ಭಾರತದಲ್ಲಿ ರೆಡ್‌ಮಿಬುಕ್ ಪ್ರೊ ಮತ್ತು ಇ-ಲರ್ನಿಂಗ್ ಲ್ಯಾಪ್‌ಟಾಪ್‌ ಬಿಡುಗಡೆ!

ಹೌದು, ರೆಡ್‌ಮಿ ಭಾರತದಲ್ಲಿ ಹೊಸದಾಗಿ ರೆಡ್‌ಮಿಬುಕ್ ಪ್ರೊ ಮತ್ತು ರೆಡ್‌ಮಿಬುಕ್ ಇ-ಲರ್ನಿಂಗ್ ಆವೃತ್ತಿಯನ್ನು ಪರಿಚಯಿಸಿದೆ. ಇನ್ನು ಈ ಎರಡೂ ಹೊಸ ಲ್ಯಾಪ್‌ಟಾಪ್‌ಗಳು 11 ನೇ ತಲೆಮಾರಿನ ಇಂಟೆಲ್ ಕೋರ್ ಪ್ರೊಸೆಸರ್‌ ಒಳಗೊಂಡಿವೆ ಮತ್ತು 512GB ಇಂಟರ್‌ ಸ್ಟೋರೇಜ್‌ ಹೊಂದಿವೆ. ಜೊತೆಗೆ ರೆಡ್‌ಮಿಬುಕ್ ಪ್ರೊ ಅನ್ನು ವೃತ್ತಿಪರರು ಮತ್ತು ಮನೆಯಿಂದ ಕೆಲಸ ಮಾಡುವವರಿಗಾಗಿ ವಿನ್ಯಾಸಗೊಳಿಸಲಾಗಿದೆ, ಆದರೆ ರೆಡ್‌ಮಿಬುಕ್ ಇ-ಲರ್ನಿಂಗ್ ಆವೃತ್ತಿಯು ವಿದ್ಯಾರ್ಥಿಗಳನ್ನು ದೂರದಿಂದ ಕಲಿಯುವ ಗುರಿಯನ್ನು ಹೊಂದಿದೆ. ಇನ್ನುಳಿದಂತೆ ಈ ಎರಡು ಹೊಸ ಲ್ಯಾಪ್‌ಟಾಪ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಈ ಲ್ಯಾಪ್‌ಟಾಪ್‌ಗಳು ಫುಲ್‌ ಹೆಚ್‌ಡಿ ಡಿಸ್‌ಪ್ಲೇಗಳನ್ನು ಒಳಗೊಂಡಿರುತ್ತವೆ. ಅಲ್ಲದೆ ಸಿಂಗಲ್‌ ಚಾರ್ಜ್‌ನಲ್ಲಿ 10 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡುತ್ತವೆ. ಇನ್ನು ಶಿಯೋಮಿ ವಿಂಡೋಸ್ 10 ಹೋಮ್ ಮತ್ತು ಮೈಕ್ರೋಸಾಫ್ಟ್ ಆಫೀಸ್ ಹೋಮ್ ಮತ್ತು ಸ್ಟೂಡೆಂಟ್ ಎಡಿಷನ್ 2019 ಅನ್ನು ತನ್ನ ಹೊಸ ರೆಡ್‌ಮಿಬುಕ್ ಮಾಡೆಲ್‌ಗಳೊಂದಿಗೆ ಮೊದಲೇ ಲೋಡ್ ಮಾಡಿದೆ. ಇದಲ್ಲದೆ ಹೆಚ್ಚುವರಿಯಾಗಿ, ಲ್ಯಾಪ್‌ಟಾಪ್‌ಗಳು ಲಭ್ಯವಿರುವಾಗ ಉಚಿತ ವಿಂಡೋಸ್ 11 ಅಪ್‌ಗ್ರೇಡ್‌ಗೆ ಅರ್ಹವಾಗಿವೆ. ಅಲ್ಲದೆ ಡಿವೈಸ್‌ಗಳ ನಡುವೆ ಫೈಲ್‌ಗಳನ್ನು ಸುಲಭವಾಗಿ ಹಂಚಿಕೊಳ್ಳಲು ಶಿಯೋಮಿ ತನ್ನ Mi ಸ್ಮಾರ್ಟ್ ಶೇರ್ ಅಪ್ಲಿಕೇಶನ್ ಅನ್ನು ಮೊದಲೇ ಸ್ಥಾಪಿಸಿದೆ.

