ಶಿಯೋಮಿ ಕಂಪೆನಿಯ ರೆಡ್‌ಮಿ ಸ್ಮಾರ್ಟ್ ಡಿಸ್‌ಪ್ಲೇ 8 ಬಿಡುಗಡೆ!

ಹೌದು, ಶಿಯೋಮಿ ಕಂಪೆನಿ ತನ್ನ ರೆಡ್‌ಮಿ ಬ್ರ್ಯಾಂಡ್‌ನ ಅಡಿಯಲ್ಲಿ ಹೊಸ ಸ್ಮಾಟ್‌ಡಿಸ್‌ಪ್ಲೇ ಅನ್ನು ಚೀನಾ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಇದನ್ನು ರೆಡ್‌ಮಿ ಸ್ಮಾರ್ಟ್‌ ಡಿಸ್‌ಪ್ಲೇ 8 ಎಂದು ಹೆಸರಿಸಲಾಗಿದ್ದು, ಇದು ಹೆಚ್‌ಡಿ ಕ್ಯಾಮೆರಾವನ್ನು ಒಳಗೊಂಡಿರುವ ಡಿಸ್‌ಪ್ಲೇ ಆಗಿದೆ. ಇನ್ನು ಈ ಸ್ಮಾರ್ಟ್ ಡಿಸ್‌ಪ್ಲೇ 8 ಇಂಚಿನ ಡಿಸ್ಪ್ಲೇಯನ್ನು ಹೊಂದಿದ್ದು, ಶಿಯೋಮಿಯ ಶಿಯಾವೊAI ಟಚ್‌ಸ್ಕ್ರೀನ್ ಸ್ಪೀಕರ್ ಪ್ರೊ 8 ಗೆ ಹೋಲುತ್ತದೆ, ಜೊತೆಗೆ ಈ ಸ್ಮಾರ್ಟ್‌ಡಿಸ್‌ಪ್ಲೇ ಮೂರನೇ ತಲೆಮಾರಿನ ಶಿಯೋಮಿಯ ಶಿಯಾವೊ AI ಸಹಾಯಕ ಬೆಂಬಲವನ್ನು ಒಳಗೊಮಡಿದೆ. ಇನ್ನು ಇದರ ವಿನ್ಯಾಸ ಹಾಗೂ ವಿಶೇಷತೆಯನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿ.

ಇನ್ನು ರೆಡ್‌ಮಿ ಸ್ಮಾರ್ಟ್ ಡಿಸ್‌ಪ್ಲೇ 8 ವಿನ್ಯಾಸದ ದೃಷ್ಟಿಯಿಂದ, 2019 ರಲ್ಲಿ ಬಿಡುಗಡೆಯಾದ ಶಿಯೋಮಿ ಶಿಯಾವೊಎಐ ಟಚ್‌ಸ್ಕ್ರೀನ್ ಸ್ಪೀಕರ್ ಪ್ರೊ 8 ನ ವಿನ್ಯಾಸವನ್ನೇ ಒಳಗೊಂಡಿದೆ. ಅಲ್ಲದೆ ಈ ಸ್ಮಾರ್ಟ್‌ ಡಿಸ್‌ಪ್ಲೇ ಶಿಯೋಮಿ ಸ್ಮಾರ್ಟ್ ಸ್ಪೀಕರ್‌ನಂತೆಯೇ, ಕಾರ್ಯನಿರ್ವಹಿಸುತ್ತದೆ. ಜೊತೆಗೆ ಇದು ಕೂಡ ವಾಯ್ಸ್‌ ಹಾಗೂ ಟಚ್‌ ಕಂಟ್ರೋಲ್‌ ಅನ್ನು ಬೆಂಬಲಿಸುತ್ತದೆ. ಇದಲ್ಲದೆ ಈ ಡಿವೈಸ್‌ 8-ಇಂಚಿನ ಡಿಸ್‌ಪ್ಲೇ ಒಳಗೊಂಡಿದ್ದು, ಈ ಡಿಸ್‌ಪ್ಲೇ 178-ಡಿಗ್ರಿ ಅಗಲ-ವೀಕ್ಷಣಾ ಕೋನವನ್ನು ಒಳಗೊಂಡಿದೆ. ಹಾಗೂ ವಿಶೇಷ ಲ್ಯಾಮಿನೇಶನ್ ಅನ್ನು ಒಳಗೊಂಡಿರುತ್ತದೆ, ಇದು ರಿಫ್ಲೆಕ್ಟ್‌ ಅನ್ನು ಕಡಿಮೆ ಮಾಡಲಿದೆ.

