ಮಾರುಕಟ್ಟೆಗೆ ಬಂತು ಕೊರೊನಾ ವೈರಸ್‌ ಕುರಿತ ಕೊರೋನಾ ಸ್ಟ್ರೈಕರ್‌ ಗೇಮ್‌!

ಹೌದು, ಕೊರೋನಾ ವೈರಸ್‌ ತಡೆಗಟ್ಟುವುದು ಹೇಗೆ ಅನ್ನೊ ಚಿಂತನೆಯಲ್ಲಿ ಇಡೀ ಜಗತ್ತು ಪರಿತಪಿಸುತ್ತಿದೆ. ಇದರ ನಡುವೆ ಕೊರೋನಾ ವೈರಸ್‌ ಕುರಿತ ಗೇಮ್‌ ಒಂದು ಮಾರುಕಟ್ಟೆಗೆ ಲಾಂಚ್‌ ಆಗಿದೆ. ಕೊರೋನಾ ವಿರುದ್ದ ಹೋರಾಡುವುದು ಹೇಗೆ,? ಅದರ ವಿರುದ್ದ ನಡೆದುಕೊಳ್ಳುವುದು ಹೇಗೆ ಅನ್ನೊ ವಿಶಿಷ್ಟ ರೀತಿಯನ್ನ ವಿಭಿನ್ನವಾಗಿ ಪರಿಚಯಿಸುವ ಹಾಗೂ ಆಟದ ಮೂಲಕವೇ ಸಮಾಜಿಕ ಸಂದೇಶ ಸಾರುವ ಗೇಮ್‌ ಇದಾಗಿದೆ ಎಂದು ಹೇಳಲಾಗ್ತಿದೆ. ಸದ್ಯ ಈ ಮಾದರಿಯ ಗೇಮ್‌ ಅನ್ನು ರಿಲಾಯನ್ಸ್‌ ಬೆಂಬಲಿತ ಫಿಂಡ್‌ ಕಂಪೆನಿ ಕ್ರಿಯೆಟ್‌ ಮಾಡಿದ್ದು, ಇದಕ್ಕೆ ಕೊರೋನಾ ಸ್ಟ್ರೈಕರ್‌ ಎಂದು ಹೆಸರಿಸಲಾಗಿದೆ.

ಸದ್ಯ ಕರೋನಾವೈರಸ್ (ಕೋವಿಡ್ -19) ಕಾಯಿಲೆಯ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಫಿಂಡ್‌ ಸಂಸ್ಥೆ ಕೊರೋನಾ ಸ್ಟ್ರೈಕರ್‌ ಗೇಮ್‌ ಅನ್ನು ಪರಿಚಯಿಸಿದೆ. ಈ ಗೇಮ್‌ ಅನ್ನು ತನ್ನ "ಸೇವ್ ದಿ ವರ್ಲ್ಡ್" ಸಾಮಾಜಿಕ ಉಪಕ್ರಮದ ಭಾಗವಾಗಿ ಲಾಂಚ್‌ ಮಾಡಿದ್ದು ಇದು ಹೈಪರ್-ಕ್ಯಾಶುಯಲ್ ಗೇಮ್‌ ಆಗಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ. ಇನ್ನು ಈ ಗೇಮ್‌ನಲ್ಲಿ ಕೊರೋನಾ ಸೊಂಕಿತನಿಂದ ಸೋಂಕು ಪ್ರಪಂಚವನ್ನು ಹರಡಿಕೊಳ್ಳದಂತೆ ತಡೆಯಲು ಆಟಗಾರನು ವೈರಸ್ ದೈತ್ಯಾಕಾರದ ಜೊತೆ ಹೋರಾಡುವ ವಿನ್ಯಾಸವನ್ನ ರೂಪಿಸಲಾಗಿದೆ. ಕೊರೊನಾ ಸೊಂಕಿತನನ್ನು ಹೇಗೆ ತಡೆಯಬೇಕು, ವೈರಸ್‌ ಹರಡದಂತೆ ಹೇಗೆ ಹೋರಾಡಬೇಕು ಅನ್ನೊದನ್ನ ಈ ಗೇಮ್‌ನಲ್ಲಿ ತಿಳಿಸುವ ಪ್ರಯತ್ನವನ್ನ ಮಾಡಲಾಗಿದೆ.

