Redmi: ಇನ್ಮುಂದೆ ಸ್ಕಾರ್ಲೆಟ್ ರೆಡ್ ಬಣ್ಣದಲ್ಲಿಯೂ ಲಭ್ಯ ರೆಡ್‌ಮಿ ಈ ಸ್ಟೈಲಿಶ್ ಸ್ಮಾರ್ಟ್‌ಫೋನ್!

ಭಾರತೀಯ ಮೊಬೈಲ್‌ ಮಾರುಕಟ್ಟೆಯಲ್ಲಿ ಶಿಯೋಮಿ (Xiaomi) ಸಂಸ್ಥೆಯ ಸ್ಮಾರ್ಟ್‌ಫೋನ್‌ಗಳಿಗೆ ವಿಶೇಷ ಬೇಡಿಕೆ ಇದೆ. ಅದರಂತೆ ಅಗ್ಗದ ಬೆಲೆಯಲ್ಲಿ ಅತ್ಯುತ್ತಮ ಫೀಚರ್ಸ್‌ನ ಮೊಬೈಲ್‌ಗಳನ್ನು ಗ್ರಾಹಕರಿಗೆ ನೀಡುತ್ತಾ ಬಂದಿದೆ. ಆಗಾಗ ತನ್ನ ಫೋನ್‌ಗಳಿಗೆ ಹೊಸ ಹೊಸ ತಂಂತ್ರಜ್ಞಾನ ವಿಭಿನ್ನ ವಿನ್ಯಾಸ ಅಳವಡಿಸಿಕೊಳ್ಳುವ ಮೂಲಕ ಗ್ರಾಹಕರನ್ನು ಆಕರ್ಷಿಸುವಲ್ಲಿ ಶಿಯೋಮಿ ಸಂಸ್ಥೆ ಯಶಸ್ವಿಯಾಗಿದೆ. ಅದರಂತೆ Xiaomi ಸಂಸ್ಥೆ ಭಾರತದಲ್ಲಿ ಈ ವರ್ಷದ ಆರಂಭದಲ್ಲಿ Redmi Note 13 Pro 5G ಸ್ಮಾರ್ಟ್‌ಫೋನ್‌ ಅನ್ನು ಬಿಡುಗಡೆ ಮಾಡಿತ್ತು. ಇದೀಗ ಮಧ್ಯಮ ಶ್ರೇಣಿಯ ಫೋನ್ ದೇಶದಲ್ಲಿ ಹೊಸ ಸ್ಕಾರ್ಲೆಟ್ ರೆಡ್ (Scarlet Red) ಕಲರ್ ಆಯ್ಕೆಯಲ್ಲಿ ಬರಲು ಸಿದ್ದವಾಗಿದೆ.

ಈ ಕುರಿತು ಪ್ರಸಿದ್ದ ಇ ಕಾಮರ್ಸ್ ಸೈಟ್‌ ಆಗಿರುವ ಫ್ಲಿಪ್‌ಕಾರ್ಟ್‌ (Flipkart) ನಲ್ಲಿ ಅದರ ಲಭ್ಯತೆಯನ್ನು ದೃಢೀಕರಿಸುವ ಲ್ಯಾಂಡಿಂಗ್ ಪುಟವು ಲೈವ್ ಆಗಿದೆ. Redmi Note 13 Pro 5G ಭಾರತದಲ್ಲಿ ಸ್ಕಾರ್ಲೆಟ್ ಕೆಂಪು ಬಣ್ಣದಲ್ಲಿ ಬರಲು ಸಿದ್ದವಾಗಿದೆ. Redmi Note 13 Pro 5G ಯ ಈ ​​ಹೊಸ ಸ್ಕಾರ್ಲೆಟ್ ರೆಡ್ (Scarlet Red) ರೂಪಾಂತರವು ನಾಳೆ ಅಂದರೆ ಜೂನ್ 25 ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಇದು ಫ್ಲಿಪ್‌ಕಾರ್ಟ್ ಮೂಲಕ ಮಾರಾಟವಾಗಲಿದೆ ಮತ್ತು ವೈಶಿಷ್ಟ್ಯಗಳು Redmi Note 13 Pro 5G ಯ ​​ಇತರ ರೂಪಾಂತರಗಳಂತೆಯೇ ಇರುತ್ತದೆ.

