲಭ್ಯತೆ

ಇನ್ನು ರಿಯಲ್‌ಮಿ ಬಡ್ಸ್ ಏರ್ ಪ್ರೊ 4,999 ರೂ ಬೆಲೆಯನ್ನು ಹೊಂದಿದ್ದು, 500 ರೂ. ರಿಯಾಯಿತಿಯೊಂದಿಗೆ 4,499 ರೂಗಳಿಗೆ ಲಭ್ಯವಾಗಲಿದೆ. ಇದು ಅಕ್ಟೋಬರ್ 16 ರಿಂದ ರಿಯಲ್‌ಮಿ ಆನ್‌ಲೈನ್ ಸ್ಟೋರ್ ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿ ಮಾರಾಟವಾಗಲಿದೆ ಮತ್ತು ಶೀಘ್ರದಲ್ಲೇ ದೇಶದ ವಿವಿಧ ಆಫ್‌ಲೈನ್ ಮಳಿಗೆಗಳಲ್ಲಿ ಲಭ್ಯವಾಗಲಿದೆ.ಇನ್ನು ರಿಯಲ್‌ಮಿ ಬಡ್ಸ್ ವಾಯರ್‌ಲೆಸ್ ಪ್ರೊ ಇಯರ್‌ಫೊನ್‌ ಕೂಡ ಅಕ್ಟೋಬರ್ 16 ರ ಮಧ್ಯರಾತ್ರಿಯಿಂದ ರಿಯಲ್‌ಮಿ ಆನ್‌ಲೈನ್ ಸ್ಟೋರ್ ಮತ್ತು ಅಮೆಜಾನ್‌ನಲ್ಲಿ ಖರೀದಿಗೆ ಲಬ್ಯವಾಗಲಿದೆ. ಇದರ ಬೆಲೆ 3,999 ರೂ ಆಗಿದ್ದು, ಪರಿಚಯಾತ್ಮಕ ವಾಗಿ 1,000 ರೂಗಳ ರಿಯಾಯಿತಿ ನೀಡುವುದರಿಂದ 2,999,ರೂ ಬೆಲೆಯಲ್ಲಿ ಲಭ್ಯವಾಗಲಿದೆ.