ದೇಶಿ ಮಾರುಕಟ್ಟೆಯಲ್ಲಿ ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್‌ ಎಡಿಷನ್‌ ಲಾಂಚ್‌!

ಹೌದು, ರಿಯಲ್‌ಮಿ ಕಂಪೆನಿ ತನ್ನ ಹೊಸ ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್‌ ಅವೃತ್ತಿಯನ್ನ ಭಾರತದಲ್ಲಿ ಅನಾವರಣಗೊಳಿಸಿದೆ. ಇದು ಮಿರರ್‌ ಫಿನಿಶ್‌ ಅನ್ನು ಹೊಂದಿದ್ದು, ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್ ಆವೃತ್ತಿಯ ವಿಶೇಷತೆಗಳು ರಿಯಲ್‌ಮಿ ಬಡ್ಸ್ ಏರ್ ಪ್ರೊಗೆ ಹೋಲುತ್ತವೆ. ಇನ್ನು ಈ ಇಯರ್‌ಬಡ್ಸ್‌ ಆಕ್ಟಿವ್‌ ನಾಯ್ಸ್‌ ಕ್ಯಾನ್ಸಲೇಶನ್‌, 94 ಮಿಲಿಸೆಕೆಂಡ್ ಸೂಪರ್ ಲೋ ಲೇಟೆನ್ಸಿ, ಮತ್ತು ಕರೆಗಳಿಗಾಗಿ ಡ್ಯುಯಲ್-ಮೈಕ್ ನಾಯ್ಸ್‌ ಕ್ಯಾನ್ಸಲೇಶನ್‌ ಫೀಚರ್ಸ್‌ ಅನ್ನು ಹೊಂದಿದೆ. ಇನ್ನುಳಿದಂತೆ ಈ ಇಯರ್‌ಬಡ್ಸ್‌ ಫೀಚರ್ಸ್‌ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್ ಎಡಿಷನ್ ಹೊಸ ಮಾದರಿಯ ವಿನ್ಯಾಸವನ್ನು ಹೊಂದಿದ್ದು, 94mm ಲೋ ಲೇಟೆನ್ಸಿ ಮೋಡ್ ಅನ್ನು ಒಳಗೊಂಡಿದೆ. ಜೊತೆಗೆ ಸುತ್ತುವರಿದ ಶಬ್ದವನ್ನು ಅನುಮತಿಸುವ ಪಾರದರ್ಶಕತೆ ಮೋಡ್ ಅನ್ನು ಸಹ ಒಳಗೊಂಡಿದೆ. ಇನ್ನು ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್ ಎಡಿಷನ್ 486mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದೆ. ಇದು 25 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡುತ್ತದೆ ಎಂದು ಹೇಳಿಕೊಂಡಿದೆ. ಇದರಲ್ಲಿ ಎಎನ್‌ಸಿ ಇರುವುದರಿಂದ, ನೀವು ಅವುಗಳನ್ನು 20 ಗಂಟೆಗಳವರೆಗೆ ಬಳಸಬಹುದು ಎಂದು ರಿಯಲ್‌ಮಿ ಸಂಸ್ಥೆ ಹೇಳಿಕೊಂಡಿದೆ. ಇದು ಏಳು ನಿಮಿಷಗಳ ಪ್ಲೇಬ್ಯಾಕ್ ನೀಡುವ 15 ನಿಮಿಷಗಳ ಚಾರ್ಜ್‌ನೊಂದಿಗೆ ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ ಎಂದು ಹೇಳಲಾಗುತ್ತದೆ.