ಇದಲ್ಲದೆ ರೆಡ್ಮಿ ಸ್ಮಾರ್ಟ್ ಡಿಸ್‌ಪ್ಲೇ 8 ರಲ್ಲಿ AI ಮ್ಯೂಸಿಕ್‌, ವಿಡಿಯೋ, ಅಲಾರಂ ಟೈಂ ಕಂಟ್ರೋಲ್‌ ಮಾಡಲು ಸನ್ನೆಗಳನ್ನು ಸಹ ಬೆಂಬಲಿಸುತ್ತದೆ. ಜೊತೆಗೆ ಇದರಿಂದ ವಿವಿಧ ಸ್ಮಾರ್ಟ್ ಡಿವೈಸ್‌ಗಳನ್ನ ಕಂಟ್ರೋಲ್‌ ಮಾಡಬಹುದಾಗಿದ್ದು, ಇದೊಂದು ಡಿವೈಸ್‌ ಹಬ್‌ ಆಗಿ ಕಾರ್ಯನಿರ್ವಹಿಸುತ್ತದೆ. ಇನ್ನು ಈ ಸ್ಮಾರ್ಟ್ ಡಿಸ್‌ಪ್ಲೇಯ ಸ್ಪೀಕರ್‌ನ ಮುಂಭಾಗದಲ್ಲಿ ಮಲ್ಟಿ-ಡಿವೈಸ್ ಕರೆಗಳಿಗೆ ಬೆಂಬಲಲಿಸುವ ಹಾಗೂ ವೀಡಿಯೊ ಕರೆಗಳಿಗೆ ಉತ್ತಮ ಅನುಭವ ನೀಡುವ ಹೆಚ್‌ಡಿ ಕ್ಯಾಮೆರಾವನ್ನು ನೀಡಲಾಗಿದೆ.

ಅಲ್ಲದೆ ರೆಡ್‌ಮಿ ಸ್ಮಾರ್ಟ್‌ಡಿಸ್‌ಪ್ಲೇ 8 ಚೀನಾದಲ್ಲಿ ಜನಪ್ರಿಯ ವೀಡಿಯೊ ಪ್ಲಾಟ್‌ಫಾರ್ಮ್‌ಗಳನ್ನು ಸಹ ಬೆಂಬಲಿಸಲಿದ್ದು, ಕಸ್ಟಮ್ ಚೈಲ್ಡ್‌ ಮೋಡ್ ಹೊಂದಿದೆ. ಈ ಮೋಡ್ ಮಕ್ಕಳ ಕೇಂದ್ರಿತ ವಿಷಯವನ್ನು ಒಳಗೊಂಡಿದ್ದು, ಮಕ್ಕಳನ್ನು ಮನೆಯಲ್ಲಿ ಗುರುತು ಮಾಡಲಿದೆ. ಜೊತೆಗೆ ಈ ಡಿಸ್‌ಪ್ಲೇ ಇಂಟರ್‌ಬಿಲ್ಟ್‌ ಬ್ಲೂಟೂತ್ ಗೇಟ್‌ವೇಯೊಂದಿಗೆ ಬರುತ್ತದೆ, ಇದು ಬ್ಲೂಟೂತ್-ಹೊಂದಿದ ಡಿವೈಸ್‌ಗಳನ್ನು ಸಿಂಗಲ್‌ ಟಚ್‌ನಲ್ಲಿ ಕನೆಕ್ಟಿವಿಟಿ ಮಾಡುವುದಕ್ಕೆ ಅವಕಾಶ ಕಲ್ಪಿಸುತ್ತದೆ. ಜೊತೆಗೆ ಇದರಲ್ಲಿ ನೀಲಿ-ಬೆಳಕಿನ ಫಿಲ್ಟರ್ ಅನ್ನು ಸಹ ಒಳಗೊಂಡಿದ್ದು, ಉತ್ತಮ ಅನುಭವ ನೀಡಲಿದೆ.

ಇನ್ನು ರೆಡ್ಮಿ ಸ್ಮಾರ್ಟ್ ಡಿಸ್‌ಪ್ಲೇ 8 CNY349 (ಸುಮಾರು 3,800 ರೂ.) ಬೆಲೆಯನ್ನು ಹೊಂದಿದ್ದು, ಇದೇ ಮಾರ್ಚ್ 27 ರಿಂದ ಅಧಿಕೃತ ಮಾರಾಟ ಮಳಿಗೆಗಳ ಮೂಲಕ ಚೀನಾ ದೇಶದಲ್ಲಿ ಖರಿದೀಸಬಹುದಾಗಿದೆ.