Redmi Note 13 Pro 5G ವಿಶೇಷತೆಗಳು:
Note 13 Pro 5G ಈ ಸ್ಮಾರ್ಟ್‌ಫೋನ್ 6.67 ಇಂಚಿನ 1.5K ಅಮೋಲ್ಡ್‌ ಡಿಸ್‌ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ ಮತ್ತು 1,800 nits ನ ಗರಿಷ್ಠ ಬ್ರೈಟ್‌ನೆಸ್‌ ಜೊತೆಗೆ ಈ ಸ್ಮಾರ್ಟ್‌ಫೋನ್‌ ಈಗಾಗಲೆ ಭಾರತೀಯ ಮಾರುಕಟ್ಟೆಯಲ್ಲಿ ಲಭ್ಯವಿದೆ. Redmi Note 13 Pro ಇದು Qualcomm Snapdragon 7s Gen 2 SoC ಮೂಲಕ ರನ್ ಆಗಲಿದೆ ಮತ್ತು ಇದು 12GB LPDDR4X RAM ಮತ್ತು 256GB ವರೆಗಿನ UFS 2.2 ಸ್ಟೋರೆಜ್ ಸಾಮರ್ಥ್ಯದೊಂದಿಗೆ ಜೋಡಿಸಲಾಗಿದೆ. ಇನ್ನು ಈ ಸಾಧನವು 67W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,100 mAh ಬ್ಯಾಟರಿ ಸೌಲಭ್ಯ ಹೊಂದಿದೆ.
Redmi Note 13 Pro 5G ಕ್ಯಾಮೆರಾ: ಛಾಯಾಚಿತ್ರಕ್ಕಾಗಿ ಇದುOIS ಬೆಂಬಲದೊಂದಿಗೆ 200MP ಪ್ರಾಥಮಿಕ ಸೆನ್ಸಾರ್ ಕ್ಯಾಮೆರಾ, 8MP ಅಲ್ಟ್ರಾವೈಡ್ ಲೆನ್ಸ್ ಮತ್ತು 2MP ಮ್ಯಾಕ್ರೋ ಕ್ಯಾಮೆರಾ ಹೊಂದಿದೆ. ಸೆಲ್ಫಿ ಹಾಗೂ ವಿಡಿಯೋ ಕರೆಗಳಿಗಾಗಿ ಇದು 16MP ಸೆಲ್ಫಿ ಕ್ಯಾಮೆರಾ ಹೊಂದಿದೆ. Redmi Note 13 5G ಈ ಮೊಬೈಲ್‌ ಆಂಡ್ರಾಯ್ಡ್ 14 ರಲ್ಲಿ ರನ್ ಆಗುತ್ತದೆ ಮತ್ತು ಡಾಲ್ಬಿ ಆಟ್ಮೋಸ್ (Dolby Atmos) ಬೆಂಬಲದೊಂದಿಗೆ ಡ್ಯುಯಲ್ ಸ್ಟಿರಿಯೊ ಸ್ಪೀಕರ್‌ಗಳನ್ನು ಸಹ ಹೊಂದಿದೆ.

Redmi Note 13 Pro 5G ಬೆಲೆ:
Redmi Note 13 Pro ನ ಮೂಲ ವೇರಿಯಂಟ್‌ ಆಗಿರುವ 8GB/128GB ಮಾದರಿಗೆ ರೂ. 25,999 ರಿಂದ ಪ್ರಾರಂಭಿಸಲಾಗಿದೆ. ಆದರೆ ಇದರ 8GB/256GB ಮತ್ತು 12GB/256GB ರೂಪಾಂತರಗಳ ಬೆಲೆ ಕ್ರಮವಾಗಿ ರೂ 27,999 ಮತ್ತು ರೂ 29,999 ಗಳಿಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದೀಗ ಬಿಡುಗಡೆಗೆ ಸಿದ್ದವಾಗಿರುವ ಹೊಸ ಬಣ್ಣದ ರೂಪಾಂತರವು ಎಲ್ಲಾ ಶೇಖರಣಾ ರೂಪಾಂತರಗಳನ್ನು ಮತ್ತು ಅಸ್ತಿತ್ವದಲ್ಲಿರುವ ಮಾದರಿಗಳಂತೆಯೇ ಅದೇ ಬೆಲೆಯನ್ನು ಪಡೆಯುತ್ತದೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.