ರೆಡ್‌ಮಿಬುಕ್ ಪ್ರೊ ವಿಶೇಷತೆ

ರೆಡ್‌ಮಿಬುಕ್‌ ಪ್ರೊ ಇದು 15.6 ಇಂಚಿನ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಇನ್ನು ಈ ಲ್ಯಾಪ್‌ಟಾಪ್ 1.5mm ಕೀ ಟ್ರಾವೆಲ್‌ನೊಂದಿಗೆ ಕತ್ತರಿ-ಮೆಕ್ಯಾನಿಸಂ ಕೀಬೋರ್ಡ್ ಅನ್ನು ಸಹ ಹೊಂದಿದೆ. ಜೊತೆಗೆ 100cm ಟ್ರ್ಯಾಕ್‌ಪ್ಯಾಡ್ ಜೊತೆಗೆ ವಿಂಡೋಸ್ ನಿಖರ ಡ್ರೈವರ್‌ಗಳು ಮತ್ತು ಮಲ್ಟಿ-ಟಚ್ ಇನ್‌ಪುಟ್‌ಗಳನ್ನು ಬೆಂಬಲಿಸುತ್ತದೆ. ಈ ಲ್ಯಾಪ್‌ಟಾಪ್‌ 11 ನೇ ತಲೆಮಾರಿನ ಇಂಟೆಲ್ ಕೋರ್ i5-11300H ಪ್ರೊಸೆಸರ್ ಅನ್ನು ಒಳಗೊಂಡಿದ್ದು, ರೆಡ್‌ಮಿಬುಕ್ ಪ್ರೊ ವಿಂಡೋಸ್ 10 ಹೋಮ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇನ್ನು ರೆಡ್‌ಮಿಬುಕ್ ಪ್ರೊ ಒಂದು ಡ್ಯುಯಲ್ ಮೈಕ್ರೊಫೋನ್‌ಗಳ ಜೊತೆಗೆ 720p ವೆಬ್‌ಕ್ಯಾಮ್ ಅನ್ನು ಹೊಂದಿದೆ. ಲ್ಯಾಪ್ಟಾಪ್ ತಾಪಮಾನವನ್ನು ನಿರ್ವಹಿಸಲು ದೊಡ್ಡ ಗಾಳಿಯನ್ನು ತೆಗೆದುಕೊಳ್ಳುತ್ತದೆ. ಇದಲ್ಲದೇ, ಇದು 10 ಗಂಟೆಗಳ ಬ್ಯಾಟರಿ ಬಾಳಿಕೆಯನ್ನು ನೀಡುತ್ತದೆ ಎಂದು ಹೇಳಲಾಗಿದೆ.