ಇನ್ನು ಈ ಹೊಸ ಇಯರ್‌ಬಡ್ಸ್‌ ಐಪಿಎಕ್ಸ್ 4 ನೀರಿನ ಪ್ರತಿರೋಧದೊಂದಿಗೆ ಬರುತ್ತವೆ. ಇಂಟೆಲಿಜೆನ್ಸ್‌ ನಾಯ್ಸ್‌ ಕ್ಯಾನ್ಸಕೇಶನ್‌ಗೆ ರಿಯಲ್‌ಮಿ S1 ಚಿಪ್ ಅನ್ನು ಹೊಂದಿವೆ. ತೀಕ್ಷ್ಣವಾದ ಮತ್ತು ಸ್ಪಷ್ಟವಾದ ಕರೆಗಳಿಗಾಗಿ ಡ್ಯುಯಲ್-ಮೈಕ್ ಶಬ್ದ ರದ್ದತಿಯೂ ಇದೆ. ಈ ಕೇಸ್‌ ವಿಶಿಷ್ಟವಾದ ಕೋಬಲ್ ಆಕಾರವನ್ನು ಹೊಂದಿದೆ ಮತ್ತು ಇಯರ್‌ಬಡ್‌ಗಳು ತಲಾ 5 ಗ್ರಾಂ ತೂಗುತ್ತವೆ. ಸ್ಮಾರ್ಟ್ ಉಡುಗೆ ಪತ್ತೆ, ಸ್ಪರ್ಶ ನಿಯಂತ್ರಣಗಳು ಮತ್ತು ಧ್ವನಿ ಸಹಾಯದಂತಹ ಫೀಚರ್ಸ್‌ಗಳನ್ನು ಸಂಯೋಜಿಸಲಾಗಿದೆ.

ಇದರಲ್ಲಿ ಸ್ಮಾರ್ಟ್‌ಫೋನ್‌ಗಳೊಂದಿಗೆ ಸಂಪರ್ಕ ಸಾಧಿಸಲು ರಿಯಲ್‌ಮಿ ಲಿಂಕ್ ಅಪ್ಲಿಕೇಶನ್‌ನೊಂದಿಗೆ ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್ ಆವೃತ್ತಿ ಜೋಡಿಯನ್ನು ನೀಡಲಾಗಿದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಬ್ಲೂಟೂತ್ V5 ಅನ್ನು ಹೊಂದಿದೆ. ಇದು 10 ಎಂಎಂ ಡೈನಾಮಿಕ್ ಡ್ರೈವರ್‌ಗಳಿಂದ ನಿಯಂತ್ರಿಸಲ್ಪಡುತ್ತವೆ. ಎಎನ್‌ಸಿ ಮತ್ತು ಧ್ವನಿ ಕರೆಗಳಿಗಾಗಿ ಡ್ಯುಯಲ್-ಮೈಕ್ರೊಫೋನ್ ವ್ಯವಸ್ಥೆಯನ್ನು ಸಹ ಹೊಂದಿವೆ. ಇದು 35 ಡಿಬಿ ವರೆಗಿನ ನಾಯ್ಸ್‌ ಕ್ಯಾನ್ಸಲೇಶನ್‌ ಅನ್ನು ಸಹ ನೀಡಲಾಗಿದೆ.

ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್ ಆವೃತ್ತಿ ಭಾರತದಲ್ಲಿ 4,999 ರೂ. ಬೆಲೆಯನ್ನು ಹೊಂದಿದೆ. ಇನ್ನು ಈ ಹೊಸ ಇಯರ್‌ಬಡ್ಸ್‌ ಫಸ್ಟ್‌ ಸೇಲ್‌ ಜನವರಿ 8 ರಂದು ಮಧ್ಯಾಹ್ನ 12 ಗಂಟೆಗೆ (ಮಧ್ಯಾಹ್ನ) ನಡೆಯಲಿದೆ. ಇದು ಫ್ಲಿಪ್‌ಕಾರ್ಟ್, ರಿಯಲ್‌ಮಿ.ಕಾಮ್ ಮತ್ತು ಪಾಲುದಾರಿಕೆ ಆಫ್‌ಲೈನ್ ಮಳಿಗೆಗಳ ಮೂಲಕ ಲಭ್ಯವಿರುತ್ತವೆ. ರಿಯಲ್‌ಮಿ ಬಡ್ಸ್ ಏರ್ ಪ್ರೊ ಮಾಸ್ಟರ್ ಆವೃತ್ತಿಯನ್ನು ಕಂಪನಿಯ ಸೈಟ್‌ನಲ್ಲಿ ‘ನ್ಯೂ ವೇವ್ ಸಿಲ್ವರ್' ಬಣ್ಣ ಆಯ್ಕೆಯಾಗಿ ಪಟ್ಟಿ ಮಾಡಲಾಗಿದೆ.