ಇನ್ನು ಈ ಗೇಮ್‌ನಲ್ಲಿ ಆರೋಗ್ಯಕರ ಸ್ವ-ಆರೈಕೆ ಅಭ್ಯಾಸಗಳನ್ನು ತಿಳಿಸುವ ಹಾಗೂ COVID-19 ಸಾಮಾಜಿಕ ಜಾಗೃತಿ ಸಂದೇಶಗಳನ್ನು ಗೇಮ್‌ನ ಉದ್ದಕ್ಕೂ ತಿಳಿಸಿಕೊಡುವ ಪ್ರಯತ್ನವನ್ನ ಮಾಡಿಕೊಡಲಾಗಿದೆ. ಜೊತೆಗೆ "ಕರೋನಾ ಸ್ಟ್ರೈಕರ್‌ನೊಂದಿಗೆ, ಸಾಮಾಜಿಕ ದೂರವನ್ನು ಅಭ್ಯಾಸ ಮಾಡಲು ಮತ್ತು ಸುರಕ್ಷಿತ ಮತ್ತು ಆರೋಗ್ಯವಾಗಿರಲು ಹೆಚ್ಚಿನ ಜನರನ್ನು ಪ್ರೋತ್ಸಾಹಿಸಲು ನಾವು ಸಾಮಾಜಿಕವಾಗಿ ಸಂಬಂಧಿಸಿದ ಮಾಹಿತಿಯನ್ನು ಮನಮುಟ್ಟುವ ಚೌಕಟ್ಟಿನಲ್ಲಿ ಹಂಚಿಕೊಳ್ಳುತ್ತಿದ್ದೇವೆ" ಎಂದು ಫಿಂಡ್‌ನ ಸಹ-ಸಂಸ್ಥಾಪಕ ಫಾರೂಕ್ ಆಡಮ್ ಹೇಳಿಕೊಂಡಿದ್ದಾರೆ.

ಇದಲ್ಲದೆ ಕಂಪನಿಯ ಪ್ರಕಾರ, ಈ ಗೇಮ್‌ ಸಂಪೂರ್ಣವಾಗಿ ಜಾಹೀರಾತು ಮುಕ್ತವಾಗಿದೆ. ಫಿಂಡ್‌ನಲ್ಲಿರುವ ಅಪ್ಲೈಡ್ ಮೆಷಿನ್ ಲರ್ನಿಂಗ್ (ಎಎಂಎಲ್) ತಂಡವು ಕರೋನಾ ಸ್ಟ್ರೈಕರ್ ಪರಿಕಲ್ಪನೆಯನ್ನ ತಂದಿದೆ. ಇದಕ್ಕಾಗಿ ಎಐ ಆಧಾರಿತ ವ್ಯವಸ್ಥೆಗಳನ್ನು ನಿರ್ಮಿಸುವ ಕೆಲಸ ಮಾಡುತ್ತದೆ ಮತ್ತು ರೋಗ ತಡೆಗಟ್ಟುವ ಸಂವಹನಕ್ಕೆ ಸ್ಪಂದಿಸಬೇಕು" ಎಂದು ಫಿಂಡ್‌ನ ಪ್ರದೀಪ್ ತಿವಾರಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಅಲ್ಲದೆ ಜನರು ಸಕಾರಾತ್ಮಕ ಅನುಭವವನ್ನು ಹೊಂದಬೇಕೆಂದು ನಾವು ಬಯಸುತ್ತೇವೆ ಮತ್ತು ರೋಗ ತಡೆಗಟ್ಟುವ ಸಂವಹನಕ್ಕೆ ಸ್ಪಂದಿಸಬೇಕು ಎಂದು ಸಂಸ್ಥೆ ಹೇಳಿಕೊಂಡಿದೆ.