ರೆಡ್‌ಮಿಬುಕ್ ಇ-ಲರ್ನಿಂಗ್ ಆವೃತ್ತಿ ವಿಶೇಷತೆ

ರೆಡ್‌ಮಿಬುಕ್ ಪ್ರೊನಂತೆಯೇ, ರೆಡ್‌ಮಿಬುಕ್ ಇ-ಲರ್ನಿಂಗ್ ಆವೃತ್ತಿಯು ವಿಂಡೋಸ್ 10 ಹೋಮ್‌ನೊಂದಿಗೆ ಬರುತ್ತದೆ. ಇದು ಕೂಡ 15.6 ಇಂಚಿನ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಆದರೆ ರೆಡ್‌ಮಿ ಇ-ಲರ್ನಿಂಗ್ ಆವೃತ್ತಿಯು 11 ನೇ ತಲೆಮಾರಿನ ಇಂಟೆಲ್ ಕೋರ್ i3-1115G4 ಪ್ರೊಸೆಸರ್ ಅನ್ನು ಹೊಂದಿದೆ. ಇದು 256GB ಸ್ಟೋರೇಜ್‌ ಅನ್ನು ಪಡೆದುಕೊಂಡಿದೆ. ಇನ್ನು ರೆಡ್‌ಮಿಬುಕ್ ಇ-ಲರ್ನಿಂಗ್ ಆವೃತ್ತಿಯು ಡಿಟಿಎಸ್ ಆಡಿಯೋ ಜೊತೆಗೆ ವೈ-ಫೈ, ಬ್ಲೂಟೂತ್ ಮತ್ತು ಯುಎಸ್‌ಬಿ ಹಾಗೂ ಎಚ್‌ಡಿಎಂಐ ಪೋರ್ಟ್‌ಗಳನ್ನು ಒಳಗೊಂಡಿರುವ ಕನೆಕ್ಟಿವಿಟಿ ಆಯ್ಕೆಗಳ ಜೊತೆಗೆ ಸ್ಟೀರಿಯೋ ಸ್ಪೀಕರ್‌ಗಳನ್ನು ಹೊಂದಿದೆ. ಈ ಲ್ಯಾಪ್ಟಾಪ್ ಒಂದು ಬಾರಿ ಚಾರ್ಜ್ ಮಾಡಿದರೆ 10 ಗಂಟೆಗಳ ಬ್ಯಾಟರಿ ಬಾಳಿಕೆಯನ್ನು ನೀಡುತ್ತದೆ ಎಂದು ಹೇಳಲಾಗಿದೆ.

ಬೆಲೆ ಮತ್ತು ಲಭ್ಯತೆ

ಭಾರತದಲ್ಲಿ ರೆಡ್‌ಮಿಬುಕ್‌ ಪ್ರೊ ಲ್ಯಾಪ್‌ಟಾಪ್‌ 8GB RAM + 512GB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯದ ಆಯ್ಕೆಗೆ 49,999.ರೂ ಬೆಲೆ ಹೊಂದಿದೆ. ಇದು ಚಾರ್ಕೋಲ್ ಗ್ರೇ ಕಲರ್ ಆಯ್ಕೆಯಲ್ಲಿ ಲಭ್ಯವಾಗಲಿದೆ. ಇದಲ್ಲದೆ ರೆಡ್‌ಮಿಬುಕ್ ಇ-ಲರ್ನಿಂಗ್ ಆವೃತ್ತಿಯು 8GB + 256GB ರೂಪಾಂತರಕ್ಕೆ 41,999 ರೂ ಮತ್ತು 8GB + 512GB ಆಯ್ಕೆಗೆ 44,999.ರೂ ಬೆಲೆಯನ್ನು ಪಡೆದುಕೊಂಡಿದೆ. ಇನ್ನು ಈ ಎರಡೂ ಲ್ಯಾಪ್‌ಟಾಪ್‌ಗಳು ಆಗಸ್ಟ್ 6 ರ ಶುಕ್ರವಾರದಂದು ಮಧ್ಯಾಹ್ನ 12 ಗಂಟೆಯಿಂದ (ಮಧ್ಯಾಹ್ನ) ದೇಶದಲ್ಲಿ ಮಾರಾಟಕ್ಕೆ ಲಭ್ಯವಿರುತ್ತವೆ. ಇದು ಫ್ಲಿಪ್‌ಕಾರ್ಟ್, Mi.ಕಾಮ್ ಮತ್ತು ಮಿ ಹೋಮ್ ಸ್ಟೋರ್‌ಗಳ ಮೂಲಕ ಲಭ್ಯವಾಗಲಿದೆ.